Күзгі оқиға мерекелік іс-шарасы, мектепке дейінгі топ

Кабинет мерекеге сай безендірілген.

Жүргізуші: - Сәлеметсіздер ме, құрметті қонақтар, тәрбиешілер,! Бүгін біз Даярлық тобының «Күзгі оқиға» атты меркелік іс-шараға жиналып отырмыз. Ендеше балаларды ортаға шақырайық.

Әсем әуеннің ырғағымен балалар кіреді.

Ж-ші: - Ой, жарайсыңдар балалар, сендер қандай әдемісіңдер?! Балалар, айтыңдаршы,бізде бүгін қандай мереке болып жатыр?

Балалар: - Алтын күз мерекесі.

Ж-ші: -Онда Алтын күзді шақырайық?!

Балалар: -Алтын күз,Алтын күз!

Жүрг.:Балалар Алтын күз бізді естімеді,қане, ән айтып шақырайық!

Бүгін мейрам,бүгін той!

Қуаныш бүгін халайық!

Күзгі бақтай сыңғырлап

Әсем әнге салайық!

Ән: «Алтын күз»

(Әннен кейін балалар отырады)

Әуенмен Алтын күз келеді.

Алтын күз:

-Алтын түске боялды,

Тау мен қырқа дала, түз.

Келдім міне ортаңа,

Менің атым – Алтын күз.

-Сәлеметсіңдер ме,балалар!

Балалар: -Сәлеметсізбе,Алтын күз!

Алтын күз: - Мені көп күтіп қалдыңдар ма?Мен ормандарды, тауларды аралап келе жатырмын. Барлық жерді сары,қызыл бояуға бояп келе жатырмын. Сендер қандай әдемісіңдер,дауыстарың қалай керемет.Мен сендердің әндеріңді естіп,сендерге көптеген сыйлықтар әкелдім.

Жүрг.: Алтын күз, біздің мерекеге қош келдің,біздің балалар сізді көп күтті.

Алтын күз: Иә,балалар,менде сендерге жеткенше асық болдым.Орманда келе жатып ,сендерге сыйқырлы жапырақтар теріп әкелдім.

(Жапырақтарды балаларға таратады.)

Ж-ші: - Балалар,қараңдаршы, Алтын күз берген жапырақтары қандай керемет. Көрсетіңдерші. Жарайсыңдар,енді бәріміз жапырақтармен би билеп, ән айтайық.

Би: «Жапырақтармен»

Алтын күз: Тамаша би,рахмет.

Жүрг.: -Иә,Алтын күз ,біздің балалар әнде айтады.

Ән: «Қалықтайды жапырақтар»

Балалар отырады.

Жүрг.: -Балалар ,қане Алтын күз сыйлаған жапырақтарды себетке жинайық,ата-аналарымызға көрсетеміз.

Ойын «Жапырақ теру»

Алтын күз: -Балалар,сендер мен туралы тақпақ білесіңдер ме?Айтып беріңдерші,мен сендерге сыйлық беремін!

Жүрг: әрине,білеміз!

Балалар шығып,тақпақ айтады.

Келді алтын күз деп,

Бәрі қуанады.

Сап-сары алтындай

Жапырақтар жатады.

Самал жел далада,

Бетіме соғады.

Сары жапырақтар

Желмен айналады

Алтын күз себетін ақтара бастайды.

Алтын күз: -Ой,балалар, менің сыйлығым қалып қойыпты ғой. Мен тез барып сыйлықты алып келейін,- деп кетеді.

Осы кезде жаңбырдың дауысы естіледі.

Ж-ші: - Балалар, жаңбыр жауып жатқан сияқты. Ол да біздің ертеңгілігімізге келгісі келіп тұрған шығар?Бірақ біз оны шақырсақ – мына жердің бәрі су болады ғой.

Ж-ші:-Иә, жаңбыр бізге өкпелеп қалған сияқты.Ендеше,жаңбырға ән айтып берейік.

Ән «Жаңбыр».