Маша мен аю жаңа жыл кешінің балабақша сценарийі

Маша мен аю жаңа жыл кешінде

Жүргізуші:

Қош келдіңіз бүгінгі мерекеге,

Жаңа табыс тілейікші ісімізге.

Келе жатқан Жаңа жыл құт әкелсін.

Мына отырған барша жан бәрімізге

Құрметті ата – аналар, қонақтар және әріптестер Жаңа жылдарыңыз құтты болсын! Енді мерекеге келген балдырған бөбектерімізді қошеметтеп қарсы алайық.

( «Жаңа жыл» әніне балалар билеп залға келіп орындарына отырады)

Жүргізуші:

Енді балақайларымыздың жаңа жыл мерекесіне арнап жаттаған тақпақтарын тарту етеміз қабыл алыңыздар.

Жаңа жылдық тақпақтар:

Жүргізуші: Балалар, Жаңа жылда әр түрлі ғажайыптар болатынына сенесіңдер ме? Мүмкін бізде сол ғажайып ертегі әлеміне тап боламыз. Ендеше, қане бәріміз көзімізді жұмайық.

Барлығы көздерін жұмады.Си қырлы әуен ойнайды.

(Осы кезде музыка әуенімен саз залына қолында шыршасы бар аю келіп кіреді).

Аю: Жаңа жыл болса келіп қалды, міне мен шыршаны үйге алып келдім. Ал, енді безендіріп, ойыншықтар іліп, әдемілеуім керек – деп шыршаны үстелдің үстіне қойып, қораптың ішінен ойыншықтарды алып безендіре бастайды.

Осы кезде алыстан Машаның дауысы естіліп сырт жақтан қар лақтырады.

Маша: Аю, а – а – а- ю, аю сен қайдасың?

(Осы кезде Аю басын ұстап, жан – жағына қарап, қорапты қойнына қыстырып алып, тығылып залдан шығып бара жатқанда бір ойыншықты түсіріп алады).

Залға көңілді әуенмен Маша келеді.

Маша: Жан – жағына қарап: Сен қайда тығылып қалдың аю? Тығылмақ ойынын біз кеше ойнап едік қой. Тез бері шықшы – деп шыршаға көзі түседі. О, шырша, шырша! – деп айналаға қарап, жерде жатқан ойыншықты байқайды. Ой, ой, ой, бұл недеген сұмдық? Шыршаға әлі ойыншықтар ілінбеген де, безендірілмеген де. Аю Жаңа жылды қалай қарсы аламақшы? Бұл олқылықтың орнын толтыруымыз керек, -деп жерден ойыншықты алып шыршаның жоғарғы жағына ілмек болады. Бірақ бойы жетпейді де әндете шыршаны айналып жүреді.

Шырша тауда то- топ,

Шырша тауда ... (тоқтап қалып, ойланып) ол орманда не істеуі мүмкін? Ұйықтаған болар? Жоқ, жоқ олай ойламаймын. Жооо-қ мүлде олай емес. Таптым, мүмкін өскен шығар. Иә, дәл солай.

Шырша тауда топ - топ,

Шырша тауда өсіпті.

Енді бізге қонаққа

На на на келіпті (тағыда ойланып) ол бізге қандай болып келеді? М – м түсінбеймін. Қалай келеді? Иә, жасыл болып келеді ғой. Қолындағы ойыншығына қарап:Мына ойыншық шыршаға ілінгісі келмейді. Ештеңе етпейді. Осы уақытқа дейін мына менен ешкім құтылып көрген жоқ, - деп орындықтың үстіне шығып шыршаға ойыншықты іле бергенде шырша құлайды.

Ой, ой, мен не істедім? Шырша, шыршаны құлатып алдым, - деп шошып кетеді.

Осы кезде сырт жақтан басын ұстап аю жүгіріп келеді.

Аю: Маша сен не істедің? Бәрін құрттың ғой. Ал енді біз шыршасыз жаңа жылды қалай қарсы аламыз?

Маша: Кешірші мені Аю, кешірші! Жүр, орманға барып, жаңа шырша кесіп алып келейік.

Аю: Бұның қалай Маша. Ағаштарды кесуге болмайтынын білесің ғой? Біріншіден орманда менің үйім. Ал, шыршалар қайда өсетінін білесің бе?

Маша: Ал, шыршалар қайда өседі?

