Латын әліпбиі туралы мақала балабақша педагогтарына

№2 «Бөбек» санаториялық балабақшасы коммуналдық мемлекеттік мекемесінің тәрбиешісі Жакеева Рыскүл Жданқызы

ЛАТЫН ӘЛІПБИІ - ТӘУЕЛСІЗ ЕЛДІҢ ЕРКІН ТАҢДАУЫ!

26 қазан күні Қазақстан Республикасының Президенті Нұрсұлтан Назарбаев қазақ тілі әліпбиін кириллицадан латын графикасына көшіру туралы Жарлыққа қол қойды.

Латын әліпбиі - ел жаңғыруының жаңа белесі Елбасымыз Н.Ә.Назарбаевтың «Болашаққа бағдар: рухани жаңғыру» атты мақаласындағы қолданыстағы кириллицаны латын әліпбиіне көшіру туралы тапсырмасы елімізді жаңа бетбұрысқа бастайды білемін. Бұл - тарихи шешім. Әлемнің 80 пайызы қолданатын латын әліпбиі еліміздің болашағын нұрландырып, білім, технология сынды салалардың одан әрі дамуына ықпал етпек. Жалпы, латын графикасына көшу тәуелсіз еліміздің рухани жаңғыруға дайын екендігін көрсетіп отыр. Кез келген қазақстандықтың өміріне үлкен серпіліс әкелетін бұл бетбұрыс білім мен ғылымның өркендеуіне, ал жастардың заманға сай жан-жақты болуына өз әсерін тигізбек.

Тарихтың беттерін ақтарып қарайтын болсақ, латын әліпбиін қазақ халқы 1929-40 жылдары пайдаланған. Сонымен бірге қазақ халқының біртуар ақын-жазушылары да өз туындыларын латынша жазған.

Енді, міне, Елбасы бастамасы ел тарапынан үлкен қолдауға ие болып, тиісті ғалымдар мен тіл жанашырларының ұзақ уақыт талдау–талқылауынан кейін бүгінгі заманға лайықты, ана тіліміздің басты ерекшеліктерін сақтай отырып жасалған әліпби дүниеге келді. Ұлт Көшбасшысы бүкіл қоғам болып үн қосқан соңғы үлгідегі әліпбиді қолданысқа кезең-кезеңімен енгізуге Жарлық шығарды. Бұл ретте Президенттің ел келешегі үшін жасаған кезекті ерен еңбегі үржарлықтар тарапынан елеусіз қалмай, үлкен қолдауға ие болып отыр. Латын әліпбиі бағдарлы болашаққа бастаған бүгінгі заманымыздың құнды қажеттілігі деп есептеймін.

Қазақ халқы тәуелсіздігін алған күннен бастап латын қарпіне көшу мәселесі күн тәртібінен түскен емес. Қазақ тілінің латын қарпіне көшуі еліміздің, ең бірінші, ұлттық құндылығын арттырып, сана-сезіміміздің жаңғыруына алып келері хақ. Тіліміздің тазалығы, жалпы, латын қарпіне көшу туралы Елбасы 2012 жылғы желтоқсан айында жариялаған «Қазақстан-2050» Стратегиясында айтқан еді. Енді, міне, ағымдағы жылдың 26-шы қазаны күні ел Президенті латын графикасына негізделген қазақ тілі әліпбиінің жаңа нұсқасын қабылдау туралы Жарлыққа қол қойып отыр. Бұл - болашаққа басталған нық әрі сенімді қадам. Бұл - жетістіктер мен биік мақсаттарға апарар қадам. Қазақтың дана ойшылы Ахмет Байтұрсынов «Тәртіпке түскен жазу - тәртіпті…