Мәңгілік ел тақырыбына арналған бір беттік шығарма

Мәңгілік Ел – біздің ата – бабаларымыздың армандап өткен асыл арманы. Бұл арманымызға да жетіп, Қазақ елінің тәуелсіз, егеменді ел болғанына да ширек ғасырдан асты. Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді. Бүгін біздің дербес ел болып, уығымызды қадап, шаңырағымызды көтеріп, ерікті еркін мемлекетімізді құрып, Қазақстан Республикасы атанып, көк байрақ туымызды желбіретіп, әлемге әйгілі болуымыздың өзі осы тәуелсіздікке қол жеткізуіміздің арқасы. Мәңгілік ел , Рухани жаңғыру аясында еліміздің елдігі мен бірлігін мәңгіге жеткізетін болашақ жастарымыз жасампаз, отаншыл, елін – жерін сүйетін, егемендіктікті берік ұстайтын жастарымыз деп айта аламыз.

Тәуелсіз ел.

Елім деп тағы өлеңімді бастадым,

Дәл осылай ашық болсын аспаның.

Тәуелсіздік мерекеміз бүгінгі,

Құтты болсын, барша қазақ жастары.

Қазақстан туып – өскен мекенім,

Баршаға айқын тәуелсіз ел екенің.

Осындай елде туғаныма қуанам,

Қуаныштан мәңгі жырлап өтермін.

Тәуелсіз ел желбіреген байрағың,

Көрінсін күллі елге айғағың.

Қазақстаным жаса, мәңгі жасай бер,

Ешқашанда бұзылмасын қаймағың.

Қазақстаным мекен еткен тұрағым,

Қалықтасын көкте әркез қыраның.

Басқаларға үлгі болып қазағым,

Жеңістерде шырқалсын әнұраның.

Тәуелсіз елім, бағың бастан таймасын,

Өркендесін, өсіп – өніп жайнасын.

Ана тілін құрметтеген қазағым,

Барша жұртың қазақ тілде сайрасын.

Осы елден шыққан талай ақын – даналар,

Біз солардың ұрпағы боп саналар.

Тәуелсіздік бізге оңайлықпен келмеген,

Біз үшін деп, жан қиды ата- бабалар.

Қазақстан тәуелсіздік тұғырым,

Мен елімді жырлап өтер ұланың

Бейбітшілік болсын мәңгі инша Алла!

Мәңгілікке ұзақ болсын ғұмырың.