Күз сыйы тақырыбындағы ашық сабақ мектепке дейінгі балаларға

Мерзімі:25.09.2019ж

Білім беру саласы: «Коммуникация»

Ұйымдастырылған оқу қызметі: Сөйлеуді дамыту.

Тақырыбы:Күз сыйы.Жемістер мен көкөністер.

Білімділік:Көкөністер мен жемістер туралы түсініктерін кеңейту.

Дамытушылық:Танымдық қабілетін дамыту.

Керекті құрал-жабдықтар,технологиялар мен әдіс тәсілдері:Ойын,ой қозғау,түсіндіру,әңгімелесу,слайд көрсету,табиғи жеміс пен көкөністер,дидактикалық ойынға арналған карточкалар.

Мақсаты:Көкөністер мен жемістерді адам ағзасына пайдасы,қысқа дайындау туралы түсініктерін кеңейту,Күз мезгілінде жеміс бағын бейнелеу арқылы әңгімелеу тілін қалыптастыру,баланың тірі табиғат нысандарына қатысты оларға қызығушылық пен білуге құштарлық негізінде өзін-өзі дұрыс ұстау жайлы түсініктерін меңгерту.

Тапсырма орындау арқылы жемістер мен көкөністерді ажырата білу ,Жеміс пен көкөністерді көлеміне қарай дұрыс орналастыра білу дағдыларын қалыптастыру.

Билингвальдық компонент:Жемістер-фрукты-fruit,көкөністер-овощи-vegetables.

Оқу қызмет кезеңдері

Тәрбиешінің іс-әрекеті

Балалардың іс-әрекеті

Мотивациялық- қозғаушылық

Балалар бізге бағбан себет әкеліпті,себеттің ішінде тілхат бар екен.Ашып көрейік.

Өлең оқып беру.

Бұл қай кезде болады?

Бұлттар төніп,жерге шөгіп,

Дымқыл тұман басады.

Шөп сарғайып,өңі тайып,

Дала сұры қашады.

Алма,өрік,шие,алмұрт,

Жидек,жүзім піседі,

Қауын-қарбыз,қияр,сәбіз

Дүкендерге түседі.

Астық пісіп,орақ түсіп

Қырман дәнге толады.

Бөбектерім,айтыңдаршы

Бұл қай кезде болады?

Дұрыс,бұл күз мезгілінде болады.

Шешімін айтқан соң слайд арқылы күз мезгілінің суретін көрсету.

-Суретте жылдың қай мезгілі бейнеленген?

-Күз мезгілі өте тамаша.Табиғат өте әдемі,ағаштар түрлі түске бөленіп,жапырақтар,шөптер сарғайып,астық,жеміс піседі.

Балалардың жауабы:

-Күз мезгілінде

-Күз мезгілі

Ұйымдастырушылық-ізденістік

Балалар қазір «Жеміс бағында»тақырыбында әңгіме тыңдайық,Мұқият тыңдау қажет.Әңгіме тыңдап болған соң,қайталап айтып бересіңдер.Әуеннен балалармен әңгіме тыңдау.

Жеміс бағында.

Ерте,ерте ертеде ме әлде қазіргі заманда ма,белгісіз.Әділхан атаның немересі қаладан қонаққа келеді.Ата немересін қасынан қалдырмай ертіп жүреді екен.Бір күні ата

-Дәулетжан,бүгін баққа барамыз тұра ғой,-дейді ақырын дауыспен немересін ұйқыдан оятады.

Бұрын соңды «бақ»деген сөзді естімеген Дәулет таңырқап. «Ол не екен?»-деп ойлайды.Олар баққа келеді.Бақ іші сондай әдемі,бұтақтарын жемістерін көтере алмай өсіп тұрған әртүрлі ағаштарды көріп, «бақ» деген сөзге бірден түсінеді.Анасының базардан әкеліп жүрген жемістері де бар екен.Дәулет жеміс ағаштарын қызықтап,бақ ішін аралап жүрді.Бір ағаштың қасына келіп тоқтады.Ол ағаш Өрік.

. Келесі ағашқа кездесті.Ол қандай ағаш екен?

Шие жемісінен үзіп береді.