Мәңгілік ел мәртебелі тіл тақырыбындағы ашық сабақ, 7 сынып

Тақырыбы: «Мәңгілік ел – мәртебелі тіл»

Мақсаты: қазақ тілі мен әдебиетінің мол мұрасымен кеңінен таныстыру. Қазақ тілінің қолданылу аясын кеңейтуге үлес қосу. Қазақ халқының әдебиетін негізге ала отырып, көркем әдеби шығармалардағы кейіпкерлердің игі істерін насихаттау арқылы елжандылыққа, адамгершілікке, бауырмалдылыққа тәрбиелеу.Тілін, елін сүйе білуге үйрету.

Жүргізуші: Қайырлы күн, құрметті ұстаздар! Армысыздар қымбатты оқушылар!

Қазақстан – сан ғасырлы тарихы бар,

Қазақстан –бұл азат ел, танысыңдар.

Көк байрағы, елтаңба, әнұраны,

Қазақ елі егеменді, сан ұлты бар.

Жүргізуші: Қазақ тілі – өміріңде, өлеңде,

Қазақ тілі – тамыр жайған тереңге.

Қазақ тілі болашаққа жетелеп,

Ұрпақтарды танытады әлемге, - дегендей, мемлекеттік тіліміздің мәртебесін көтерер сіздерсіздер, құрметті болашақ жастар! Осыған орай «Мәңгілік ел – мәртебелі тіл» атты қазақ тілі он күндігінің жабылу кешіне қош келдіңіздер!

(видео көрсетіледі)

Жүргізуші: Туған елім – тірлігімнің айғағы,

Тілім барда айтылар сыр ойдағы.

Өссе тілім, мен де бірге өсемін.

Өшсе тілім, мен де бірге өшемін.

Болашақ біздің елдің ұрпақтарын ортаға шақырамын.

(Оқушылар өлеңдер оқиды)

Жүргізуші: келесі кезекте 7 «Б» сынып қыздарының орындауында биін тамашалаңыздар.

Жүргізуші:

Мен сіздерге М.Қанафияұлының «Жасай бер, ана тілім!» өлеңін оқып бергім келіп тұр.

Жылаған алғашқы іңгә үннен тілім,

Жүргекте бүлдір қағып күлген тілім.

Жағымды ана әлдиі, ақ сүтімен,

Жүрегіме, қаныма сіңген тілім.

Жанымды жадыратқан бала тілім,

Жыр, ертек жаттаттырған сана тілім.

Жаралып жермен бірге, күн көзімен,

Жасасқан қазақ тілі – ана тілім.

Жарысқан жыл құсымен үнді тілім,

Жарасқан дала , малмен сырлы тілім.

Жиһанкез желмаялы Асан қайғы,

Жер – жерге баға берген сынды тілім.

Жырлатқан қазақтардың қазақтығын,

Жырлатқан елдік, ерлік азаттығын.

Жұлдызды құдіреттің туы болған,

Жауынгер ана тілім – қазақ тілім.

Жүргізуші: Назарларыңызға рахмет! Келесі кезекте 7 «А» сынып ұлдарының орындауында биін қарсы алыңыздар.

Жүргізуші: 8 «В» сынып оқушысы Гасанова Диананың орындауында «Мереке» әнің қабыл алыңыздар.

Жүргізуші: 6 «Б» сынып оқушылары өлең жолдарын тарту етеді.

(Изаар, Расул, А. Диана)

Жүргізуші: қыздар тобы: «Хорошое настроение» биін тамашалаңыздар.