Латын әліпбиі бүгінгі күн талабы тақырыбындағы эссе

Латын әліпбиі -бүгінгі күн талабы

Біздің Елбасымыз Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласы елімізге жаңа дәуірді ашып берді.Елбасының осы пікірін оқи отырып ,көп жылдан бері болашақ ұрпақты тәрбиелеуге үзбей ат салысып жүрген ұстаз ретінде, ана тіліміздің тәуелсіздік алған жылдар ішінде әлі де болса өз мәртебе сіне толық жетпей жүргеніне қынжылатын,тілге жанашыр, елім деген азаматтың бірі ретінде өз ойымды жазғым келеді.

Себебі, бұл бағдарлама «Жаһандық білім әлемінде бәсекеге қабілеттілікті» табысты атқаруға, қазақстандықтардың келешек ұрпағын тәрбиелеуге бағытталған, мемлекетіміздің жаһандану көшін ілгерлету мақсатын дағы маңызды құжат дер едім.

Латын әліпбиіне көшу,латын графикасын қолданысқа енгізу-еліміздің болашағының жарқын болып,батыл түрде алға жылжуымен жаңа заман талабына сай өсіп-өркендеуі үшін өте маңызды нәрсе деп есептеймін.

Елбасы өз сөзінде «Біз латын әліпбиіне көше отырып,өркениетті елдердің қатарына қосылып, тіліміздегі дыбыстық жүйелерді нақ анықтап,қазақ тілінің жазылуы мен дыбысталуы кезінде сөздер қолданысындағы артық кірме сөздерден арыламыз»деген болатын.

Латын графикасы - қазіргі замандағы жаңа технологиялық коммуникация, біліммен ғылымның шығар биігі. Еліміз латын әліпбиіне өтумен бірге түркі дүниесіндегі мәдени және рухани ынтымақтастығының жаңа белесіне көшіп,одан әрі нығая түспек.

Қазақ тілі орыс тілінің ықпалынан еркіндікке шығып,латын әрпін қолданып жүрген өзге туысқан елдердің тілдерімен бірге бір арнада өзінің табиғи даму жолына түсіп дами бастайды.Біздің көптеген тарихи мұраларымыздың дені латын әліпбиінде жазылған, латын әліпбиіне өту арқылы бізге сол баға жетпес, бай мұраларымызды кеңінен зерттеуге мүмкіндік туғызады және сол арқылы мемлекеттік тілдің қолданыс аясын кеңейте түсетіні сөзсіз.

Ал бұл өз кезегінде елімізде тұрып,толыққанды азаматы саналып отырған басқа ұлт өкілдерінің мемлекеттік тілді өз еркімен үйренуіне игі әсерін тигізеді.

Себебі біздің ғасырымыз-ақпарат ғасыры,ал оның басты құралы-жазу, жазудың негізі -ғаламтор жүйесі, ал онда үстемдік жасаушы- латын графикасы.

Демек, әлемдегі білім, ғылым, өндіріс саласына еніп жатқан жаңа технологияның бәріне латын әліпбиі арқылы қол жеткізуге болады деген сөз. Сол арқылы бізге, халықаралық ақпараттық кеңістіктегі ғаламтор жүйесіне ана тілімізде шығып,оны толыққанды меңгеруге жол ашылады.