Мамандығым мақтанышым технология материалы

«Мамандығым мақтанышым!» байқауы

Эссе

Тақырыбы: «Мен – ұстазбын!»

Ақырын жүріп, анық бас,

Еңбегін кетпес далаға.

Ұстаздық қылған жалықпас,

Үйретуден балаға.

Абай Құнанбайұлы.

Мұғалім өзінің білімділігімен, жүріс-тұрысымен, жайдары мінезімен, тіпті сырт пішіні, киген киімімен де оқушысына жақсы мағынада қатты әсер етеді.Мәлік Ғабдуллин

Сіз өзіңізге «Мен кіммін?», «Осы өмірдегі орным қандай?», «Қалай өмір сүруім керек?» деген сұрақтарға жауап беріп көрдіңіз бе? Жоқ? Алде ия? Қалай жауап берсеңіз де бұл сұрақтың жауабы адамның саналы ғұмырында оның қандай маман иесі болатындығымен байланысты екендігі анық. Әлемде 40 мыңға жуық мамандық бар. Менің таңдаған мамандығым – ұстаз болу. Мамандығымның алғашқы алтын баспалдақтары - асыл анамның әрбір жасаған ісі мен шебер қолынан шыққан балаң көңілімді жаулап алған көздің жауын алатындай дүниелері еді. Анамның қолы қалт етсе ескі тігін мәшинесіне отырып, әкемнің киімін жамап, қала берді көрпе құрап, кейде маған әдемі көйлектер тігіп беретін. Іс тігіп отырған анамның жанында айналшықтап, оның қайшымен мата қиғанын, әр түрлі қалдық матадан әп-әдемі дүние құрастырып шығуы т.с.с әрекеттері мен үшін таңғажайып құбылыс болып саналатын. Ес біліп, бойжете бастаған шағымда анама мәшинесін сабақтасып, көрпесін көктесіп, құрағын қырқысып, киімін өлшесіп көмектесуге жарай бастадым. Сол кезде өзімді құдды бір шебер тігінші сезініп, төбем көкке екі елі ғана жетпей қуанатынмын. Қол өнерге деген ынта-жігерімді, ықыласымды байқаған анашым мені өзі білетін барлық іске үйрете бастады. Анамнан

2014 жылдың 1 қыркүйегінен бастап Мойынқұм ауылындағы «Аула клубы» КММ-не «Шебер қол» үйірмесінің жетекшісі болып жұмысқа орналастым. Бұл мен үшін ерекше қымбат ұтыс билеті болды. Себебі «шебер қол» үйірмесінің жетекшісі болу ішкі жан қалауым еді. Жұмыс жан-жақты ізденуіме, маман ретінде өзімді көрсетуіме, шыңдалуыма, қиындыққа төзуіме, кедергіден оңай өтуіме, кәсіби мәселені оңтайлы шеше алу қабілетін игеруіме мүмкіндік берді. Үйірме жетекшісі ретінде алдыға қойған нақты мақсатым болды, ол - оқушыларды еңбексүйгіштікке тәрбиелеу, ой-өрісін дамыту, қолөнер ерекшелігі туралы түсінік беріп, іскерлік пен шеберлікке баулу, өнер туралы түсінік аясын кеңейту.

«Дәстүр мен мәдениет – ұлттың генетикалық коды. Біз өзіміздің ұлттық мәдениетіміз бен дәстүрлерімізді осы әралуандығымен және ұлылығымен қосып қорғауымыз керек, мәдени игілігімізді бөлшектеп болса да жинастыруымыз керек!» деп Елбасымыз Нұрсұлтан Назарбаев бір сөзінде айтқан екен. Қазақтың қолөнері, шын мәнінде, халқымыздың ғасырлар талғамынан өткен, ұрпақтар таразына тартылған асыл қазынасы. Ол - халық өмірімен, тұрмысымен бірге жетіліп, біте қайнасып келе жатыр. Еліміз егемендік алғалы жас ұрпақты өз халқының өнегесіне және әдет-ғұрпына сай тәрбиелеу күн тәртібінде өзекті мәселе ретінде қаралады. Ата-бабаларымыздан және әлем халықтарының келе жатқан ұлттық қолөнер туындылары арқылы оқушыларды іскерлікке баулумен қатар, олардың эстетикалық талғамын қалыптастыруға болады. Сан алуан түрлі қолөнер бұйымдарының әсемдігі, өрнегі, тұрмыстық сән берумен қатар, адамдарға рухани ләззат әкелген. Оқушыларды қол-өнерге баулу дегеніміз – олардың өнерге деген қызығушылығын, шығармашылығын арттыру, төзімділікке, икемділікке, ұқыптылыққа, тиянақтылыққа, тазалыққа тәрбиелеу болып табылады.

«Шебер қол» үйірмесінің жылдық жоспары негізінде ілмек бізбен жұмыс, гобелен тоқу, киім тігу, кесте тігу, тоқу, аппликация, бисермен жұмыс түрлері оқытылып, үйретілу қарастырылған.

Әр сабақ өзімізге ұнамды «Шебердің қолы алтын!» ұранымен басталады. «Кестені көңіл сызады, қол тігеді, көз санайды» демекші жұмыс жасау барысында баланың логикалық ойлау жүйесі дамып, математикалық есептеу дағдысы қалыптасады, қайшымен қию…