Күн сәулесі тақырыбына сабақ жоспары балабақшаға

Күн сәулесі

Білім беру саласы: Шығармашылық

Оқу іс-әрекеті: Сурет салу

Тақырыбы:Күн сәулесі. Мақсаты: Балалардың дәстүрлі емес сурет салу іскерлік дағдыларын қалыптастыру.Балалардың саусақтар көмегімен күн сәулесін салу әдісін қалыптастыру. Дәстүрлң емес сурет салу Саусақ бұлшық еттерін және қимыл-қозғалыстарын жетілдіру, бояумен ұқыпты жұмыс жасауға тәрбиелеу.

Алдын ала жүргізілетін жұмыстар: Күннің сәулесін бақылау

Қажетті құрал-жабдықтар: «Күн сәулесі» үлестірмелі материал, ойыншықтар, сары бояу, дымқыл сүлгілер.

Әдіс – тәсілі: түсіндіру, көрсету, сұрақ – жауап, ғажайып сәт, ойын,әңгімелесу.

Тілдің үштұғырлығы:күн-солнце-the sun

Сөздік жұмыс: Күннің сәулесі

Мотивациялық қызығушылық

Тәрбиеші балаларды шаттық шеңберіне шақырады:

Көк аспаннан күнімізКүлімдейді әдеміТөбемізде қарлығаш,Айналады әдеміӘніміз осындай,Сәніміз осындай!

Жұмбақ жасыру Таңмен көзін ашады, Әлемге нұрын шашады.(Күн)

-Дұрыс таптыңдар. Ол нұрын шашып тұрған күн екен.

Тәрбиеші балаларға терезеден күн сәулесін бақылауға шақырады. Бүгінгі күннің қандай тамаша екені, күн нұрын аямай төгіп тұрғаны, күн барлығына қуаныш әкелетіні, құстар сайрап, барлығы тіршілік қамына кірісіп, балалар көтеріңкі көңіл күйде болатыны жайлы әңгімелейді.

Ұйымдастырушылық-ізденіс Балалар жетекші сұрақтар арқылы күнге сипаттама береді.

-Балалар күн қандай пішінге ұқсайды?

-Күннің пішіні шеңберге ұқсайды.

-Күн аспанда ма, жерде ме?

-Күн аспанда тұрады

-Күннің түсі қандай?

-Күннің түсі сары

-Күн болмаса айналамыз қандай болар еді

- Барлық жер қараңғы, суық болады.

Күн сөзі орысша-солнце, ағылшынша-the sun

-Жарайсыңдар балалар! Күн сәулесінің адамзатқа да, тіршілік үшін де пайдасы зор. Ол бізге шуағын, жылуын бойындағы барлық мейірімін беріп, айналамызды жарық қылып жайнатып тұрады екен.

Сергіту сәті.

Шаршасаңдар, балалар,

Қолдарыңды созыңдар.

Саусақтармен ойнаңдар,

Қолдарыңды сермеңдер.

Денелерiң шынықсын, Саналарың тынықсын

Тәрбиеші балаларды ойын бұрышына шақырады.

-Балалар қараңдаршы, біздің ойыншықтарым бүгін көңілсіз екен. Үйткені олар күннің сәулесін көре алмайды . Келіңдер, олардың көңілдерін көтеріп, көктемгі күн сәулесімен жылынуына көмектесейік пе?

-Иә, көмектесейік.

Олай болса, мен сендерді шығармашылық орталығына шақырамын.

Тәрбиеші балалардың назарын күннің пішіні бейнеленген суреттерге аударады. Күннің бізді жылытуы үшін күннің сәулелерін салуымыз керек екенін айтып өтеді.

Сурет салудың тәсілін түсіндіреді:

Саусағымызды сары түске батырып, күннің сәулесін қысқа сызықтармен саламыз.

Картотека №2 (33) Саусақ гимнастикасы Балалар алдын-ала даярланған демонстрациялық бетке саусақты сары түсті бояуға малып, күннің сәулелерін салады.

Алғаш дайын болған суретке тәрбиеші күннің күлімдеп тұрған бейнесін әдемілеп салады. Ол бейнеден қуанышты бейнесі анық көрініп тұруы тиіс. Балаларға мынадай өтініш айтады.

Ол сендерге риза болып, рақмет айтып тұр, сендер де күн сияқты күлімдеп, өздеріңнің көңіл күйлеріңді көрсеттіңдер. Көңілділік әр баланың өзінен басталса қандай жақсы.

Тәрбиеші жұмыс соңынан қолдарын сулы шүберекпен сүртіп, тазалауын қадағалайды. Қиналған балаларға жеке бағыт-бағдар беріледі. Ойыншықтардың атынан балаларға «рақмет» айтады. Енді бөлмеде үнемі көңілді болады деп ескертеді.

Рефлексиялық- түзетушілік.

-Балалар бүгін ненің суретін салдық?

-Күннің бізге қандай пайдасы бар екен?

-Ойыншықтарымыз неге көңілсіз болды?

-Күннің сәулесін ненің көмегімен салдық?

Бағалау: «Күн мен бұлт» әдісімен бағалау.

Тәрбиеші:-Сендердің алдарыңда күн мен бұлттың суреті жатыр.Сабақ ұнаса күнді, егер сабақ көңілсіз өтсе бұлтты алыңдар.

Сабақ көңілінен шықпаған балалар болса, себебін сұрайды.