Мамандық пен жетістік туралы психологиялық семинар

Тренинг « Мамандық – жетістік мерейі»

Мақсаты: оқушыларға мамандық таңдау, олардың негізгі түрлері, таңдау әдістері туралы білімдерін , түсініктерін кеңейте отырып, мамандықтарға деген ынта ықыласын , қызығушылықтарын арттыру.

Міндеттері: кәсіптік мамандықтарға деген ынта- ықыласын, қызығушылықтарын анықтау, кәсіптік бағдар беру.

Тренинг ережелері:

1.Сыйластық 2.Тыңдай білу

3. Белсенділік таныту

4. Шығармашылық

5. Төзімділік

6. Түсіністік қарым- қатынас

Көрнекілігі: интерактивті тақта, ақ парақтар, мамандық аттары жазылған карточкалар ,доп, түрлі- түсті парақтар, ақ ватман.

Сабақ барысы:

1.Ұйымдастыру кезеңі: Сәлемдесу, оқушыларды екі топқа бөлу.

«Танысу» жаттығуы. Шарты: кез келген оқушыға бір мамандықты атап, допты лақтырамын. Қағып алған оқушы, жаңағы айтылған мамандықтың соңғы әрпінен басталатын кәсіпті атайды. Мысалы: мұғалім- механик, т.б. ойын осылайша жалғаса береді.

2.Негізгі бөлім.

Мамандық таңдау – өте жауапкершілікті және маңызды іс.Мамандық таңдауда әр адам өзінің қызығушылығына, қабілетіне бейімділігіне,қалуына сүйену керек.Қоғамның дамуында мамандық иелерін жоғары кәсіби біліктілікті, коммуникативтік қабілетті, еңбек етуге деген сүйіспеншілікті, қызығушылықты, өз мамандығы бойынша біліктілігін арттыруға даяр болатын мамандық иесін талап етеді.

«Әріпті мамандық» ойыны. Екі топқа бір әріптен беріледі.Қай топ сол әріптен басталатын мамандық аттарын көп тапса, сол топ жеңіске жетеді. Сонымен қатар өздері тапқан мамандықтарының қыр-сырын айтулары керек.

«Мамандықты тап » ойыны.

Оқушыларға карточкалар жазылған мамандықтар таратылады,ал олар сол мамандықтарды ыммен көрсетуге тырысу керек . Қалғандары мамандықты табулары керек .

Хатшы.Мұғалім.Кітапханашы.Бухгалтер. Банк қызметкері.Слесарь.Сатушы.Дәнекерлеуші.

Өзіңізге өзіңіз ризасызба?

Мұндағы мақсатымыз ең алдымен адам өзіне деген сенімді қалай табуы керек екендігін түсініп алу.

Гүлге көбелек қондыру- әр оқушы өз проблемаларын қағаздан әдейі қыйылып жасалынған гүлге жазып, тақтадағы көбелекке апарып қондырады.

Киіз үйдің шаңырағына –саласы жазылады.Ал уықтарға – таңдаған мамандықтарының түрлерін жазады.

Керегелеріне- әрқайсыларың осы мамандықтың пайдасы, неліктен таңдадың ,еліктедің бе? , ақшасына қызықтың ба? сияқты сұрақтар көлемінде жауаптары жазылады.

Суретті тест. Тренингтен алған әсерің .

Оқушыларға ақ параққа күннің, бұлттың, жаңбырдың, жасыл шөптер бейнеленген парақ таратылады. Тренингтен алған әсерін , бір-біріне тілектерін сол берілген суреттердің біреуіне жазады.