Күз ханшайымы сайысы бастауыш сыныпқа арналған материал

Сабақтың тақырыбы: Күз ханшайымы

Оқушыларға күз сыры жайлы мағлұмат бере отырып,оқушылырдың білімін, тапқырлығын, іскерлігін ұйымшылдығын, өз ойларын, өнерлерін ортаға салып көрсете білуін, шеберлігін, іскерлігін дамыту.

Табиғатты, қоршаған ортаны, отанын сүюге тәрбиелеу.

Формасы: сайыс

Әдіс-тәсілдері: түсіндіру, сұрақ-жауап, ой шақыру.

Көрнекілігі: фотостенд, үнтаспа, шар.

Сабақтың барысы:

1.Ұйымдастыру кезеңі. Кіріспе сөз.

Мұғалім: Бойға жинап ата-баба салтын біз,

Мерекеде шат көңілді жарқынбыз.

Берекесін, молшылығын әкелген,

Мезгілдердің төресі ғой Алтын күз.

Күз-жыл мезгілінің бірі. Күз-мерекелі, берекелі ай. Бүлдіршіндеріміз білім ордасына алғашқы қадамдарын жасайды. Әрбір шанырақта той тойланып, көңілдері қуанышқа толы болады. Ақ қайыңның жапырақтарына көз салыңдаршы, сап-сары. Орманды аралап көріңдерші, жерге сары жапырақтар төселген, айналаң алтын түстес сары бояуға боялып тұрады. Демек, сары түс- күзді бейнелейтін бояудың реңі. Олай болса күздеріңіз мерекелі де, берекелі болсын.

Құрметті қонақтар, ұстаздар, оқушылар бүгінгі «Күз ханшайымы» атты сайысымызға қош келдіңіздер.

Бүгінгі сайысымыздың шымылдығын ашу үшін, ортаға «Алтын күз» әнімен Нұрислам Өмірсерікұлын шақырамын.

Жүргізуші:

Сайыс болғандықтан сайыскерлерімізді бағалайтын әділқазы алқасымен таныстырып өтейік:1.—————————————————————–

Бүгінгі біздің сайысымыз 3 кезеңнен тұрады.

1.Таныстыру

2. «Өнерлі өрге жүзер» (өз өнерін көрсету)

3. «Әсем біздің ханшайымдар» (сән үлгісін көрсету)

Жүргізуші: Армысыңдар,халайық,

Бармысыңдар,халайық!

Күзгі тойды жұп жазбай,

Келіңдер,қарсы алайық.

Келді міне,алтын күз,

Талдарға алқа тағатын.

Шаруакер халқымды,

Бір тілекті бағынтып.

Жүргізуші: Күз дегеніміз – жазира даланың дархан дастарханы. Күз дегеніміз – байлық, молшылық. Күз дегеніміз – қауырт еңбек кезеңі. Олай дейтініміз, бұл мезгілде жеміс-жидек, астық пісіп жетіледі. Күзде мал да, аң мен құстар да қоңданып, семіреді. Күзде қыс қамы жасалады, сондықтан адам да, жануарлар да, өсімдіктер де қысқа әзірлік жасайды.

Ақын боп әділдікті жақтап өтем,

Ананың ақ үмітін ақтап өсем.

Әдеп пен инабатты сақтап өскен,

Қазақтың аруларын мақтан етем.

Ортаға сайысқа қатысушыларды шақырамыз.

1 аруымыз ______________________

2 аруымыз ______________________

3 аруымыз ______________________

4 аруымыз ______________________

5 аруымыз ______________________

1-жүргізуші: Барлық өнер күз тойына арналсын,

Шабыттанып, сахнада самғасын.

Сайысушы ханшайымдар сөз алып

Таныстыру кезегін бір жалғасын.