Мамандыққа жол табу психологиялық тренингі, 9 сынып

Шеңбертал орта мектебі

ПСИХОЛОГИЯЛЫҚ

ТРЕНИНГ

Тақырыбы: «Мамандыққа жол табу»

Сыныбы: 9-сынып

Уақыты: 26.04.2017 ж.

Өткізген: С.Баймұханов мектеп психологі

2016-2017 оқу жылы

«Мамандыққа жол табу»(тренинг)

Мақсаты: Оқушыларды оқу процесінде кәсіби бағытқа психологиялық тұрғыдан дайындау. Оларға психологиялық тренинг арқылы мамандық,арнайы мамандық,лауазым деген ұғымдармен кеңінен таныстыру. Мамандықтың типтерін қарастыру.

Міндеті: Мамандық таңдауда дұрыс шешім қабылдауға,өзін-өзі дұрыс бағалау және қабілеттерін анықтау.

Қажетті құрал-жабдықтар: Түрлі -түсті қағаздар, мамандықтар жазылған карточкалар.

Өту барысы:

1. «Белгі» танысу.

2. «5 типті анықтау»

3. «Мамандық, арн.мамандық, лауазым»

4. «Сұрақ-жауап»

5. «Ойын»

6. «Рефлексия»

1. «Белгі». /танысу тренингі/

Жүргізуші: Мамандық дегеніміз не? Мамандық дегеніміз-адамның белгілі бір қызмет атқаруына мүмкіндік беретін материалдық не рухани өндірісте алған білімі мен өмірлік дағдысының жиынтығы.

Қабілетті тек қана оқуға, білімге ғана деп қарастырмау керек. Қабілеттіліктің өлшемі – белгілі бір істің нәтижесі болып орындалуында.

Қандай да болмасын бір нәрсеге қабілеті жоқ адам болмайды. Ол біреуде күшті, біреуде шамалы болып келуі мүмкін, яғни қабілетсіз адам болмайды.

Ал, енді сендер өз қабілеттеріңді айтып шығыңдар.

Енді мамандыққа есік ашуға кілттеріміз жеткілікті.

2. Мамандықты 5 типке бөледі.

Өмірде мамандықтардың сан алуан түрі бар. Бірақ олардың кейбіреулері пайда болып жатса, кейбіреулері ескіріп жатады (мысал келтіріңдер; қазіргі заманға сай мамандықтарды атаңдар).Қазір біз соларды қарастырамыз.

Олар: «Адам – Табиғат», «Адам – Техника», «Адам – Адам», «Адам – белгілеу жүйесі», «Адам – көркем бейне».

1) «А - Табиғат» мұнда тірі ағзалар, өсімдіктер, жануарлар мен биологиялық үрдістер еңбек объектісі болады (Агроном, фермер, ихтиология, тамақ өнеркәсібі технологы, кондитер, дигустатор).

2) «А-Техника» мұнда техникалық жүйелер, машиналар, аппараттар мен қондырғылар, материалдар мен энергия еңбек (қуат) объектісі болады (радиотехник, связист, электромеханик, токарь).

3) «А - Адам» адамдар, топтар, ұжымдар еңбек объектісі болады (дәрігерлер, мұғалімдер, журналист, кітапханашы, сатушы, тігінші, шаштараз, визажист, социолог, гид, бармен, менеджер, фотосуретші т.б.).

4) «А-белгілеу жүйесі». Олардың еңбек объектісі: шартты белгілер, шифрлар, кодтар, кестелер (экономист, переводчик, статистик, маркетинг, коммерция, бухгалтер, қаржы агенті, биржа агенті, таможенник, натариус).

5) «Адам-көркем бейне». Бұл адамдар еңбек объектісі көркемдік бейнелер жасау, олардың рөлі, элементтері мен ерекшеліктері (музыкаттану, аспапта орындаушылық, режисер, хореография, сценография, композиция, операторлық өнер, кескіндеме, графика, мүсін өнері, операторлық өнер, өнертану, дизайн, эстрада өнері).