Математика апталығының қорытынды талдауы

2016-2017 оқу жылындағы 13.03-18.03 2016 жұлдызы аралығында

«НАҚТЫ ҒЫЛЫМ ДҮНИЕ КІЛТІ БҮГІНДЕ...» тақырыбында өткен

МИФ бірлестігі апталығына қорытынды талдау.

2017 жылғы 13-18 наурыз аралығында біздің мектепте математика, информатика және физика пәндерінің апталығы өткізілді. Пәндер бойынша ұйымдастырылыған шаралардың негізгі мақсаты-оқушылардың функционалдық сауаттылығын арттыру.

13 наурыз күні апталықтың «Бүкіл әлем сөйлейді нақты ғылым тілінде» тақырыбында апталықтың ашылуы өтті. Бұл шарада қазіргі заманы талап еткендей заманауй, қазіргі өмірге керек мағлұматтармен таныстырылды және логикалық тапсырмалар орындалды.Тәжірибелі ұстаз Шаймагамбетова К.Е. және жас мұғалімдер Қазыбекова С.Қ.,Усманова Г.Ж. флешмобпен бастап, математика, информатика және физика пәндердің өмірмен тығыз байланысты екенін оқушыларға жеткізе білді.

9 ә класына "Тригонометриялық функциялардың қос бұрыштарының формулалары" тақырыбында сабақты деңгейлік бағдарлама бойынша математика пәні мұғалімі Мусина Алмажай өткізді. Сабақ қызықты өтті деуге болады. Мұғалімнің тақырыпты ашу барысында алған әдістері оқушылардың жас ерекшеліктеріне сай, әрі тақырыпты ашуға ыңғайлы болды. Соның ішінде, оқушылардың зейінін анықтау үшін алған "Көшіріп ал..." әдісі нәтижелі болды деуге болады.

9 б класында "Тригонометриялық функциялардың қос бұрыштарының формулалары" тақырыбында өткізген Қалиұлы Бақыттың сабағы өздігімен ерекше болды. Мұғалімнің алған әдістері тақырыпты тиімді әдістермен түсіне алуға көп мүмкіндік берді. Оқушылар сабаққа белсене қатысты.

Апталықтың екінші күні 7-8 кластар арасында информатика пәні мұғалімі Усманова Г.Ж. және математика пәні мұғалімі Қазыбекова С.Қ. «Ой мен ойын» ойынын өткізді. Ойын өте тартымды болды. Қатысушы оқушыларда, көрермен оқушыларда белсене қатысып, ойын ережесін дұрыс қолдана алды. Ойын барысындағы тапсырмалар қызықты болды. Ең қуантқаны оқушылардың физика және математика ғалымдарының тек есімдері емес, оларды суреттері бойынша және еңбектеріне байланысты тани алғаны. Бұл ойын оқушылардың математика пәніне деген қызығушылығын арттыра алды.

Шаймагамбетова Клара 6 ә класына "Осьтік симметрия" тақырыбында сабақ берді. Мұғалім сабақты жоспарлау барысында тақырыпты өмірмен байланыстырып, оқушыларды функционалды сауаттылығын арттуға байланысты көптеген тапсырмалар орындатты. Оқушылардың сабаққа белсене қатысуы және ұйымшылдығы тақырыпты тез әрі дұрыс түсінуіне мүмкіндік берді.