Күш және қозғалыс 1 сыныпқа арналған сабақ жоспары

Қысқа мерзімді жоспар

Пән: Жаратылыстану Мектеп:129

Ұзақ мерзімді жоспар бөлімі: 5-бөлім. Табиғат физикасы

Күні: 19.03.2019 Мұғалімнің аты-жөні:Оракова Г

Сынып: 1 сынып Қатысқандар саны:

Қатыспағандар саны:

Сабақ тақырыбы

5.1. Күш және қозғалыс. Қозғалыс траекториясы дегеніміз не?

Осы сабақта қол жеткізілетін оқу мақсаттары (оқу бағдарламасына сілтеме)

1.5.1.3.Қозғалыстың түрлі траекториясын зерттеу, оларды сурет түрінде көрсету

Сабақ мақсаттары

Барлық оқушылар:

- түзу немесе қисық сызықты қозғалыс траекториясын анықтайды;

- әртүрлі көлік құралдарының траекториясын сызба түрінде көрсетеді;

- табиғаттағы және адам өміріндегі қозғалыстың маңызын біледі.

Көптеген оқушылар:

қозғалыс траекториясының өзгеруіне не әсер ететінін түсіндіреді;

өзінің үйінен мектепке дейінгі жолының траекториясын сызады.

Кейбір оқушылар:

жасалған тәжірибені түсіндіреді

Бағалау критерийлері

түзу және қисық сызықты қозғалыс траекториясын ажыратады;

денелердің қозғалыс траекториясын бейнелеп көрсетеді

Тілдік мақсаттар

Пәндік лексика және терминология

Қозғалыс траекториясы, қозғалыс, әсер ету, күш

Талқылауға арналған сұрақтар:

Балалар, өздеріңнің күнделікті сабаққа келетін жолдарыңды еске түсіріңдерші. Мектепке қалай келесіңдер?

Сабаққа келер жолда сендерге қандай көліктер кездеседі?

Терезеге қарайықшы, нелер қозғалып барады?

Қозғалыс дегенді қалай түсінесіңдер?

Ағаш жапырақтары ненің әсерінен қозғалып тұр?

Көліктер қалай қозғалады?

Ал адамдар қалай қозғалады?

Құндылықтарды дарыту

Топтық, жұптық жұмыстар жасау арқылы ынтымақтаса жұмыс жасауға тәрбиелеу, өмір бойы білім алуға баулу.

Пәнаралық байланыстар

Математика. Түзу және қисық сызықтар

Дүниетану. Мектепке барар жол

АКТ қолдану дағдылары

Бастапқы білім

Қозғалыс дегеніміз дененің бір жерден екінші жерге орын ауыстыруы екенін, дене өздігінен және оған белгілі бір күштің әсер етуінен қозғалатынын біледі. Түзу және қисық сызықтар туралы біледі.

Сабақ барысы

Сабақтың жоспарланған кезеңдері

40 минут

Сабақтағы жоспарланған іс-әрекет

Ресурстар

Сабақтың басы

5 минут

1 минут

3 минут

Ұйымдастыру кезеңі

Психологиялық дайындық жасау

Балалар, өздеріңнің күнделікті сабаққа келетін жолдарыңды еске түсіріңдерші. Мектепке қалай келесіңдер?

Сабаққа келер жолда сендерге қандай көліктер кездеседі?

Терезеге қарайықшы, нелер қозғалып барады?

Қозғалыс дегенді қалай түсінесіңдер?

Ағаш жапырақтары ненің әсерінен қозғалып тұр?

Көліктер қалай қозғалады?

Ал адамдар қалай қозғалады?

Сабақтың ортасы

30 минут

5 минут

15 минут

2 минут

3 минут

5 минут

Олай болса, мына бейнежазбаға мұқият қарап отырыңдар.

Көліктердің қозғалысы туралы бейнежазба көрсетемін.

Не байқадыңдар, қай дененің соңында ізі қалды?

Ұшақтың артында қандай із көрінді?

Қайықтың ше?

Машинаның артында неге із қалмады?

Қандай ауа райында машинаның ізі қалуы мүмкін?

- Суретке назар аударайық, қар бетіндегі іздерден нені аңғаруға болады?

Кез келген қозғалған нысанның ізіне қарап оның жүрген жолын білуге болады екен. Ол кеңістікте көзге көрінсе де, көрінбесе де белгілі бір сызық бойымен қозғалады. Дененің қозғалыс кезінде жүріп өткен жолының сызық ретінде көрсетілуі траектория деп аталады.

Ал олардың жүрген жолы – траектория ұзындығын құрайды.

Топтық жұмыс

Сызықтың түрлерін таңдау арқылы топқа бөлінеді.

1. Жұмыс дәптерінен «Траекторияны таңда» тапсырмасын орындатамын. Көлік суретін оған сәйкес келетін траекториямен қосып сызады.

2. Оқушыларға түзу және бұрылыстары бар жолдың сызбалары беріледі. Осы жолдарда денелердің траекториясын қандай сызықтарды қолданып сызуға болатынын анықтайды.

3. Траекторияның өзгерісін табуға берілген тапсырма. Суреттегі Бауырсақтың қозғалыс траекториясына назар аударып, оның неге өзгеретінін, түзу сызық бойымен қозғалуына не кедергі ететінін табады.

(Оқушылар «түзу жол төте және қысқа болса да, шын өмірде жолда бөгеттер пайда болып, траекторияны өзгертуге тура келеді» деген қорытындыға келулері керек)

Кері байланыс

Қозғалыс траекториясы туралы не білдік?

Оны қандай сызықтармен сызып көрсетуге болады?

Қандай жағдайда қозғалыс траекториясы өзгеріске ұшырайды?