Мәңгілік ел идеясы және бастауыштағы тәрбие негіздері

Маңғыстау облысы, Түпқараған ауданы, Ақшұқыр ауылы

М.Әбдіхалықов атындағы мектеп-гимназиясы

«Мәңгілік ел» ұлттық идеясы бастауыш мектептегі рухани-адамгершілік тәрбие мен білімнің негізі

(баяндама)

Жақайқызы Сауле

бастауыш сынып мұғалімі

[Введите название организации]

«Мәңгілік ел» ұлттық идеясы бастауыш мектептегі рухани- адамгершілік тәрбие мен білімнің негізі.

Біз қазір тәуелсіз, егеменді мемлекетте тұрып жатырмыз. Ата-бабамыздың сан ғасырғы төккен терінің арқасында тәуелсіздікке қол жеткізгенбіз. Сол тәуелсіздікті сақтап қалу одан да қиынға түседі. Тәуелсіздікті сақтап қалу үшін ел ішінде алауыздық болмауы керек. Ал , ол үшін бүкіл қоғамды берік біріктіретін біртұтас идея, алға жұмылдыратын бағыт керек болды. Н.Ә. Назарбаев Қазақстан халқына арнап «Қазақстан жолы – 2050: бір мақсат, бір мүдде, бір болашақ» атты тарихи Жолдауын жазды. Жолдауда отандастары үшін өте маңызды екі идея ұсынды. Оның біріншісі – «Мәңгілік ел», екіншісі – «Қазақ елі». Бұл екеуі бір-бірімен тығыз байланысты.

«Мәңгілік ел» - халқымыздың болашаққа бағыт берер шамшырағы. «Жалпыұлттық идеяны өміршең ететін – Елдің бірлігі. Ауызбіршілік қашқан, алауыздық тасқан жерде ешқашан да жалпыұлттық идеялар жүзеге асқан емес. Қазақстанның шыққан шыңы мен бағындырған биіктерінің ең басты себебі – бірлік, берекесі» дейді Елбасшымыз Қазақстан Халқына Жолдауында.

«Мәңгілік ел» дегеніміз не? Ол қуатты, мықты , рухы асқақ, діні берік, салтын ұстанған , тарихы тереңде , ынтымақ пен ауызбіршілігі жарасқан, ірі мемлекеттермен бәсекеге түсе алатын , ешқашан жойылмайтын ел. Ендеше , біз үшін болашағымызды бағдар ететін, ұлтты ұйыстырып, ұлы мақсаттарға жетелейтін идея. Мәңгілік ел идеясының мақсаты – «Мәңгілік Елді» нығайту, Отанымыздың – Қазақстанның Тәуелсіздігін нығайту! Ортақ мүддеміз – біздің баршамызға ортақ құндылықтарымыз, еркін және өркендеуші елде өмір сүруге деген құштарлығымыз! Ортақ болашағымыз – «Мәңгілік Елдің» - біздің ортақ үйіміздің – Қазақстан Республикасының гүлденуі. «Мәңгілік Ел» - Қазақтың мәңгілік ғұмыры ұрпақтың Мәңгілік болашағын баянды етуге арналады.

«Мәңгілік ел» мемлекетін құрудағы жастардың рөлі мен жауапкершілігін анықтай отырып, Президент оларда ұлттық сана-сезімдері мен тарихи сананы жан-жақты қалыптастыру мәселесін өзектендірді

Бұл өте заңды құбылыс, себебі ұлттық компонент - қазіргі заман адамы санасының ажырамас бөлігі. Барлық өркениетті елдерде заманауи білім берудің мәні іс-әрекет пен ойлаудың түрлі формаларына, түрлі мәдениеттік мәндерді іздестіру мақсатында диалогқа қатыса алатын, ұлттық мәдениет адамын тәрбиелеу болып табылады. Ғылыми зерттеулерде білім алушы жастарға ұлттық тәрбие беру мәселелері бойынша: тұлғаның ұлттық сана-сезімі ұлттық тиістілік туралы түсініктерін, ұлттың өткен тарихына, оның бүгінгісі мен болашағына деген қатынасын, ана тілін меңгерудегі, төл мәдениетін игерудегі, ұлт мүддесі мен құндылық бағдарын жете ұғынудағы және қабылдаудағы белсенділігін көрсетеді. Жоғарыда айтылғандарды ескере отырып, соңғы жылдары қоғам жастардың рухани дамуындағы адамгершілік, әлеуметтік, физикалық және психикалық аспектілерде рухани-адамгершілік дағдарыстың үдей түсуімен байланысты ең бір қиын кезеңді өткеріп жатқанын айтпауға болмайды. Бүгінгі Қазақстан жастарының белгілі бір бөлігінің ұлттық сана-сезімі мен дінінің, азаматтығы мен патриотизм деңгейінің құлдырауы осындай тұжырым жасауымызға негіз болып отыр. Әсіресе бұл өзінің туған тілін ғана емес, өз халқының тарихын, салт-дәстүрлерін білмейтін

Ұстаздар тәрбие жұмысының жоспарын құруда , Мықты және Қуатты Қазақстан мемлекетін құруда басшылыққа алынатын «Қазақстан – 2050» Стратегиясының негізгі алты бағыттарын ескеру қажет:

Бірінші. Жаңа қазақстандық патриотизмге тәрбиелеу. Жаңа қазақстандық па- триотизм – бұл этникалық айырмашылықтардан тыс бүкіл қоғамды біріктіруі тиіс барлық мүмкіндік.

Екінші. Барлық этностар азаматтары құқықтарының теңдігі. Біз барлығымыз тең құқықты тең мүмкіндіктерді иеленген қазақстандықтармыз. Біздің жерімізде бейбітшілік пен тыныштық орнауына біз тікелей жауаптымыз. Үшінші. Қазақ тілінің дамуы және тілдердің үш тұғырлылығы. Жауапкершілікті тіл саясаты қазақ ұлтын біріктіруші басты факторлардың бірі болып табылады. Қазақ тілі – біздің рухани негізіміз және оны барлық салада белсенді пайдалана отырып дамыту керек.

Төртінші. Мәдениетті, дәстүрлі және даралықты қайта өркендету. Дәстүр мен мәдениет – ұлттың генетикалық коды.

Бесінші. Ұлттық зиялы қауым рөлін көтеру. Зиялы қауым қалыптасқан мемлекет кезеңінде жаңа жалпыұлттық құндылықтар жасауда жетекші күш болуы керек.

Алтыншы. Мемлекеттің зайырлы сипатын нығайту – бұл Қазақстанның сәтті дамуының маңызды шарты.

«Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында» деп Елбасымыз айтқандай мәңгілік елдің ұрпағы ол –Қазақтың перзенті. Мәңгілік ел идеясын қалыптастыру үшін ең алдымен ұлағатты тәрбие мен сапалы білімнің қажеттілгі анық көрсетіледі.