Күз сыйы оқу қызметі балабақшаға

Орал қаласы №40 «Болашақ» бөбекжайы

Калманова Бижамал Сагингалиевна

Оқу қызметінің тақырыбы: «Күз сыйы»

Мақсаты: Балаларға қоршаған орта, табиғат өзгерістері туралы түсінік беру. а)Көкөніс пен жеміс-жидектерді бақта және бақшада өсетіні жайлы түсініктерін кеңейту. Олардың аталуы, құрамындағы кездесетін дәрумендері, адам денсаулығына маңызы жөнінде білімдерін тереңдету. Күздің атауы «Жомарт күз» деп неліктен аталатынын түсіндіру, күзгі ерекшелігін, көрінісін бақылауға үйрету;

Күз байлығын әсемдікті сезіне білуге, сурет бойынша, заттық нәрселерді бақылап, салыстыра әңгімелеп беруге үйрету.

ә) Балалардың өз ойларын жүйелі, анық жеткізуге үйрету; ой-өрісін, тілін, сөйлеу мәнерін, қызығушылығын, танымын, есте сақтау қабілеттерін арттыру.

б) Табиғатты, өсімдіктерді қорғауға, аялауға, әсемдікті көріп сезінуге үйрету; Күзгі адамдар еңбегін құрметтеу, күзгі байлықты, сиын бей-берекет шашпай пайдалануға жол бермеуге тәрбиелеу.

Әдіс- тәсілі: Түсіндіру, көрсету, сұрақ-жауап, венн диаграммасы

Жаңа сөздер: Ызғар, дымқыл, жамарт күз

Көрнекілігі: Күз көрінісі бейнелеген суретті плакат, жемістер, көкөністер

Оқу іс-әрекетінің барысы:

І.Ұйымдастыру кезеңі

«Сиқырлы жапырақ»

Мақсаты: Бір-біріне жылы, мейірімді сөзін, тілектерін білдіру.

- Балалар менің қолымда не бар екен?

- Жапырақ

- Ол қайдан түсті?

- Ағаштан саудырап түсті

- Түсі, пішіні қандай екен?

- Түсі- сары, пішіні сопақша

- Қай ағаштың жапырағы екен?

- Сыр талы

- Бұл жапырақ жай жапырақ емес, сиқырлы…. ендеше осы жапырақты бір-бірімізге сыйлайықшы, мейірімді сөзімізді аямайықшы.

Қуан! Шаттан! Алақай!

Қаунатын келді күн!

Қайырлы таң, қайырлы күн

Күліп шықты күн де бүгін

Сұрақ- жауап

- Қазір жылдың қай мезгілі?

- Күзде табиғатта қандай өзгерістер болады?

- Күз мезгілінде бау- бақшада нелер піседі?

- Күзді «Жомарт күз» деп неліктен айтып жүреміз?

- Күзде адамдар қандай еңбек етеді?

- Күз туралы не білесіздер?

Тақпақтарын жатқа айту.

«Күз» мезгілі туралы балалардан жеке сұрау.

1- бала: Марлен 2-бала: Асанәлі

Тәрбиеші түсіндірмесі

- Мінеки, балалар, күз өте ерекше, жомарт, алтын, тамаша мезгілдің бірі екен.

Күзде табиғат ерекше күйге енеді. Жапырақтар сары, қызыл, жасыл болса, аплқаптағы шөптер қоңыр, сарғыш түске боялады, құстар жылы жаққа ұшып кетеді. Күн біртіндеп қысқарады.жауын-шашын көбейеді, күн суытады. Күзде жеміс-жидектер, көкөністер, бақша дақылдары, егістіктегі астық пісіп, қамбаларға жиналады. Сондықтан адамдар күзді «Жомарт», «Алтын» деп атайды. «Жомарт» сөзі молдықты, дархандықты, мырзалықты білдіреді. Күз- жылдың берекелі мезгілі.

(Күз мезгілі бойынша салынған суретті көрініс бойынша әңгімелеу)

ІІ. Таңғажайып сәт!

Күз падишасының келуі.

- Балалар бізге қонаққа күз падишасының келді.

- Кәне, сәлемдесейік.

- Сәлеметсіз бе! Хош келдіңіз!

Күз падилшасы:

- Сәлеметсіңдер ме, балалар? Сендер, бүгін тамаша екенсіңдер!Балалар, мен – күз падишасымын . Сонау күз патшалығы елінен келдім. Сендердің «Күзгі сыйы »туралы білетіндеріңді естідім. Әрі күз мезгілін қалай ұнайтындығын байқап көруге келіп тұрмын. Мен сендерге тапсырма әкелдім. Осыны орындап берсеңдер, мен сендерге күзгі сыйлығынан тамаша бір сый тартамын. «Сыйға – сый » деген мақал бар емес пе? – қане, бәріміз дайынбыз ба?

- Балалар, сіздің тапсырмаңызды орындайды. Күз туралы өз білімін, өнерлерін аямайды.

Күз падишасы келіңіз, төрлетіңіз! Сіз отырып балалардың білімін бақылап көріңізші !

1 – тапсырма Өлең оқу

Шолып едім бақшаны

Көкөніс біткен көңілді

Жасыл, сары, қызыл – көк

Сан алуан көкөніс

Күзгі бақта күлімдеп

Көз тартады атырап

- Өлең не жайлы екен ?

- Бақшада не өседі?

- Бақта нелер өседі ?

- Көкөкністерге нелер жатады ?

- Жемістерді ата ?

Танымдық саласы.

2. Дидактикалық ойын. «Жеміс пе, көкөніс пе? »

Мақсаты: Екі себеттегі жемістер мен көкөністер түрлерін ажырытып, бөліп салуға үйрету;

Олардың пішімін, көлемін, түр түсін салыстыру.