Мақтаралым – мақтанышым тәрбие сағатының жоспары

Тәрбие сағатының тақырыбы: «Мақтаралым – мақтанышым».

Тәрбие сағатының мақсаты: Оқушыларды Мырзашөл өңірінің тарихымен таныстыру .Ауданымызды, ауылымызды жақыннан танып білуге, оны қадірлеп, сүюге тәрбиелеу. Туған жерге деген сүйіспеншілігін арттыру.Халқымыздың өдет-ғұрпын, салт-дәстүрін сақтап әрі қарай жалғастыру.

Тәрбие сағатының көрнекіліктері: Мемлекеттік Тудың, Мемлекеттік Елтаңбаның суреттері, Қ.Р. картасы, Мақтарал ауданының көрнекті орындарының суреттері, буклеттер, мақал-мәтелдер, Отан, туған жер туралы қанатты сөздер.

Тәрбие сағатының барысы:

Әнұран.

Сабақты сөзжұмбақты шешумен бастаймыз.

1. Аспай піскен, қайнамай түскен.

2. Сыт-сырт соғады, уақыт озады.

3. Бауыздасаң су ағар.

4. Қабат-қабат қаттама,

Ақылың болса, аттама.

5. Табаныма байладым,

Қос таяқпен айдадым.

6. Іші жұмсақ, сырты қатты,

Еті жұмсақ, сүті тәтті.

7. Алма дерсің, түсіне қарап,

Жүгері дерсің, ішіне қарап.

Татсаң, тәтті,

Бал шәрбатты.

8. Ақ сандығым ашылды,

Ішінен жібек шашылды.

Ал, жұмбақтың ішінен қандай сөз байқадыңдар?

Картамен жұмыс жасау.

Мырзашөл өңірі — өз Отанының не екенін білдіретін, қазақтың ішіндегі бірден — бір өлке. Жұртқа паш етер де осы Оңтүстік өлкесі, оның ішінде Мақтарал.

Н.Ә.Назарбаев

Қауашағын қақ жарған,

Ақ мақтасы ақ маржан.

Алмасы бар ақықтай,

Жүзімі бар жақұттай,

Түні салқын, күні ыстық,

Қаларсың досым ұнатып,

Мақтасы, бидай, дәні бар.

Мақтаралда тұратын

Халықтың шіркін бағы бар – деп, мақтан етерліктей, Қазақстанның Оңтүстіктегі шеткі нүктесі болып тұрған Мақтаралымыз осы жылы 90 жасқа келіп жетті. Қазақтың қазақ екендігін, оның қонақжайлығын, салт-дәстүрін, әдет-ғұрпын өзге елге паш етер бірден бір өлке – Мақтарал.

Тарихқа үңілсек, бұрынырақ бұл жерлер қабағын түйіп, ғасырлар бойы қарысып жатқан шөл дала болған. Сондықтан да оны

«Мырзашөл» деп атаған. Кейін келе аға ұрпақ өкілдері иен даланы иітті. Еңбекқор халқы бар Мақтарал алғаш 1928 жылы 17- қаңтарда Иіржар ауданы болып шаңырақ көтерді. Сол жылы 3-қыркүйекте бұл заң бекітілді және Мақтаралдың құрылған күні деп есептеледі.

Бейнебаян.

Көрініс: Мақта – байлығымыз.

Көрініс соңында,«Сөз сізде» бағдарламасынан журналистер Мақтарал ауданындағы «Асыл мұра» мектебіне қонаққа келеді.

Мақтаралдың «Жетісай» қаласы, «Мырзакент»кенті, «Атакент» кентінің тарихымен көрініске қатысқан ақ сақалды атамыз таныстырады.

Мақтарал ауданы Оңтүстік Қазақстан облысының Оңтүстік батыс аумағында орналасқан және территориалық аймақ бойынша Шардара, Сарыағаш аудандарымен және Өзбекстан Республикасымен шектеседі.

Мақтарал ауданы табиғи-шаруашылық бағыты бойынша суармалы егістігі дамыған дала аймағына жатады.

Климаты

Мақтарал ауданының климаты континенттік, қысы жұмсақ, жазы ыстық, қуаң. Мақтарал ауданы арқылы ірі Сырдария өзені ағып өтеді.

Мал шаруашылығынан ет-сүт және жұмыртқа өндіру қолға алынған. Халқымызды азық-түлікпен толық қамтамасыз ету, бірінші кезекте мал шаруашылығы азығының негізі болып табылатын табиғи жайылымдарды тиімді пайдалану ауыл шаруашылығын одан әрі дамытуға басты бағдар болып табылады.

1971 жылы 11 мамырда Қазақ КРС Жоғарғы кеңесінің жарлығымен Жетісай, Киров, Мақтарал аудандары Оңтүстік Қазақстан обылысының құрамына қайтарылып берілді. Бірақ, 10 шаруашылық Өзбекстанда қалып кетті.

Жетісай қаласы тұрғындары қаланы таныстыруда

Жетісай қаласының жалпы жер көлемі 1224 гектарды құрайды. Осы жер учаскелерінің ішінде ауыл шаруашылығы мақсатына арналған жер жоқ. Елді мекен жері 350 гектар және жеке меншік үйлер 149 гектар, мекеме, өндіріс, кәсіпкерлер жері 81 гектар, ортақ пайдаланудағы…