Күз аруы ашық сабағы мектепалды даярлық

Гродеково орта мектебі

0 «А» сыныбының «Күз аруы» тақырыбындағы тәрбие сағатының бағдарламасы.

Тақырыбы: «Күз аруы» Күні: 15.10.2016 жыл

Мақсаты: Балалардың бойындағы өз өнерлерін ортаға салу, ата-анамен байланыста болу, күз ерекшелігін кеңінен түсіндіру.

Міндеттері:

Балаларды алғырлыққа үйрету , өз ойларын айқын айтуды саналарына сіңіру, дербес тұлға қалыптастыру.

Бойларына ұқыптылықты, әдептілікті, ізгілікті дамыту.

Бір-бірін тыңдай білуге , ауызбіршілікке, бір-бірінің мүмкіншілігін сыйлауға тәрбиелеу.

Тәрбиеші: Құрметті ата-аналар, қонақтар, оқушылар! Сіздерге 0 «А» мектепалды даярлық тобының қатысуымен өтетін «Күз аруы» байқауын ұсынамыз.

Ата - ананың аялы алақанындағы балалық шақ, мектептегі бал даурен баланың ең бір бақытты, алаңсыз кезі. Бүгін ата-ана, мұғалім, оқушы арасындағы сабақтастық тығыз байланыста болған кезде ғана , ұлдарымыз бен қыздарымыз ақылды, инабатты, тәрбиелі, ару болып өсетініне көз жеткіземіз. Сондықтан , бүгін балауса қыздарымыздың өнерін тамашалап көріп, бәріміз куә болайық.

Әділқазы береді,

Өздеріңе билікті.

Өнерде кім жеңеді,

Алады сол сыйлықты, -деп ең алдымен сіздерді әділқазылар алқасымен таныстырып өтейін.

1.Сеитова Ақмарал - бастауыш сынып мұғалімі

2. Жексембек Фатима – ата-ана төрайымы

3. Аширова Айида -ата-ана төрайымы

Уа, халайық, халайық,

Бәріміз назар салайық.

Мерекесі ортаның

Сайысты біз бастайық.

Тәрбиеші:

Мың бұралған арулар аңдап басып,

Келді міне, ортаға толқып, тасып.

Аруларын сыйлаған халқым менің,

Көңілді қошеметпен қарсы алайық.

Сайысқа қатысушы аруларды реттік белгілері бойынша таныстырамын, орындарына отырғызамын.

Сайысты бастамас бұрын, сайыстың шарттарымен таныстырып өтейін:

Сайыс шарттары:

Менің ата – тегім (Өзін-өзі таныстыру)

Кім ойға жүйрік (Жұмбақ шешу)

«Шебер қолдар» ( Ата-аналармен бірлесіп, жасаған қол өнерлері)

«Өнерлі өрге жүзер» (Өз өнерлерін көрсету)

«Әсем біздің арулар» (Сән үлгісін көрсету)

«Менің ата-тегім» реттік санымен аруларды шақырамын.

Жалғас Аяжан Нұркенқызы

Джуманова Сания Джуманқызы

Берікбай Әсел Асылқызы

Қожамқұл Ақкербез Сайранқызы

Сайыстың «Өзін-өзі таныстыру» бөлімі бойынша әділ қазылардан берген бағаларыңызды сұраймын

«Кім ойға жүйрік» (жұмбақ шешу) Ортаға реттік санымен аруларды шақырамын.

1.Жұдырықтай қызыл шар

Тілді үйірген шырын бал(Алма)

2.Аласы бар, қарасы бар, ағы бар,

Пышақ тисе қып-қызыл болып жарылар (Қарбыз)