Күз береке бастауы сыныптан тыс шара сценарийі

Тақырыбы: «Күз - береке бастауы»Мақсаты:1. «Күз- береке бастауы » сайысына қатысушылардың арасынан оқушылардың тапқырлығын, шеберлігін бақылау.2. Оқушылардың сахналық мәдениетін қалыптастыру; тұлғалық қасиеттерінің дамуына ықпал ету;3. Ұйымшылдыққа, өз ойларын ортаға салып көрсете білуге, табиғатты сүюге тәрбиелеу.Сабақтың түрі: байқауМерекелік безендіру: Күзге байланысты қабырға газеттері мен шарлар ілу, жапырақтар, жеміс - жидектер, көкөністер т. б.Жүргізуші: Армысыздар,Қымбатты ұстаздар, мейірімді ата - аналар оқушылар!Жүргізуші ІІ:

Табиғат - күллі тіршілік атаулының қуатты қонысы, алтын ұя бесігі, құт берекесі. Осы табиғаттың төрт мезгілінің алатын орны ерекше. Күз адам баласына молшылық, береке әкелетін мезгіл. Сондықтанда да, адамдар күзді берекелі күз, алтын күз деп баға береді.

Жүргізуші І: Алтын дейтін себебі, біріншіден, айналаның бәрі сап - сары түске боялады, екіншіден, алтын байлықтың белгісі. Күзде егінді жинап алатын болған ата - бабаларымыз «Сабан той» өткізіп, күз берекесін тойлап отырса, әрбір мектепте осы күз мерекесін тойлау, кештер өткізу дәстүрге айналған. Сол дәстүрді жалғастыра отырып, «Күз-береке бастауы» мерекесімен құттықтаймыз!

Жүргізуші ІІ

Құрметті көрермендер! Бүгінгі «Күз – береке бастауы» атты байқауын бастаймыз.

Бұл сынға 5 -10 сыныптарының оқушылары қатысқалы отыр.

Жүргізуші I:Біздерде ойын - сауық басталады,Тамаша ән айтылып, би билейді. Қошеметтеп, қол соғып отырайық,Ұмытылар күн бойғы шаршағанды.Аққудай әдеміміз, сұлу жанбыз,

Әр үйде ататұғын жаңа таңбыз.Жан мен тән сұлуын тепе - тең ғыпБар елді өзімізге қаратамыз - деп «Күз –береке бастауы» атты байқауымызға қатысатын үміткерлерімізді қошеметпен ортаға шақырамыз.

Жүргізуші ІІ

Ендеше, осы сайысымызды саралап, даралап, әділ баға беретін әділ қазылармен таныстырып өтсек. Әділ баға берушілер:

...................... – директордыі тәрбие ісі жөніндегі орынбасары

....................... – қосымша білім беру педагогі

............................- технология пәнінің мұғалімі

Жүргізуші I:Сайысымыздың шарттарымен таныстыра өтсек:

Кел, танысайық! ( әр топ топтың атына сай өздерін музыкалық таныстыру)

Күзгі өнімдерден сюжетті көрініс байқауы (ертегі, мультфильм т.б.)

«Алтын күздің сыйы» сәнді киім үлгісінен жарыс. (Сән үлгісі күз элементтерінен (жапырақ, гүл және т.б.) болуы керек).

«Күз – береке бастауы» тақырыбында үздік өлең байқауы (оқушының өз шығармашылығы болуы қажет)