Аю: Орманда өседі. Сондықтан да біз шыршаны орманнан кесіп әкеле алмаймыз.

Маша: Ал, енді біз не істейміз?

Аю: Біз жаңа жылға дайын емеспіз. Шыршамыз да жоқ. Сондықтан да Жаңа жылды балабақшада қарсы алатын боламыз.

Маша: Жарайды, жарайды аю сенің айтқаның болсын, - деп қол соғып, секіріп, екеуі шығып кетеді.

Қайтадан залға бір - бірін қармен атып, ойнап Маша мен Аю келіп кіреді де, жан – жақтарына қарап, тоқтап қалады.

Маша: Аю, аю біз екеуіміз қайда келдік?

Аю: Маша біз балабақшаға келдік.

Маша: Айналамыз сондай әдемі безендірілген екен.

Аю: Иә, Маша дұрыс айтасың өте әдемі екен. Маша мында қарашы, балалар отыр екен. Олар жаңа жыл мерекесіне сай әдемі киініп, дайындалып келіпті. Қане, балалармен амандасайық.

Бірге: Сәлеметсіңдер ме балалар, ұлдар мен қыздар. Өздеріңді көріп қуанып тұрмыз.

Жүргізуші: Қане, келген қонақтар мен амандасайық.

Маша: Біз сендерді жаңа жыл мерекесімен құттықтаймыз.

Жүргізуші: Балалар, сендер бұл кай мульфильмнің ертегі кейіпкерлері екенін таныдыңдар ма?

Балалар: Маша мен аю.

Жүргізуші: Балалар, дұрыс айтасыңдар. Ендеше Маша мен аю бізбен бірге мерекені қарсы алатын болады. Қош келдіңдер! Төрлетіңдер! Сендермен ортамыз толсын!

Маша: Аю қарашы мына жерде көптеген орман аңдары отырған сияқты.

Аю: Иә, Маша дұрыс айтасың. Менің достарым да отыр екен. Қазір жаңа жылдық көңіл – күй сыйлап тамаша биден шашу шашамыз. Қане, олай болса қол соғып қошеметтеп отырыңыздар!

Би: «Көңілді аңдар»

Жүргізуші: Ой, бәрекелді тамаша би биледіңдер. Жарайсыңдар аюлар! Аю Маша сендер аяз атаны көрген жоқсыңдар ма?

Маша мен аю: Жоқ көрген жоқпыз, - деп алдайды.

Жүргізуші: Балалар, аяз ата да кешігіп жатыр. Қане, ол адаспай ортамызға келсін десек дауыстап шақырайық.

Барлығы: Аяз ата келші, Аяз ата келші, - деп шақырады.

Маша: Балалар, Аяз ата келмейді, - деп аюдың артына тығылады.

Жүргізуші: Неге келмейді?

Маша: Мен Аяз атаға жолдама алып беріп, саяхаттауға демалысқа ыстық елге жіберген едім. Енді қай елге жібергенімді ұмытып қалдым. Сондықтан да Жаңа жылды Аяз атасыз қарсы аламыз.

Аю: Маша жаңа жылды қалай Аяз атасыз қарсы аламыз. Ол мүмкін емес. Сен уайымдама менде сиқырлы қоңырау бар. Ол бізге қазір көмектеседі.

Осы кезде жүргізушінің ұялы телефоны шырылдайды.

Жүргізуші: Алло, алло!

Аяз ата: Алло, алло. Жақсы естіліп тұр ма? Мен ғой Аяз аталарың. Маша мені жолдамамен демалуға Тайлант еліне жіберген еді. Бұл жақта ыстық және табиғаты әдемі екен. Бұл жақта жүріп мен Қазақстанада қыс екенін, жақында Жаңа жыл мерекесі екенін ұмытып кетіппін. Мен елге қайтуға дайындалып, жиналып жатырмыз. Күтіңдер жақын араларыңда боламын.

Жүргізуші: Тезірек келіңіз. Біз сізді балабақшамызда күтеміз, кездескенше деп , - ұялы телефонын сөндірді.

Аю: Көрдің бе Маша қоңыраудың сиқырын- деп қоңырауды соғады.

Осы кезде бұғыға жегілген ат шанамен музыка әуенімен залға Аяз ата келеді.

Аяз ата келеді:

Армысыңдар, қарақтарым, (түшкіреді)

Бармысыздар, қонақтарым!?

