Күзгі бақшада мектепке дейінгі балаларға ашық сабақ

№29 «Нұрсая» бөбекжай балабақшасы.

Атырау қаласы.

Тәрбиеші: Сарғойшина Нұрлы Жұбанғалиқызы.

Білім беру саласы: «Таным»

Ұйымдастырылған оқу іс- әрекетінің түрі: ҚМҰҚ

Тақырыбы: Күзгі бақшада.

Мақсаты:Балаларды күз мезгілімен таныстыру. Күз мезгіліндегі жемістер мен көкөністердің пішіндерін ажыратуға үйрету.Түстерді айыру дағдыларын қалыптастыру.

Құрал-жабдықтар мен көрнекіліктер: Жемістер мен көкөністердің суреттері, пішіндер, сандықша, сиқыршының киімі.

-Балалар , қараңдаршы бүгін біздің тобымызға көптеген қонақтар келіпті. Қане, бәріміз ең алдымен қонақтармен амандасып алайық.

Арайлап таң атты

Алтын сәуле таратты

Жарқырайды күніміз

Жарқырайды даламыз

Қайырлы таң достар

Саламатсыздарма апайлар.

Здраствуйте.

Good morning

Енді балалар бәріміз менің сұрақтарыма жауап берейікші:

-1 жылда неше мезгіл бар?

-Қандай?

-Қазір қай мезгіл?

-Күз мезгілінде күн қандай болады?

-Сонымен қатар күз мезгілінде нелер піседі?

-Жемістерге нелер жатады?

-Көкөністерге нелер жатады?

-Қане маған кім көкөністер мен жемістерді ажыратып көрсетеді.

Жарайсыңдар, балалар бәрің де күз мезгілінің ерекшеліктерін жақсы меңгерген екенсіңдер.

Бүгін біз пішіндер және оның түстерін ажыратып, санап үйренеміз.

Мынау – төртбұрыш.

Төртбұрыштың 4 бұрышы бар. Қане санап көрейікші. Төртбұрыштың түсі – көк.

Ал мынау – үшбұрыш.

Үшбұрыштың 3 бұрышы болады. Қане санап көрейікші. Үшбұрыштың түсі қызыл.

Ал мынау-дөңгелек. Дөңгелекте

бұрыш болмайды. Дөңгелектің

түсі сары.

-Балалар қане бәріміз көзімізді жұмайықшы. (сиқыршының киімін киіп алу)

-Балалар қараңдаршы мен сиқыршыға айналып кеттім. Ал қазір мен алдарыңда тұрған орамалды сандықшаға айналдырып жіберем.

- Міне алдырыңда сандықша тұр. Бұл сандықша ерекше. Сандықшаның тапсырмасын орындасаңдар ішінен сыйлық шығады. Тапсырмаларды орындап сыйлық аламыз ба?

-Олай болса сандықшаның тапсырмасы мынадай екен. «Ұқсасын тап» деп аталады. Алдарыңда пішіндер, жемістер, көкөністер немесе басқа да заттар бейнеленген. Қайсы сурет қандай пішінге ұқсайтынын ажыратуларың керек.

Күннің суреті

Апельсин

Доп

Стол

Терезе

Кітап

Үйдің шатыры

Пирамида

Міне балалар сандықшаның тапсырмасын орындап едік, сандығымыз ашылды.

Балалар қараңдаршы ішінде тағы бір сандықша бар екен. Бетінде тапсырмасы да жазылыпты.

«Бейнені құрастыр» деп аталады.