Математика патшалығы тақырыбындағы ашық сабақ балабақшаға

Мақсаты: Балаларға реттік санау қабілетін ұштау. Таңертең, түн- тәулік бөліктерімен таныстыруды жалғастыру; заттар жиынтығын салыстыруды, бір зат қайда,көп зат қайда тұрғанын ажыратуды үйретуді жалғастыру,заттарды көлеміне қарай сәйкестендіру қабілетін пысықтау.Балалардың зейіні мен логикалық ойлау қабілетін дамыту.

Қажетті құрал жабдықтар мен көрнекіліктер: таңертең, түн мезгілі бейнеленген суреттер;үлкен- кіші заттар бейнеленген сурет,слайд.

Оқу іс- әрекет барысы:

Шаттық шеңбері:

Арайлап таң атты,

Алтын сәуле таратты.

Жарқырайды қаламыз

Жарқырайды даламыз,

Қайырлы таң қонақтар!

Қайырлы таң балалар!

Сәлеметсіздер ме!

Тәрбиеші:Балалар қазір жылдың қай мезгілі?

-Қыс мезгілінде неше ай бар?

-Бір аптада неше күн бар?

-Жарайсыңдар балалар бүгінгі оқу іс-әрекетіміз «Математика патшалығы» деп аталады.

-Ерте,ерте ертеде математика атты патшалықта Медина атты ханша өмір сүріпті.Әдемі сарайда іші пысқан ол бірде былай деп армандапты.

Ханша:Ох шіркін Мына әсем сарайда менің көп достарым болса ғой.Мен олармен өлең тақпақ айтып, жұмбақ шешіп бірге ойнар едім.

Бастаушы.Осы кезде сарай алдына бойы сорайып,мойны қылқиып 1 саны келіп есік қағады.

1-саны: Тук тук.кім бар екен бұл сарайда? Рұқсат болса мынау әсем сарайға кіріп тынығып алар едім.

Ханша: Бұл сарайда мен Медина ханша тұрамын.Ал сен кімсің?

1 саны:

Мені келсе білгің,

Мен таяқша бірлік.

Барлық санға жол бастап

Ең басында тұрамын.

Ханша: Қош келдің «1» саны. Сен сарайға кіру үшін менің тапсырмамды орындауың керек. Тақтадағы суретке мұқият қарап бір-бірден тұрған заттарды атап,оларды қоршап сыз.(өзінің әкелген тапсырмасын ұсынады)

Сарай алдына басы салбырап, мойны иілген әбден шаршаған 2 саны келді.

2 саны: тук-тук Бұл әсем сарайда кім тұрады?

Ханша: Мен Медина ханша тұрамын. Ал сен кімсің?

2 саны.

1-ден кейін тұрамын,

1-ден кейін тұрағым

1-ді 1-ге қосқанда

Мен шығамын,шырағым.

Мен – «2»деген санмын

Ханша:Сарайға кіру үшін менің тапсырмам бар.Тақтадағы суретке қарап кірпіге көп алма қайда,бір алма қай жерде тұрғанын айтып берші.Меніңде балаларға тапсырмам бар .(тапсырмасын ұсынады)

Бастаушы: Осы кезде ілбіп басын,аяғын сүйретіп «3» саны келіп есік қағады.

-Тук тук Бұл әдемі сарайда кім тұрады?

Ханша:Мен Медина ханша. Ал сен өзің кімсің?

3 саны:

2-ден соң әрқашан

3 саны мен тұрамын.

Байқап қарап түріме

Екі айшықтан құралды.

Мен-3 деген санмын.

Сарайыңа кіріп демалайыншы.Шаршадым.

Ханша: Сарайға кіру үшін бізге санамақ айтып көрші.(санамақ айтады, әкелген тапсырмасын ұсынады)