Математика еліне саяхат, бастауыш сыныпқа ашық сабақ

Сабақтың тақырыбы: Мысалдар шығарамынСабақтың мақсаты: Заттарды санау, салыстыру, логикалық ойлау қабілеттерін арттыру. Шапшаңдыққа, ептілікке, тапқырлыққа тәрбиелеу.Түрі: сайысКөрнекілігі: фигуралар, интерактивті тақта, кеспе карточкалар, суреттер Сабақтың барысы:

Психологиялық дайындықБір, екі, үш

Сынып іші тып-тыныш

Жалқаулықты тастаймыз,

Сабақты біз бастаймыз.

Балалар бүгінгі сабағымызға қонақтар қатысып отыр. Математикадан білімдерімізді көрсетейік. Ендеше қазір біз әр түрлі, қызықты тапсырмалар орындаймыз. Алдымен фигуралар бойынша үш топқа бөлініп алайық: 1 топ: дөңгелек, 2 топ: үшбұрыш, 3 топ: төртбұрыш.

Фигуралар бойынша сұрақтар қою арқылы балалардан жауап алу.

- Неліктен бұл фигура үшбұрыш деп аталады?

- Ол неге ұқсайды?

- Үшбұрыш төртбұрыш болуы үшін тағы неше бұрыш қосуымыз керек деп ойлайсыңдар?

- Неліктен бұл фигура төртбұрыш деп аталады?

- Ол қандай заттарға ұқсайды?

- Ал, мына фигура қалай аталады? Неліктен оны дөңгелек деп атаймыз?

- Қандай заттарды дөңгелекке ұқсатуға болады?

- Жарайсыңдар, балалар!

Үстел үстіндегі фигуралар бойынша балаларды топтастыру.

Қане, балалар енді осы пішіндерді бірлесіп жасап көріңдерші (балалар бір-бірінің қолынан ұстап, фигураларды жасап көрсетеді).

Балалар, қазір қандай мезгіл?

Дұрыс айтасыңдар, қазір көктем мезгілі.

Көктемнің қандай алғашқы гүлдерін білесіңдер? (қызғалдақ, сары қызғалдақ, жауқазын, бәйшешек)

Жарайсыңдар! Ендеше тобымыздың аты да осы көктемнің алғашқы гүлдерімен аталсын (1- қызғалдақ, 2-бақбақ, 3-бәйшешек).

Балалар мен әр топтың алдына гүлдер үлестірдім. Бұл гүлдерді қазір сайыс барысында дұрыс жауап берсеңдер,мына гүлдердің қалташасына жинау арқылы, өз топтарыңды бағалайсыңдар (әр тапсырмаға бір гүлден).

Ендеше сендерге сәттілік тілей отыра, сайысымызды бастайық.

Сайыс бес кезеңнен тұрады. Сайысымыздың кезеңдерімен таныс болсақ:1. Кім шапшаң?2. Ойлан тап!3. Логикалық есептер4. Келіңдер, есептейік5. Кім жылдам?1. Кім шапшаң?0-ден 10-ға дейінгі сандар шашылып жатады. Сандарды рет – ретімен, қай саннан кейін қай сан тұратының қарап, жазып шығу.( 0, 1, 2, 3, 4, 5, 6, 7,8,9,10)2. Ойлан тап!Есептің дұрыс жауабын тауып, сызық арқылы қосу.

3. Логикалық есептер.

1. Айгүлде үш мысық,

Ернұрда екі мысық

Қосқанда барлығын

Болады неше мысық? (3+2=5)