Мақта қыз ертегісі бойынша ашық сабақ

Пәні: Математика. Тақырыбы: 1-10 дейінгі сандарды қайталау. Мақсаты: Білімділік: 10 көлеміндегі сандық есептеу дағдысын

дамыту, сандарды тура кері санауға, сандар көршісін атауды үйрету. Геометриялық пішіндер туралы білімдерін кеңейту. Дамытушылық: Балалардың білімін дамытушы ойындар

арқылы әртүрлі тапсырмаларды орындай отырып салыстыру, санау, топтау дағдыларын дамыту. Санамақ айту арқылы сөздік қорларын молайту, ой- өрісін дамыту. Тәрбиелік: Балаларды тапқырлыққа, ізденімпаздыққа

тәрбиелеу. Әдіс- тәсілдер: Шаттық шеңбері, сұрақ жауап, әңгімелеу,

көрсету, санамақ, дамытушы ойындар, СТО технологиясының стратегияларын пайдалану. Көрнекілік: Слайд шоу, есептер жазылған плакат, сан

текшелері, тостаған.

Сабақ барысы:

I. Ұйымдастыру кезеңі. - Сәлеметсіңдер ме, балалар! - Қане бәріміз шеңберге тұрайықшы. Бәріміз бірге тақпақ

айтайық. Біздің топта ұл қыздар, Тату тәтті ойнайды. Әлемдегі балаларға, Тек жақсылық ойлайды. - Балалар, менің қолымдағы не? (тостаған ) - Дұрыс айтасыңдар, бұл тостаған екен.Тостағанды ағаштан

жасайды. Қараңдаршы, қандай әдемі! Бұл жәй тостаған емес, мейрімді тостаған екен. Енді осы тостағанның ішіне қарап бәріміз мейрімді сөздерімізді, жылы тәлектерімізді айтайық, сонда тостағанның іші мейрімге тола түседі. ( Тостағанға қарап) - Балалар, аспандарың ашық болсын, ешқашан ауырмаңдар! ( тәрбиеші тостағанды балаларға береді) 1- бала: мейрімді болайық» 2- бала: баққытты болайық! 3- бала: дос болайық! т.с.с.

- Мына тостағанның салмағы ауырлай түсіпті, өйткені бұның

іші мейрімге толып тұр. Бұл тостаған қатыгез адамдарды мейрімді етуге көмектеседі. - Жақсы балалар, орындарыңа отырыңдар.

- Балалар, «Мақта қыз бен мысық» ертегісін білеміз бе? - Қане, есімізге түсіріп көрейікші? (слайд бойынша ертегіні еске түсіру) Мысыққа тапсырмаларды орындауға көмектесу. -Балалар, мысыққа көмектесеміз бе? 1- тапсырма: 1-10 дейін санау.

I- топ: тура санау. II- топ: кері санау.

2- тапсырма: Санамақ айту.

Санамақ . Бір дегенім білім, Екі дегенім еңбек, Үш дегенім үміт, Төрт дегенім талап, Бес дегенім бақыт, Алты дегенім арман, Жеті дегенім жігер, Сегіз дегенім сенім, Тоғыз дегенім талғам, Он дегенім ОТАН.

3-тапсырма: есептерді шығару:

I-топ: 1+1= 2-1= 3+3=

II-топ: 3+4= 10-5= 4-3=

Сергіту сәті.

Жалғыз саусақ тіпті де, Ұстай алмас жіпті де. Екі саусақ бірікті, Ине қолға ілікті. Үш саусағым орамды, Жүгіртеді қаламды. Өнерлі екен он саусақ, Қала салсақ, жол салсақ.

4-тапсырма: Сөз есептерді шығару. I-топ: Үш аламаны бақтағы, Кірпі алып жинады. Ең әдемң тәттісін, Ақ қоянға сыйлады.

Кірпіде неше алма қалды?

II-топ: Үш құс ұшып барады. Биіктен төмен қарады. Қанат нешеу, бас нешеу? Жауабын кім табады?

5-тапсырма: Сандардың көршсін тап.

I-топ: 5, 8

II-топ: 2, 7

6-тапсырма: пішіндердің атауын ата жіне неге ұқсайды?

Ұшбұрыш, шаршы, дөңгелек, сопақша.

-Жақсы балалар, біз ертегі кейіпкерлерінің тапсырмаларын

толық орындап шықтық. ( ертегіні аяқтау)

IV. Рефлекция.