Математика пәнінен сабақ жоспары, 5-сынып материалы

«Математика» пәнінен тоқсандық жиынтық бағалаудың спецификациясы

5-сынып

Мазмұны

1. Тоқсандық жиынтық бағалаудың мақсаты ........................................................................................... 3

2. Тоқсандық жиынтық бағалаудың мазмұнын анықтайтын құжаттар ................................................. 3

3. «Математика» пәні бойынша күтілетін нәтижелер.............................................................................. 3

4. «Математика» пәні бойынша ойлау дағдыларының деңгейлері ........................................................ 4

5. Ойлау дағдыларының деңгейіне байланысты тексерілетін мақсаттарды тоқсандар бойынша бөлу5

6. Жиынтық бағалауды өткізу ережесі ...................................................................................................... 6

7. Модерация және балл қою .................................................................................................................... 6

1-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ ...................................... 7

2-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ .................................... 11

3-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ .................................... 15

4-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ .................................... 20

1. Тоқсандық жиынтық бағалаудың мақсаты

Тоқсандық жиынтық бағалау оқу бағдарламасы мен оқу жоспарының мазмұнына сәйкес, оқушылардың тоқсан барысында меңгерген білім, білік және дағдыларды анықтауға бағытталған.

Тоқсандық жиынтық бағалау оқу жоспарындағы тоқсан ішінде меңгеруге тиісті оқу мақсаттарына жету деңгейін тексереді.

2. Тоқсандық жиынтық бағалаудың мазмұнын анықтайтын құжаттар

Негізгі орта білім беру деңгейінің 5-6-сыныптарына арналған «Математика» пәнінен жаңартылған мазмұндағы үлгілік оқу бағдарламасы

3. «Математика» пәні бойынша күтілетін нәтижелер

Білу: - қарапайым математиканың, статистиканың негізгі ұғымдарын; - алгебралық теңдеулерді шешу тәсілдерін; - сандар жіктемесін; - сандарға есептеу амалдарын қолдануды; - жазық фигуралардың негізгі түрлерінің қасиеттерін және белгілерін білу.

Түсіну: - түрлі қолданбалы есептерді шешуде математикалық модельдерді пайдаланудың маңыздылығын;

- математиканың академиялық тілін; - сандық және сапалық талдау жүргізудегі статистикалық деректерді графикалық түрде берудің рөлін түсіну.

Қолдану: - практикалық есептерді шешуде математикалық білімін; - математикалық есептерді шешу алгоритмдерін; - теріс емес рационал сандарға есептеу амалдарын; - геометриялық есептерді шешуде жазық фигуралардың қасиеттерін қолдану.

Талдау: - заңдылықтарды талдау және олардың негізінде математикалық модельдер құрастыру;

- математикалық модельдер құрастыру үшін мәтін есептердің шарттарын; - статистикалық деректердің берілуінің түрлі нысандарын пайдаланып, статистикалық деректерді;

- график, диаграмма және әртүрлі сызбалар түрінде ұсынылған деректерді және олардың нәтижелерін талдау.

Жинақтау: - математикалық есептерді шешудің алгоритмдерін жинақтау; - статистикалық деректерді өңдеу және талдау нәтижелері бойынша қорытындыларды жасау.

Бағалау: - есептің мәтініне қатысты есептеулер нәтижесін бағалау.

4. «Математика» пәні бойынша ойлау дағдыларының деңгейлері

Ойлау дағдыларының деңгейі

Сипаттама Тапсырмалар түрлері

Білу және түсіну Білу: - жұп және тақ сандардың; бөлгіштің, еселіктің, жай және құрама сандардың; санның дәрежесінің; жай бөлшектің, дұрыс және бұрыс бөлшектердің, аралас сандардың, өзара кері сандардың; ондық бөлшектің; жиындардың бірігуі және қиылысуының анықтамаларын білу; - процент, бұрыш және оның градустық өлшемі, көпбұрыш, шеңбер және дөңгелек, дөңгелек сектор түсініктерін білу; - түрлі ұзындық бірліктерін білу; - бұрыштар түрлерін білу.

Түсіну: - натурал сандардың жиыны, жиын және ішкі жиын, тікбұрышты параллелипипед және куб жазбасының түсініктерін түсіну; - координаталық сәуледегі бірлік кесіндіні түсіну; - жай бөлшектерді ортақ бөлімге келтіру қажеттілігін түсіну; - ондық бөлшек түрінде жазылған сандардың теңдігін түсіну; - санның жуық мәнін түсіну; - берілген санның пайызын және берілген пайызы бойынша санды табу ережелерін түсіну; - бұрыштың градустық өлшемін түсіну; - деректерді көрсету тәсілі ретінде диаграммаларды түсіну.

Деңгейді тексеру үшін Көп таңдауды бар (КТЖ) тапсырмаларды және/немесе Қысқа жауапты (ҚЖ) қажет ететін тапсырмаларды пайдалану ұсынылады

Қолдану Қолдану: - натурал сандарды қосу және көбейту қасиеттерін қолдану; - арифметикалық амалдардың белгісіз компоненттерін табу ережелерін қолдану; - санның бөлігін табу және бөлігі бойынша санды табу; берілген санның пайызын және берілген пайызы бойынша санды табу ережелерін қолдану; - есептерді шешу үшін әріпті өрнектерді қолдану; - дөңгелек, сызықтық және бағанды диаграммаларды салу ережелерін қолдану; - натурал сандардың бөлінгіштік белгілерін қолдану; - бөлшектің негізгі қасиетін қолдану;

Деңгейді тексеру үшін Қысқа жауапты (ҚЖ) қажет ететін тапсырмаларды және/немесе толық жауапты (ТЖ) қажет ететін тапсырмаларды пайдалану ұсынылады

- жай бөлшек пен ондық бөлшектерге амалдар қолдану; - ондық бөлшекті берілген разрядқа дейін дөңгелектеу ережелерін қолдану; - жиындарға амалдар қолдану; - Эйлер-Венн диаграммаларын қолдану. Жоғары деңгей дағдылары

Өрнек құру үшін есептің шартын; натурал сандар қосындысының және көбейтіндісінің бөлінгіштігін; сандық өрнектің мәнін табу үшін амалдар ретін; кестелер және диаграммалар түрінде берілген статистикалық деректерді; фигура жазбасын салу әдісін талдау.

Заңдылықтарды анықтау және құру.

Есеп шартына байланысты құрылған математикалық модельдерді интерпреациялау.

Алынған нәтижелерді бағалау және ақиқаттығын анықтау.

Деңгейді тексеру үшін Қысқа жауапты (ҚЖ) қажет ететін тапсырмаларды және/немесе Толық жауапты (ТЖ) қажет ететін тапсырмаларды пайдалану ұсынылады

5. Ойлау дағдыларының деңгейіне байланысты тексерілетін мақсаттарды тоқсандар бойынша бөлу

Тоқсан Білу және түсіну Қолдану Жоғары деңгей

дағдылары I 25% 55% 20% II 15% 85% 0% III 30% 40% 30% IV 45% 45% 10% Барлығы 30% 55% 15%