Махаббат көктемі тақырыбындағы сыныптан тыс жұмыс

«Т. Аманов атындағы №16 жалпы орта білім беретін мектеп» ММ

Сайыстың тақырыбы:

«Махаббат көктемі»

Ұйымдастырушылар: А.Серікқалиқызы

Машықкерлер

Семей 2017 жыл

Махаббат көктемі

Мақсаты:Оқушыларға қазақ халқының ұлы мерекесі Қозы Көрпеш- Баян Сұлу мейрамы жөнінде түсінік бере отырып, халқымыздың әдет-ғұрыпын бойларына дарыта отырып,шынайылыққа,адамгершілікке,ұлтжандылыққа тәрбиелеу.

Күні:15.04.17

1-жүргізуші:Армысыздар құрметті ұстаздар және оқушылар.Махаббат – дүйім дүниенің ең асыл, жалпақ жалғанның ең кіршіксіз сезімі болса, ұлы сезімнің шырқау шыңына көтерілген сезімге адал, сертке берік Қозы Көрпеш-Баян Сұлу, Қыз Жібек пен Төлеген, Еңлік-Кебек, Естай-Қорлан, Қалқаман-Мамыр. Осылардың барлығы шынайы махаббаттың символы іспетті.

2-жүргізуші: Сан мыңдаған ғасырлар бойы аттары аңызға айналған жұптардың жалынды жырлары мен махаббат хикаялары күні бүгінге дейін сақталып отыр.

1-жүргізуші: Бүгін біз барша адамзат аңсаған ұлы сезім махаббатты жырласақ дейміз.

2-жүргізуші: Олай болса ұлттық ғашықтар күніне орай ұйымдастырылып отырған "Махаббат көктемі" атты махаббат кешіне қош келдіңіздер!

1-жүргізуші:

Қанша ғашық арманына ұмтылды,

Қанша жүрек құштарлықпен бұлқынды,

Ғашықтарды құрмет тұтып адамзат,

Ешқашанда ұмытпайды бұл күнді!

Шуақ шашып қап - қараңғы түнектен,

Ғашықтарды пәк сезіммен нұр сепкен,

Жарық болсын әрқашан да жұлдызың,

Құттықтаймыз Қозы Көрпеш-Баян сұлу күнімен !!!

2-жүргізуші: Ал, ендеше " Махаббат көктемі" сайысымызды бастаймыз!

1-жүргізуші: Сайысымыз 4 бөлімнен тұрады.

1-бөлім Жұптарды таныстыруы.

2-бөлім "Ұшқыр ойлы, жүйрік қиял жұпсың ба?" салт-дәстүрге қатысты сұрақтарға жауап беру.

3-бөлім "Қыздарға әсемдік жарасады" Әр жұптың бірлесе жасаған жұмысы.

4-бөлім "Тарихқа үңілсек..." ұлы ғашықтардың сезімдерін көрініс арқылы жеткізу.

1-жүргізуші:

Шын жүйрік сыналатын кезең келді,

Көрейік тамашалап сайысты енді.

Әділқазы ойы терең,ақылы кең,

Саралап,әділ баға беріңіздер, - дей келе алдымен әділқазы алқасымен таныс болайық.

Қатысушылар:

1-жұп: 9 «а» Бақтияр Серік-Дарушева Назерке

2-жұп: 9 «ә» Тоқпанов Әділ-Айтқожина Аяжан

3-жұп: 9 «б»Дарибаев Мансұр-Кисанова Камила

4-жұп: 10 «а» Заманбеков Еркебұлан-Мукаева Аружан

5-жұп: 10 «ә» Тұрсынов Білімжан-Жанпейсова Әсел

2-жүргізуші:

Жан-жақты болу керек нағыз өрен,

Секілді өткір жүзді бейне ақберен.

Тапқыр да, жүйрік қиял жұбымыздың,

Есте сақтау қабілетін білсек терең, -дей келе бұл бөлім "Ұшқыр ойлы, жүйрік қиял жұпсың ба?" деп аталады. Бұл бөлімде қазақтың халық ауыз әдебиетіне, салт - дәстүріне, әдет…