Күлімде, Наурыз, күлімде балабақша сценарийі

ҚАРАҚИЯ АУДАНЫ ӘКІМДІГІНІҢ «ҒАРЫШКЕР» БАЛАБАҚШАСЫ

МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРЫН

«Қызғалдақ» тобы

«Күлімде Наурыз, күлімде!»

(Ашық ұйымдастырылған мерекелік ертеңгілігі)

Тәрбиеші: Б.Т. Кдыршаева

Жетібай ауылы

2018 жыл

«Күлімде Наурыз, күлімде!»

Мақсаты: Наурыз мейрамы туралы түсініктерін молайту.Мерекелік көңіл-күй тудыру, мерекеге байланысты әндер айтқызу, билер билету.Салт-дәстүрді жалғастыруға тәрбиелеу.

Жүргізуші: Армысыздар, қонақтар! «Қызғалдақ» пен «Жұлдыз» тобының бірігіп өткізгелі отырған «Күлімде Наурыз, күлімде!» ертеңгілігін тамашалауға қош келдіңіздер. Наурыз – мұсылман қауымының ұлттық мейрамы бәріміздің асыға күткен Наурыз тойымыз да келіп жетті. Тойларыңыз құтты болсын!

Бүгін Әмина әже мен Аманжан атаның үйінде дүниеге нәресте келіп, той –думан жасап жатыр.

Әмина әже : Келін үйдің сыртынан қарашы, абыр – дүбір естіледі , қонақтар келе жатыр – ау деймін. Тойымыздың басы болып , келе жатқан Әмина әже екен ғой немерелерімен бірге . Қош келдіңіз Әмина әже, төрлетіңіз. Немерелеріңізді жайғастырыңыз. (Балалар отырып жайғасады)

Зәмира әже: Уа , тойға жиналған халайық. Наурыз тойы құтты болсын! Ұлыс оң болсын ! Ақ мол болсын!

Жүргізуші: Наурыз келді ал тойлаңдар жарандар

Келген мына мерекеге қараңдар

Шашу шашып ақ жаулықты әжелер

Тойда бүгін ойнап күліп тараңдар

Тойла бүгін тауларым мен боз далам

Тойла бүгін қарттарым мен бозбалам

Қайта оралған намысымдай наурызым

Жаңа жыл боп қош келіпсің наурызым- , олай болса мерекемізді әнмен бастайық.

Ән: «Көктем келді!»

Жүргізуші: Ендігі кезекті балалардың тақпақтарына беремін. Ортаға: Данияр, Жазира, Батыржан, Нұрқанат, Медина, Қуантқан, Азима.

Данияр: Наурыз деген Жаңа жыл,

Наурыз деген, Жаңа нұр.

Наурыз көже піседі,

Барлық бала ішеді.

Жазира: Жайнатамыз бар гүлді,

Сайратамыз бұлбұлды.

Төгілтеміз ән-жырды,

Тойлатамыз бұл күнді.

Батыржан: Күн мен түн теңелді,

Күнде ұзарам мен енді.

Гүл мен жерді жайнатып,

Гүлден, наурыз, сен енді.

Нұрқанат: Бақта бұлбұл сайраған,

Мерей төксін көкте күн.

Мерекесін көктемнің,

Бүкіл әлем тойласын.

Медина: Жаңа күн ол – жыл басы,

Жиырма екісі Наурыздың.

Наурыз айда – төл басы,

Бүршік атар бау біздің.

Қуантқан: Мерекені байырғы,

Алды халқым қабылдап.

Ақ дастархан жайылды,

Ошақта от жалындап.

Азима: Қарды ерітіп жылғасы,

Наурыз келді – жыл басы.

Шуақ төкті жарық күн,

Мейрамында халықтың.

Жүргізуші: Қызғалдақтай қыздарды

Шақырамыз ортаға

Тойымызға сән беріп

Би билесін ортада, - олай болса, дүбірлі мерекемізге би шашуларын ала келген «Жұлдыз» тобы аруларының биін тамашалайық.

Би: «Торсық»

Жүргізуші: -Ендігі кезекте «Жұлдыз» тобы балаларының тақпақтарына кезек берейік. Ортаға: Зере, Жұлдыз, Әлімжан,Айза, Жалғас, Әділ, Бейбарыс, Айзере, Санжар, Інжу, Жасұлан.

Зере:

Жүріңдер Наурызға басып аяқ,

Қалыс қадам болмасын некен саяқ.