Мәңгілік ел мұраты 9 сынып сабақ жоспары

Сабақтың тақырыбы:Мәңгілік ел мұраты

Мұғалімнің аты- жөні:Арыстанбекова Ш Күні: 20.12.2017 ж Сыныбы:9 «Ә»

Қатысқан оқушылар саны:21 Қатыспаған оқушылар саны: 0

Сабаққа негізделген оқу мақсаттары

Елбасының Жолдауы келешекке бағдар беретін, ұлтты ұйытып, ұлы мақсаттарға жетелеп, елдің дамуын қамтамасыз ететін «Мәңгілік Ел» идеясының мұраттары мен оған қол жеткізудің тарихи құндылықтарын оқушыларға жан-жақты таныстыру. Сабақтың нәтижесі:

Еліміздің болашағы ретінде «Мәңгілік Елдің» кешегісі, бүгіні мен ертеңі үшін қажет патриоттық тәрбие мен адамгершілік, Отансүйгіштік қасиеттері дамиды Құндылықта р ды дарыту

Мәңгілік ел жалпы ұлттық идеясының құндылығы индустрияландыру мен инновацияларға негізделген экономикалық өсу Ресурстар АКТ, «Мәңгілік Ел» суреттері, ноутбук,кеспе қағаздар

Әдіс- тәсілдер

Сұрақ-жауап, әңгімелеу, түсіндіру,постер,

Сабақтың жоспары Жоспарла нған уақыт

Сабақтың барысы :

Басталу ы

1. Ұйымдастыру кезеңі. Кіріспе сөз. Құрметті ұстаздар, оқушылар, бүгінгі кештің қонақтары! Сіздерді еліміздің ең үлкен мерекесі Тәуелсіздік күнімен құттықтай отырып, бүгінгі тәуелсіздікпен қатар келген «Мәңгілік ел мұраты» атты тәрбие сағатымызды сіздердің назарларыңызға ұсынамыз.

1. Әнұран

Топқа бөлу Топ атаулары: І топ – «Жарқын болашақ» ІІ топ – «Дарынды ұрпақ» ІІІ топ – «Асқақ арман» ІV топ – «Кемел келешек»

Слайдпен жұмыс Мұғалімнің қоятын сұрақтары: 1. Суреттен не көріп тұрсыздар? 2. Бұл не? 3. Қандай ескерткіш? 4. Бұл ескерткіш қайда орналасқан? 5. «Мәңгілік Ел» дегенді қалай түсінесіздер? (Оқушылардың жауаптарын тыңдау)

Мұғалімнің сөзі: Еркіндік! Қандай керемет ұғым. Осы еркіндіктің бізге қалай келгені барлығымызға мәлім. «Мәңгілік Ел» - тұнып тұрған тарих. Елбасымыздың тұғырлы саясатының

арқасында жүзеге асырылып келе жатқан идея. «Мұрат» сөзі мағынасы жағынан «мақсаттан» маңыздырақ, жүрекке жақын, жағымды. Мұратсыз ұлт та, мемлекет те жер бетінде болған емес. Қазақ даласында ұлттық идея байырғы сақ, түрік дәуірлерінде басталды десек те артық емес. Сондықтан да тәрбие сағатымыздың тақырыбын «Мәңгілік Ел мұраты» алған себебіміз осы. Сол мұратқа жету жолында қойнауы терең тарих ата тұғырына үңіліп көрсек қайтеді балалар? Ендеше бастайық. (топтарды таныстыру) Тапсырмалар: Аталған суреттер мен бейнебаяндар бойынша постер құрастырып, негізгі ойды сурет және тірек сөздермен білдіріңіздер (13 минут уақыт беріледі. Әр топ өз тапсырмасына сай бейнебаяндарды көрсетеді) Жаңа білім 10 минут

1.«Жарқын болашақ» тобы - Көшпенділер және Қазақ даласы.

2.«Дарынды ұрпақ» тобы - Қазақ хандығы, батырлары және олардың мұраттары. 3.«Асқақ арман» тобы - Қазақ зиялылары, «Отты жылдар тарихы»

4.«Кемел келешек» тобы - Тәуелсіз Қазақстан және оның жетістіктері. ЭКСПО-2017

(Оқушылар постерлерін қорғайды)

Мұғалімнің сөзі: Адам өмірінің мәні – өмір сынақтары арқылы рухани жетілу болса, адамдар қауымдастығының мақсаты мемлекеттің ұлттық идеясы – «Мәңгілік Ел» негізі, рухы биік тұлға, бірлігі жарасқан халық, қуатты мемлекет қалыптастыру.