Жаңа жылды алып келдім, (жөтеледі)

Ақ шырақты жағып келдім.

Сендерге мына балаларым,

Тәтті сыйлықтар алып келдім. ( жөтеледі)

Жүргізуші: Аяз ата өзіңізді көріп қуанып тұрмыз. Ортамыз сізбенен толсын! Қош келдіңіз ата! Аяз ата сізге не болды? Ауырып қалғансыз ба?

Аяз ата: Мен де өздеріңді көріп қуанып тұрмын. Үлкен болып, өсіп қалыпсыңдар. Былтыр келгенімді кіп – кішкентай едіңдер, - деп тағы жөтеледі. Иә, сәл тамағым ауырып тұр. Ештеңе етпейді.

Маша: Қалай қорықпайсыз? Неге емделмейсіз? Мұныңыз қалай Аяз ата сіз ауырып тұрсыз ғой, денсаулығыңыз болмай тұр. Сіз жаңа жылды қалай қарсы алмақсыз. Бұлай болмайды, - деп Маша сыртқа қарай жүгіріп шығып кетеді де, басында қалпақ, үстіне халат киіп, қолына медициналық қобдиша ұстап келіп кіреді. Қазір, қазір, емделеміз - деп қобдишаны ашып ішінен үлкен шприц алып шығады. Аю, аю тез орындықты әперіп жіберші, - деп қолын беліне қойып, бір жақ аяғын еденге тарсылдатып, аюға қарайды.

Аю қорқып орындықты алып келеді.

Маша: Отырыңыз Аяз ата.

Аяз ата: Мен қатты ауырып тұрған жоқпын.

Маша: Сөйлемеңіз. Отыр дедім отырыңыз. Бұл дауысыңызға өте зиян, - деп қобдишаның ішінен ыстық өлшейтін градусник алып шығып, терең тыныстап, Аяз атаның қолтығына градусникті қояды. Кеудесін фанендоскоп пен демалыңыз, ал енді демалмаңыз, - деп тыңдайды. Бәрі -түсінікті. Сізге емделу керек.

Жүргізуші: Маша сен градусник қойып, Аяз атаны емдегенше. Балалар Аяз атаны сағынып жаттаған тақпақтарын айта берсін. Мүмкін балалар көңілін көтерсе жағдайы жақсарып қалар. Қане, балалар келіңдер, тақпақ айтып беріңдер!

Маша: Әрине көңілін көтеруге болады, бірақ тақпақты жақсылап айтыңдар. Аяз атаға уайымдауға болмайды.

Тақпақтар:

Жүргізуші:

Келді тағы жаңа жыл,

Қуантумен біздерді.

Құтты болсын қуаныш,

Құттықтаймыз сіздерді, - деп балаларыңыздың орындауындағы тамаша әнді тарту етеміз. Қабыл алыңыздар!

Ән: «Жаңа жыл мереке»

Осы кезде Маша Аяз атаға дәрі – дәрмектер беріп, басына сулы орамалды басып жүгіріп жүреді.

Аю: Аяз ата әлі аурыңқырап тұр ма?

Маша: Білмеймін аю, білмеймін. Құлағына сыбырлап: Менің ойымша Жаңа жыл болмайтын болды.

Аю: Қалай болмайтын болды? Ал балалар не істейді?

Маша: Сен қызықсың ғой аю. Аяз ата науқастанып отыр. Ал сен болсаң неге? не үшін? - деп түрлі сұрақтар қоясың. Жаңа жыл мерекесін жылы уақытқа мысалы жаз кезіне қарай қояйық.

Аю: Қалай жаз мезгіліне ауыстырасың? Маша біріншіден жазда Аяз атаға ыстық болады. Ол еріп кетеді. Ал екіншіден балалар жаңа жылды бүгін, қазір өткенін қалайды. Әйтпесе, балалар бізге ренжіп қалады. Қалай болса да Жаңа жылды бүгін, қазір бірдене қылып өткізуіміз керек.

Маша: (ойланып) Жарайды, солай – ақ болсын, - деп Аяз атаға, аюға қарап: Маған бір ой келді қазір, қазір деп жүгіріп залдан шығып кетеді.

Қайтадан залға жүгіріп келеді. Қолында Аяз атаның шапаны мен бөркі сияты киімдері бар.