Мақта қыз бен мысық тақырыбына сабақ жоспары

Мақта қызбен мысық

Білім беру салалары: «Денсаулық», «Коммуникация», «Таным», «Шығармашылық», «Әлеумет»

Мақсаты: Балалардың алған білімдерін пысықтау, геометриялық пішіндер, көлем, үлкен кіші, ұзын-қысқа,кеңістік бағдарлама бөлімдерін бекіту. Балаларды еңбек сүйгіштікке, талапшылдыққа, шапшаңдыққа тәрбиелеу.

Бүгін бізде ерекше оқу қызметі. Оқу қызметімізді бастамас бұрын, қонақтармен амандасып алайық.

Сәлеметсіз бе?

Жарайсыңдар, қане шаттық шеңберіне тұрайық(шаттық шеңбері) орнымызға жайғасайық.

Балалар біз жыл мезгілдері туралы не білеміз?

Бір жылда қанша жыл мезгілі бар екен?

Қазір жылдың қай мезгілі?

Балалардың жауабы: 4 мезгіл Қыс, көктем, жаз, күз.

Құстар жылы жақтан ұшып келеді,ағаштар бүршік жарады.

Жарайсыңдар балалар!

Таңғажайып сәт:(Әуенмен мысық келеді. Мұңайып, жабырқап көңілсіз тұрады)

Мысық: Сәлеметсіздерме балалар

Балалар бұл құйрығы шолақ, қай ертегіні естеріңе түсіріп тұр?Мысық қай ертегіде құйрығынан айрылып қалған еді?

Мақта қыз бен мысық ертегісінде

Дұрыс айтасыңдар!

Мысық неге көңілсізсің?

Мысық: Мен Мақта қыздың қатығын төгіп едім, ол менің құйрығымды кесіп алды. Енді құйрығыңды алғың келсе қатығымды қайтар дейді, маған көмектесесіңдерме?

Мияу, Мияу, Мияу

Балалар мысыққа көмектесеміз бе?

Жарайды ендеше бар күшімізді салып, алған білімдеріміздің көмегімен тапсырмаларды орындап көрейік.

Тапсырмаларды орындамас бұрын, ертегіні есімізге түсіріп алайықшы.

Мысық кімнің қатығын төгіп жібереді?

Балалар ертегі бойынша мысық кімнен көмек сұрайды?

Сиырға барады

Ағашқа барады

Қыздарға барады

Дүкеншіге барады

Тауыққа барады

Тышқанға барады

Сиырдың тапсырмасы:

Менен басқа қандай төрт түлік малдарды білесіңдер?

Балалардың жауабы: түйе, жылқы, кой, ешкі.

Балалар осы төрт түлік малдың бізге қандай пайдасы тиеді?

Балалардың жауабы: ет, сүт, құрт

Жарайсыңдар балалар сендер сұраққа дұрыс жауап бердіңдер.

Балалар суретке назар аударайықшы, суретте не бейнеленген?

Дұрыс айтасыңдар, ал ендеше ағаштың бізге дайындаған тапсырмасы бар екен.

Ағаштың тапсырмасы:

- Жемістермен көкөністерді ажыратыңдар?

Жарайсыңдар балалар, барлығын дұрыс орналастырып шықтыңдар, біз жеміспен көкөністі ажырата алады екенбіз.

Су беретін қыздардың тапсырмасы:

Қыздар бізбен бірге бойларыңды сергітіп, демалыңдар дейді.

Сергіту сәті:

Тербеледі ағаштар

Алдымыздан жел еседі

Кіп кішкентай ағаштар

Үп – үлкен болып өседі.

Ал, жарайсыңдар бойымызды сергітіп алдық.