Ортасы Елбасымыз: «Менің білуімше, біз – Ұлы Дала еліміз», деп саналуымыз керек. Кейбіреулер «Аспан асты еліміз» дейді. Біз Ұлы Дала ұрпағымыз. Осы даланы біздің ата-бабамыз қан төгіп, жан беріп, тер төгіп сақтап қалған» деген еді. Соған міне топтардың жұмыстары дәлел болды. Ендеше «Мәңгілік Ел» атты бейнебаянды барлығымыз бірге тамашалайық. Мәңгілік ел http://bilimland.kz/kk/content/structure/2264- videouroki#lesson=18618)

Сұрақтар: 1. Бейнебаяннан не түсіндіңіздер? 2. Қандай түйін жасауға болады?

Мұғалімнің сөзі: Олай болса, «Мәңгілік Елдің» басты 7 қағидасымен танысайық: 1. Қазақстанның тәуелсіздігі және Астанасы.

2. Қоғамымыздағы ұлттық бірлік, бейбітшілік пен келісім. 3. Зайырлы қоғам және жоғарғы руханият. 4. Индустрияландыру мен инновацияларға негізделген экономикалық өсім. 5. Жалпыға ортақ еңбек қоғамы. 6. Тарихтың, мәдениет пен тілдің ортақтығы. 7. Еліміздің ұлттық қауіпсіздігі және бүкіләлемдік, өңірлік мәселелерді шешуде жаһандық тұрғыдан қатысуы.

Еліміздің мәңгілік болатынына сеніміміз мол. Олай болса, қорытындылап көрейік. (Ойларын тыңдау) «Жарқын болашақ» тобы. Болашақ ұрпақ «Мәңгілік Ел» идеясының мұраттарын қалай айқындайды? «Дарынды ұрпақ» тобы. «Мәңгілік Ел» ұрпағының бойында қандай қасиеттер болу керек? «Асқақ арман» тобы. «Мәңгілік Елдің» азаматтары нені армандайды? «Кемел келешек» тобы. «Мәңгілік Елдің» болашақ ұрпақтары кемел келешегімізді қалай елестетеді? Қорытынды:Ол үшін Сіздердің бойларыңызда қандай қасиеттер болу керек? Міне оқушылар, біздер елімізбен мақтанамыз. Бұл еркіндік оңайлықпен келген жоқ. Қазақ елі еркіндікке жету үшін қаншама қиын –қыстау кезеңдерді бастан кешірді. Мыңдаған жылдық тарихы бар. Қазақстан тәуелсіздік алды. Тәуелсізідікке қол жеткізгеннен гөрі , оны ұстап тұру әлдеқайда қиын. Бұл-әлем кеңістігінде ғұмыр кешкен талай халықтың басынан өткен тарихи шындық. Өзара алауыздық пен жан –жаққа тартқан берекесіздік талай елдің тағдырын құрдымға жіберген, тіршілік тезіне төтеп бере алмай жер бетінен ұлт ретінде жойылып кеткен елдер қаншама. Біз өзгенің қателігінен , өткеннің тағылымынан сабақ ала білуге тиіспіз.

Аяқталуы Сабақты бекіту 10 минут

Әдеби монтаж «Мәңгілік ел» Мұғалімнің қорытынды сөзі: Тамаша! Қазақстан – Ұлы Дала Елі! Қасиетті жерімізді ықылым замандардан Ұлы Дала деп, ал ата- бабаларымызды Ұлы Даланың ұрпақтары деп атаған. Біз – солардың жалғасымыз, Ұлы Даланың мұрагерлеріміз. Осынау кең- байтақ Ұлы даланың көгінде халқымыздың бақ жұлдызы болып Жаңа Қазақстан дүниеге келді. Мәңгілік Елімізде бейбітшілік пен береке болсын! «Мәңгілік Ел» болу жолындағы ұлы істеріміз жаңа дәуірге жол ашсын!

Кері байланыс

Бүгінгі сабақ бойынша кері байланыс беру