Математика сайысы екінші сыныпқа арналған ашық сабақ

Тақырыбы: «Математика – ғылымдардың патшасы» интеллектуалды сайыс

Мақсаты:

1. Білімділік: Оқушылардың ойлау қабілетін арттыру, ой-өрісін дамыту, жаңашылдық, ғылым мен техниканың жетістіктерін пайдалану. Оқушылардың ынтасын, зейінін арттыру, алған білімдерін тереңдету.

2. Дамытушылық: Оқушыларды оқығанын есте сақтай білуге, тиімді тәсілдерді тез таңдай білуге дағдыландыру. Ой-өрісін кеңейту, логикалық ойлау қаблеттерін дамыту, ұжымшылдық қаблеттерін дамыту.

3. Тәрбиелік: Өз бетімен жұмыс жасай білуге баулу, шапшаңдыққа, ізденімпаздыққа баулу. Сыйластыққа және ұйымшылдыққа, алдарына қойған мақсаттарына жетуге тәрбиелеу және жеке тұлға етіп қалыптастыру.

Көрнекілік: Ақпараттық технологияны қолданып, слайдтар арқылы арқылы өткізу. Сыныпты безендіріледі. Шарлар, қанатты сөздер.

Мұғалім: Құрметті ұстаздар, оқушылар бүгінгі біздің 2 сынып оқушыларының арасында математика пәні бойынша өтетін «Математика-ғылымдардың патшасы» атты сайысымызға қош келдіңіздер! Сайыстың негізгі мақсаты әртүрлі математикалық ойын тапсырмаларды орындау арқылы білімдерін одан әрі тереңдету. Логикалық ойлау қабілеттері мен жағдаяттан шығу дағдыларын дамыту, танымдық белсенділіктері мен пәнге деген қызығушылықтарын, жылдамдықтарын арттыру.

Өмірде ойлап тұрсаң бәрі де есеп,

Ауырсаң ішетұғын дәрі де есеп.

Есепсіз өмір сүрген мазмұнсыз-ау,

Дүниенің бар тұлғасы есеп десек.

Шын жүйрік шабысынан танылады

Нақты білім, терең ой сыналады.

Баға берер әділқазы ортамызда

Сіздерге құрметпенен қол соғылады.

Сайыстың жүру кезеңдерімен таныстырып өтейін.

1-кезең. “Бәйге” – Сұрақ – жауап.

2-кезең. “Жорға” – Математикалық жұмбақ есептер .

3-кезең. “Көкпар” сайысы

4-кезең-“Сиқырлы әріптер”

5-кезең «Кім жылдам?»

Мұғалім: Қарап тұрмай бәйгеге сіз еніңіз,

Есептердің нақ шешімін беріңіз.

Жүзден жүйрік, мыңнан тұлпар шығарар,

Бәйге, бәйге, бәйгелерді көріңіз,-дей келе біздің сайысымыздың алғашқы кезеңі – «Бәйге» кезеңін бастайық.Өз білімдеріңіз бен ақылдарыңызға сене отырып, сайысуға даяр болсаңыздар, сайысымызды бастайық. Сайысты бастар алдында оның өту тәртібімен таныстырып өтейік.

1-кезең. “Бәйге” – Сұрақ – жауап.Бұл кезеңде сұрақтар беріледі, 2 минут ішінде сол сұрақтарға жылдам жауап беру қажет. Әр сұрақтың дұрыс жауабы 1 ұпай .

1.Ең кіші үш таңбалы сан. (Жүз)

2.Қабырғаларының ұзындықтары бір-біріне тең тік төртбұрыш. (Шаршы )

3.4 ондықтан құралған сан. ( Қырық )

4.Сұйықтықтың өлшем бірлігі. ( литр)

5.Кеміту амалы. ( Азайту )

6.Екі нүкте арасын қосқанда қандай пішін шығады? (кесінді)

7.Жеңіс күні қашан тойланады ? (9 мамыр)

8.Ең үздік баға (5)

9.Бастауышта неше жыл оқисыңдар? (4)

10.1 ғасырда неше жыл бар? (100 жыл)

11.Сабақтың басталатын уақытын ата (13сағ 30 мин)

12.1м-де неше см бар? (100см)

13.Қосу амалының компоненттерін ата. (қосылғыш, қосылғыш, қосынды)

14. Жүзде неше нөл бар? (2)

15. Кез келген санға 1-ді қосқанда қандай сан шығады? ( содан кейінгі сан)

16.Үстелдің беті төрт бұрыш. Оның бір бұрышын кесіп тастағанда неше бұрыш қалады?( 5)

17. 1 см- де неше мм бар? (10 мм)

18. Санға нөлді қосқанда неше болады? ( сол санның өзі шығады?)

19.Ең үлкен екі таңбалы сан ( 99)

20.8 ондықтан құралған сан. (80 )

21.Ұзындық тың өлшем бірліктерін ата ( мм, см ,дм, м )

22.Дөңгелекті басқаша қалай атаймыз. (Шеңбер)

23. Бір нүктеден шыққан түзулер? (сәуле)

24.Тәуелсіздік күні қашан тойланады? (16 желтоқсан)

25. Ең нашар баға. (2)

26.Сабақтың ұзақтығы неше минут?( 40 мин)