Мамандық таңдау – болашақты таңдау туралы мақала

МАМАНДЫҚ ТАҢДАУ – БОЛАШАҚТЫ ТАҢДАУ

Мақсаты: Мамандық таңдауда жауапкершілікті қалыптастыру, оқушыларға мамандықтың түрлері, олардың адам өміріндегі маңызы туралы түсінік бере отырып, өз бейіміне сәйкес мамандық таңдай білуіне ықпал жасау, кәсіби бағдар беру, мамандық әлемінен ақпараттар алу, қазіргі заманның тапшы мамандықтарын көрсетіп, сол бағытқа қарай бағыттау, өз пікірін еркін айтып, өзгенің пікірін сыйлай білуге, жүйелі ойлауға баулу, оқушыларды терең білім алу жолында үздіксіз еңбектенуде еңбекқорлыққа тәрбиелеу.

Міндеттері:

-Мамандық таңдаудың негізгі шарттарын таныту.

— Мамандық таңдауда оң шешім қабылдауға, өзінің бойындағы қасиетін тануға жетелеу— Еңбекқорлыққа, еңбекті қадірлей білуге, табысты болуға тәрбиелеу.

Әдіс- тәсілдері: сұрақ – жауап, тренинг, топтық жұмыстар.

Көрнекілігі: проектор, тақырыпқа сай әзірленген слайдтар, плакат, үлестірмелі қағаздар.

Өткізіу формасы: тренинг

Қатысушылар: 11 сынып оқушылары.

Сабақ барысы:

І. Мұғалімнің кіріспе сөзі. Сәлеметсіздер ме, құрметті оқушылар мен ұстаздар! Бүгінгі «Мамандығым-болашағым» жоба аясында өткізіліп отырған «Мамандық таңдау-болашықты таңдау» атты іс-шарамызға қош келіпсіздер!

Мәңгі лаулап жану үшін ғаламда,

Үлкен бақыт табу үшін ғаламда,

Үлкен болып қалу үшін ғаламда,

Үлкен арман керек екен адамға.

Әр адам ерте ме, кеш пе өз өмірінде «Қандай мамандық иесі боламын?» деген сұраққа жауап іздейді. Мамандық таңдау – өте жауапты іс. Өйткені, таңдаған мамандығың ертеңгі сенің өмірің, болашағың, қоғамның болашағы, еліміздің ертеңі.Ал осы мамандықтың қанша түрі бар деп ойлайсыздар?Американдық кәсіптер сөздігінің мәліметтері бойынша 40 мыңға жуық мамандық түрі бар екен. Соның ішінде шамамен 500 –і жыл сайын жоғалып кетеді және сондай шамада жаңалары пайда болады. Көптеген мамандықтардың өмір сүруінің орташа уақыты 8-10 жыл. Міне сондықтан заманауи мамандықтармен танысу бүгінгі уақытта өте қажет болып тұрған мәселелердің бірі. Мамандық әлемінің зор көптүрлілігі өмір үшін барлық қажеттіні жалғыз адам атқара алмайтындығының салдары. Өз жұмысын орындау үшін адамға белгілі бір білім мен ептілік қажет. Осылайша мамандықтар пайда болған. Күн сайын миллиондаған адамдар жұмысқа асығып бара жатады. Олар немен айналысады? Өз жұмысын жақсы көреді ме? Жұмыс түрін қалайша таңдады екен,өздерінің кәсіби жолын қайталар ма еді немесе…