Көжекті жасыр ойыны бойынша мектепке дейінгі ашық сабақ

Білім беру саласы: Таным.

Ұйымдастырылған оқу қызметі: Сезім тәрбиесі.

Тақырыбы: «Көжекті жасыр»

Мақсаты: Бір берілген нысанды таңдауға үйрету.Түстері бойынша нысандарды топтас-

тыруды бекіту.Балаларды түстермен таныстыруды жалғастыру, саусақтың

ұсақ бұлшық еттерінің қозғалысын жетілдіру.

Көрнекілік: Қоян, түрлі- түсті көжектер, сәбіз суреттері.

Балалар, бізде бүгін сезім тәрбиесі оқу қызметі.Балалар біз таңертең ұйқыдан тұрып терезеден қарағанда нені көреміз?

-Күнді.

Біздің тобымызда күннің бейнесі қайда бейнеленген?

Күннің пішіні қандай?

-Дөңгелек.

Түсі қандай?

-Сары.

Өте дұрыс,балалар күн бізге жарық,жылу береді.Кәне балалар бізде сол күнге ұқсап дөңгеленіп шеңберге тұрайық.

Ендеше бүгінгі оқу қызметімізді шаттық шеңберден бастайық.

Шаттық шеңбері.

Орнымыздан тұрайық

Шеңберді біз құрайық

Қолымыздан біз ұстап

Ақ тілекті жолдайық

Айналада тыныштық

Әрбір атқан күн ыстық,

Қайырлы күн достарым

Қайырлы күн достарым.

Жарайсыңдар балалар,барлығымыз орнымызға жайғасайық.

Балалар қазір жылдың қай мезгілі?

-Көктем.

Балалар көктем мезгілінің наурыз айы.Көктем мезгілінде 3 ай болады.Барлығымыз бірге

қайталайықшы.

-Наурыз, сәуір,мамыр .

Балалар біз өткен оқу қызметімізді еске түсірейік.Біздер қиылған суреттерден нені құрас-

тырдық?

-Жемістерді.

Өте дұрыс,жемістерді.Сендер қандай жемістерді білесіңдер?

-Алма,алмұрт.

Жарайсыңдар балалар.Ал бүгін біз жаңа тақырып өтеміз.Тақырыбы Көжекті жасыр.Балалар қараңдаршы бұл ненің суреті?

-Қоянның.

Ал мынау ше?

Көжектің.

Өте дұрыс балалар.Балалар көжектердің сүйікті асы не?

-Сәбіз.

Өте дұрыс,сәбіздің түсі қандай?

-Қызғылт сары.

Өте дұрыс.Балалар қояндар түрлі түсті болады екен.Олар жыл мезгіліне қарай тондарының түсі ауысады.Мысалы жазда қояндар сұр түсті болса, қыста ақ түсті болады.Қоянның құлағы ұзын,құйрығы қысқа болады.Артқы аяқтары алдыңғы аяқтарынан қарағанда ұзын болады. Сондықтан да биік жерлерге тез көтеріледі.Ал биіктен түсерде қиналады.Қыс мезгілінде орманда азық өте аз болғандықтан қояндар бақшадағы қырыққабат қалдықтарын жейді.Көктемде қоянның Тәрбкөжектері пайда болады.Олар бірден жүріп кетеді.Көжектердің терісі мамық болады.

(Осы кезде есік қағылады,пошташы келеді.)

Пошташы:Сәлеметсіздерме балалар.Мен пошташымын.Сендерге хат алып келдім.

Тәрбиеші:Сәлеметсізбе.Хатты маған беріңіз,мен балаларға оқып берейін.Сау болыңыз.

Пошташы:-Сау болыңыз,балалар.

Тәрбиеші:Балалар мен сендерге хатты оқып беремін,сендер мұқиат тыңдаңыздар.

Сәлеметсіздерме балалар.Маған сендердің көмектеріңіз қажет.Менің көжектерімді

түлкі жемекші.Көжектерімді жасырып қойыңыздаршы.Сәлеммен қоян –депті.

Балалар қоянға көмектесемізбе?

-Иә.

Ендеше барлығымыз көлікке мініп,орманға барайық.