Күз туралы өлеңдер мен әңгімелер мектепалды топқа

Уақыты:10:00

Тәрбиеші:

Білім беру саласы: Коммуникация

Бөлімі: Сөйлеуді дамыту

Тақырыбы: Күз

Мақсаты: Балалардың күз туралы түсінігін кеңейту. Жыл мезгілінің ерекшеліктерін бақылауда білімдерін, танымдық қасиеттерін дамыту. Жемістер мен көкөністер туралы түсінік беру, түстер мен пішіндерін ажыратуға, денсаулыққа пайдасы туралы мағлұмат беру. Үш орталыққа бөлу арқылы берілген тапсырманы мұқият орындай білуге үйрете отырып, тілдерін дамыту, сөздік қорын молайту.

Әдіс-тәсілдер: Түсінік беру, сұрақ-жауап, көрсету, интерактивті тақта.

Алдын –ала жүргізілетін жұмыстар: әңгімелесу.

Керекті құралдар: слайдтар, көкөністер мен жемістердің суреті, қылқалам, жемістердің таспасы, гуашь бояуы, сүлгі, жеміс-жидектер, тақтайша, салатқа ыдыс.

Сөздік жұмыс: күз, көкөністер, жемістер, дәрумендер.

Көптілділік компонент: күз-осень-autumn

Іс – әрекет кезеңдері

Тәрбиешінің іс – әрекеті

Балалардың іс – әрекеті

Мотивациялық

қозғаушылық:

Ұйымдастырушылық-ізденістік:

Рефлексиялық-

түзетушілік

Сәлемдесу .

Үлкенге сіз,

Кішіге сіз,

Баршаңызды құрметтеп,

Бас иеміз біз.

Балалар қонақтармен амандасып шеңбер бойына жиналып, «Шаттық шеңберге» тұрып, сөздерін қайталап, қимыл-қозғалыстарын жасайды.

Шаттық шеңберін құру

Ауадан куат алайық,

Алақанға салайық.

Жерден нәр алайық,

Алақанға салайық.

Күннен шуақ алайық,

Алақанға салайық.

Күн шуағын апайларға сыйлайық.

(Алақандарын үрлейді.)

Балалар мен сіздерге бір жұмбақ жасырғым келіп тұр.

Жұмбақ жасыру.

Жапырақты бояды,Атырапты бояды.Бояп-бояп барлығынСап-сары ғып қояды.

-Бұл қандай мезгіл, балалар?

-Дұрыс-ақ.

-Балалар бүгінгі біздің өтетін тақырыбымыз күз мезгілі.

Слайдпен жұмыс.

Тәрбиеші балалармен бірге слайдтан күздің суреттерін тамашалайды.

-Енді балалар мен сіздерге күз жайында толығырақ айтап өтейін.

Балалар қазір жылдың күз мезгілі. Күз мезгілінде үш ай бар. Олар қыркүйек, қазан, қараша. Күз мезгілінде жеміс-жидектер, көкөністер піседі. Күзде егін орамыз. Ағаштардың жапырағы түгел сарғайып жерге түседі. Айналамыз сары түске боялады. Жел тұрып, күн суытады, көп жаңбыр жауады. Адамдар жылы киінеді. Құстар жылы жаққа ұшып кетеді.

Қанша күн суық болса да, әр мезгілдің өзіндік бір жылылығы, кереметтері болады екен.

-Балалар, сендер күз туралы тақпақтар білесіңдер ме?

Тәрбиеші балалардың тақпақтарын тыңдайды.

-Өте тамаша, балалар.

Ғажайып сәт: -Балалар, біреу есік қағып тұрғандай ма, қалай өзі?

Есікті қағып Дәрігер апай кіреді.

Сәлеметсіз бе, балалар.

Бізге Дәрігер апай келіп қалыпты.

Дәрігер: «Ең басты байлық - денсаулық».

Деніміз сау, ауырмасақ қана

бақытты өмір сүреміз. Ал, ауырмау үшін дәрумендерге бай тағамдарды көп жеуіміз керек.

(Слайд бойынша көрсетіп, түсіндіру).

Көп дәрумендер кездесетін

тағамдардың денсаулыққа пайдасы көп. Біз жемістер мен көкөністерді көп жесек, ауырмай, үлкен болып өсеміз.

А дәрумені-ағзаның өсуіне, көздің жақсы көруіне әсер етеді, сүйік, тіс, шашты нығайтады.

