Мәңгілік ел туралы 8-сыныпқа арналған мақала

Ұлттық құндылықтар арқылы білім мен тәрбие беру

- «Мәңгілік ел» идеясының негізі.

Ахметкалиева Қарлығаш Кенесбековна

Өскемен қаласы әкімдігінің «№6 орта мектебі» КММ

[email protected]

Ұлттық тәрбие – жас ұрпақты оқыту мен тәрбиелеудің қайнар көзі, рухани мұрасы. Еліміз тәуелсіздік алғалы қол артқан қоғамдық-саяси және әлеуметтік-экономикалық жетістік пен мемлекеттілікті баянды етпекке, әрі келешектегі ел тұтқасы жастардың санасын дамыту үшін тек материалдық игілікті ғана мақсұт ету жеткіліксіз. Олардың бойына ата-баба дәстүрі мен өз халқының тарихын қастер- леуге, ең бастысы, отансүйгіштікті нығайту үшін ұлтының рухани-мәдени құндылықтарын сіңіру қажет. М.Шоқайдың «Ұлттық мәдениеттен жұрдай рухта тәрбиеленген ұрпақтан халқымыздың қажеті мен мүддесін жоқтайтын пайдалы азамат шықпайды», – деген түйінді ой-пікірі ұлттық рухани- адамгершілік құндылықтарды бойына сіңірген адам ғана қандай да келеңсіз іс-әрекеттерден аулақ жүретініне себеп болатыны мәлім деген ойды білдіреді.

. Ел басымыз Н. Ә. Назарбаевтың «Қазақстан жолы-2050: бір мақсат, бір мүдде, бір болашақ» атты жолдауы- Қазақстанның 2050 жылға дейінгі даму жолын айқындайтын стратегия . Президентіміз Тәуелсіз Қазақстанымызды дамытудың, әрбір Қазақстандықтың, әр отбасының, жастардың және келешек ұрпақтың мүддесін қорғаудың нақты жолдарын ұсынды.

«Мәңгілік Ел-жалпы Қазақстандық ортақ шаңырағымыздың ұлттық идеясы. Ата-бабаларымыздың сан мың жылдан бергі асыл арманы болатын. Ендігі ұрпақ- Мәңгілік Қазақтың Перзенті. Ендеше, Қазақ Елінің ұлттық идеясы-Мәңгілік Ел!» деп елбасымыз нақты атап өтті. Әлеуметтік маңызы зор құндылықтың мән-мағынасын ұғындыру,баланың санасына, сезіміне, түйсігіне, мінез- құлқына әсер ететіндей дәрежеде жеткізу ұстаздық шеберлікті талап етеді.

Бүгінде оқушыларға әлемдік деңгейде, өркениетті негізде білім мен тәрбие беру, ұлттық құндылықтарды жас ұрпақ бойына сіңіру әлемдік маңызы зор проблемаға айналып отыр. Ұлттық құндылықтарымыздың туын биік ұстап, жас ұрпақты қасиетті халқымыздың тәлімгерлік үлгісімен

тәрбиелеу-ең маңызды міндет. Сонда ғана болашағымыз айқын, құрылымымыз берік негізді болады. Тәрбиесіз берілген білім-нәтижесіз еш еңбек. Алдымен ұлағатты ұрпақ өсіргіміз келсе, ата-салтын, ұлттық тәрбиемізді бірінші білім берумен қатар жүргізуіміз керек. Бұл түпкі мақсатқа жеткізудің негізгі жолы болмақ. Ол үшін ұрпағымызды оқыту мен тәрбиелеуде қашанда мектептегі басты тұлға ұстаз-мұрындық болу керек.

Мектепте оқытылатын әрбір пән жан-жақты тәрбиелік қасиетке ие екені сөзсіз. Оқушы үшін мектепте оқылатын пәннің орны ерекше. Әр шәкірт әр бір пәннің бастауынан нәр алып, келешек өміріне пайдаланады. Басқа

пәндер сияқты өмірге қажетті пәндердің пәндердің бірі - математика. Математика –ақыл-ойды ретке келтіреді деп бекер айтылмаған. ХХІ ғасыр– ғылым ғасыры аталуының өзі математика пәнінің ғылым негізі екенін көрсетеді.Математика пәнінен сабақ беру кезінде халық педагогикасының элементтерін үздіксіз пайдалана отырып өмір тәжірибесіне сай, өз ерекшеліктерімен қалыптасқан және ұлттық тәрбиенің негізін терең меңгерген шәкірт тәрбиелеуге басым күш салып келемін. Нақты математикалық тақырыпты халқымыздың тұрмыс - салтымен байланыстыра оқыту оқушыларымыздың, өз халқымыздың тарихын білуге, тұрмыс салтын ұғынуға үйретеді.

Халық педагогикасын математика сабақтарында және сыныптан тыс шараларда қолданудың мынандай мақсаттары мен міндеттерін атап өткім келеді:

-Халық педагогикасының элементтерін қолдану арқылы қолайлы жұмыс түрлерін ұйымдастыру;

-Этнопедагогика бойынша көрнекі құралдарды қолдану; -Ұлттық құндылықтарды дәріптеуге тәрбиелеу; -Қазіргі заман талабына сай азаматты тәрбиелеу; -Ұлттық намыс, қадір-қасиеттерді оқушы бойына сіңіре білуге тәрбиелеу;

-Салт-дәстүрді құрметтеуге тәрбиелеу; -Халық педагогикасына жете мән беру; -Салауатты өмір салты туралы ұлттық салт-дәстүрлерімен танысып оны ұстана білу;

Осы міндеттер мен мақсаттарға жету жолдары; -Сабақ барысында тақырыпқа байланысты мақал- мәтелдерді қолдану;

Оқушылардың пәнге деген қызығушылығын туғызудың жолдарының көзі қазақ халқының тәрбиелік және танымдық мәні бар, баға жетпес асыл қазынасы, тарихи – мәдени