Мадинаның арманы тақырыбындағы эссе қазақ тілі пәнінен

Менің арманым...

Арманы бар адамның

Бойында қайнар қуаты,

Алдында жанар мұраты.

Менің есімім, Оңғар Мадина, мен Степногорск қаласындағы №4 гимназия-мектебіндегі 5 «Ә» сынып оқушысымын.Менің білгенім, әр адам бойында бір қасиет болады. Ол- армандау.Ал, арман дегеніміз не? Менің естігенім бойынша, арман - бұл адам көкейіндегі ізгі ниет, алға қойған мақсат. Арман әр адамда болады. Адамдар өзінің барлық арманы орындалсын деп, ізгі ниетпен тілейді.

Мысалы, менің бір арманым бар. Ол - дәрігер болу. Дәрігер бұл адамдардың өмірін құтқаратын таңғажайып, сиқырлы, абзал жандар. Олар әрқашанда ақ халат киіп жүреді. Көбінесе дәрігерлер ақылды, қамқоршы, мейрімді болады. Олар таза, ұқыпты болып жүреді. Дәрігерлердің түрлері өте көп. Мысалы келтірсек: тіс дәрігері, балалар дәрігері және тағы басқалары. Мен балалар дәрігері болғым келеді. Себебі, кішкентай балаларды қатты ұнатамын. Олардың ауырмағаның қалаймын, сау болғаның тілеймін. Мен ауырып қалған балалардың көңілсіз кездерін емдеу арқылы азайтып, олардың денсаулықтарының зор болуына үлес қосқым келеді. Балаларды емдеп, адамдарға қуаныш сыйлау арқылы менің көңілім қуанышқа кенеледі. Осылай балаларға, адамдарға жақсылық жасау арқылы мен өз өмірімде үлкен жетістіктерге жеткім келеді!

Менің ойымша, денсаулық- баға жетпейтін жалғыз ғана асыл дүние. Ол адам өміріндегі ең бағалы дүние болғандықтан, әр адам баласы өз денсаулығына көңіл бөле қарау қажет, спортпен айналысып, дұрыс тамақтанып және білімді дәрігер мандықтарының бақылауында болғаны дұрыс. Ал, дәрігер болса, ол адам тәнін емдеп қана қоймай, оның жаның түсініп, емдей білетін абзал, мейрімді, адал, білімді, еңбекқор, кәсіби маман. Сондықтан, болашақта дәрігер болуға, бар күш жігерімді алға қойып, арманыма жетуге тырысамын. Себебі, бірінші байлық- денсаулық.