В1,В2, В12 дәрумені-дене жарақатының тез жазылуына септігін тигізеді. Қан құрамына, қан аздыққа әсер етеді.

С дәрумені-зат алмасу үрдісіне иммунитетті көруге көмектеседі.

Д дәрумені- сүйек, бұлшықеттің дұрыс дауына әсер етеді.

Е дәрумені-жүрек қызметін жақсартады.

Сонымен қатар «С» дәруменіне бай жемістер көкөністер (көкбұршақ, орамжапырақ, қызанақ, шалқан т.с.с.) және «Д» дәруменіне кездесетін тағамдар (балық, ірімшік, сүт, айран, уылдырық, май) тіс аурына ұшырамауына, қатты және сау болып өсуіне көмектеседі.

Міне осылай балалар, сондықтанда көкөністер мен жемістерді көп жеуміз керек.

-Дәрігер апай, рахмет сізге біз сізден көп мағлұмат алдық.

Балалар, орнымыздан тұрып бойымызды сергітіп алайық!

Сергіту сәті:

Алма, алма дейсің,

Алма берсем жейсің.

Айтады екен деме,

Алманы жумай жеме.

-Өте жақсы.

Дәрігер апай:-Өте тамаша балалар, мен сендерге ризамын. Енді мен кетейін. Ақылды тәртіпті балалар болыңдар. Сау болыңыздар!

Үш орталаққа бөлінеді.

Ас үй орталығы

Балалар жемістерден «дәрумендер» салатын жасайды.

Қоспалары: алма, банан, апельсин жүзім, йогурт.

Шығармашылық орталық

жемістер мен көкөністердің суретін таспамен басу, губка арқылы түстеріне келтіре бояу.

Ғылым орталығы дәрумендерді

өз сепеттеріне орналастыр.

-Өте тамаша, балалар.

Дидактикалық ойын: «Дәміне қарай ажырат».

Мақсаты: Кесулі үстел үстіндегі түрлі жемістердің бөліктерінен көз жұмулы бала дәм татып, қандай жеміс екенін айтып сипаттайды.

Ойынды ережесін бұзбай ойнау.

-Өте жақсы ойнадыңыздар, балалар.

-Қазір жылдың қай мезгілі?

Күзде неше ай бар?

Атаңдаршы.

Күзде нелер піседі?

-Өте тамаша балалар.

Қорытындылау.

Қол ұстасып тұрайық,

Шеңберді біз құрайық.

Көріскенше күн жақсы,

Сау-сәләмат болайық.

-Балалар сендерге бүгінгі оқу іс-әрекеті ұнады ма?

-Оқу іс-әрекеті аяқталды, сау болыңдар!

Балалар тәрбиешімен бірге сәлемдесу рәсімін жасап, жылы тілектерін айтады.

Балалар алақандарын үрлейді.

Балалар жұмбақты мұқият тыңдап, шешуін табуға тырысады.

-Күз.

Балалар слайдтағы суреттерге назар аударып, қызыға қарайды.

Балалар тыңдайды.

-ия, білеміз.

Мерана.

Қандай өзі береген,

Алмасын – ай, алмасын.

Жемісі көп не деген,

Жеп тауыса алмайсың.

Мейірбек.

Көк майсадан көрікті,

Алқаптағы көп егін.

Бұл күндері киіпті,

Сары жібек көйлегін.

Айсезім.

Берекесін сыйлауға,

Өлкемізге күз келді.

Жемістерін жинауға,

Шақырады біздерді.

Сәлеметсіз бе, Дәрігер апай.

Балалар интерактивті слайдты мұқият қарайды.

Балалар тыңдайды.

Балалар сергіту сәтін қимыл-қозғалыстар жасайды, тәрбиешімен бірге өлеңнің сөздерін қайталайды.

Балалар Дәрінер апаймен қоштасады.

Орталықтарды балалар тәрбиешінің көмегімен жұмыстана біледі.

Балалар «Дәміне қарай ажырат» ойынды көңілді, әрі қызықты ойнайды.

-Күз.

-Үш ай бар.

-Қыскүйек, қазан, қараша.

-Күзде жемістер мен көкөністер піседі.

Балалар сұрақтарға толық жауап береді.

Балалар тәрбиешімен бірге қайталап, қонақтармен қоштасады.

-ия, ұнады.

-Сау болыңыз!

Күтілетін нәтеже:

Орындайды:балалар тақпақтарын мәнерлеп айту.