Мейірім толы жүрегім тәрбие сағаты

Қ.Мұхамеджанов атындағы №1 мектеп - гимназия

Тәрбие сағаты

Тақырыбы:«Мейірім толы жүрегім»

Шаңырақ:«Болашақ»

Тақырыбы:«Мейірім толы жүрегім»

Мақсаты:Оқушыларды адамгершілікке, имандылыққа, шыншылдыққа, мейірімділікке тәрбиелеу. Оқушылар бойына рухани-адамгершілік қасиеттерді ұялату, жақсы-жаманды ажырата білуге, адамдық асыл қасиеттерді игеруге ықпал ету, бір-бірімен қарым-қатынастарын жақсарту.

Көрнекілігі: тақырып.жүрек макеті, нақыл сөздер, шарлар, көрме.

Барысы:

Ұйымдастыру кезеңі

Ой қозғау

Қонақтарды таныстыру, сөз беру

Ата – аналарға сөз беру

Әжелермен ойын

Қорытындылау

-Отбасы-мемлекеттің негізгі буыны. Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалы мен қалыптасады.«Дәулет есіктен, ақыл бесіктен кіреді» демекші білім бесігі мектептен, тәрбие бесігі отбасынан бастау алады. Отбасының екі тірегі-әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу-біздің борышымыз.

-Қош келдіңіздер құрметті қонақтар!Бүгінгі біздің тәрбие сағатымыздың тақырыбы «Мейірім толы жүрегім».

Әкем біреу, анам да біреу менің,

Мен жығылсам сүйенер тіреулерім.

Олар барда мереке, көрген емен

Қабақтарын шытқанын, түнергенін. – деп сіздердің балаларыңыз бүгін сіздерді ортамызға шақырып, ақыл – кеңестеріңізді тыңдап, құрметтемекші.

Жүз дейміз – ау!Сөз болып па со – дағы!Тек сол үшін жазбасе дім оданы.Қария ма?Қария олҚартаймасЖас жүрек пен дана бастың одағы – деп ақынымыз Қадыр аға жырлағандай ата –аналар, ата - әжелер мәңгі бақи біздің жүрегімізде жүреді. Біз оларды ұлғайған жасы үшін емес, көпті көрген басы үшін құрмет тұтуымыз қажет.

Ән «Қос бәйтерек» Нұрлан Қарақат

«Мейірімділік дегеніміз не?»

Мейірімділік қасиет адам бойына қалай және қайдан дариды?

Мейірімділікті қалай көрсетуге болады? Осы сұрақтарға жауап іздеместен бұрын Абай атамыздың 14 қара сөзіне тоқталайық.

Абайдың 14-ші қара сөзімен танысу:

Тірі адамның жүректен аяулы жері бола ма? Біздің қазақтың жүректі кісі дегені - батыр кісі дегені. Онан басқа жүректің қасиеттерін анықтап біле алмайды. Рақымдылық, мейірбандылық, әртүрлі істе адам баласын өз бауырым деп, езіне ойлағандай оларға да болса игі еді демек, бұлар - жүрек ісі. Асықтық та - жүректің ісі. Тіл жүректің айтқанына көнсе, жалған шықпайды. Амалдың тілін алса, жүрек ұмыт қалады. Қазақтың «жүректісі» мақтауға сыймайды. Айтқанға көнгіш, уағдада тұрғыш, бойын жаманшылықтан тез жиып алғыш, көштің соңынан итше ере бермей, адасқан көптен атының басын бұрып алуға жараған, әділетті ақыл мойындаған нәрсеге, қиын да болса, мойындау, әділетті ақыл мойындамаған нәрсеге, оңай да болса, мойындамау - ерлік, батырлық осы болмаса, қазақтың айтқан батыры - әншейін жүректі емес, қасқыр жүректі деген сөз.

Қазақ та адам баласы ғой, көбі ақылсыздығынан азбайды, ақылдың сөзін ұғып аларлық жүректе жігер, қайрат, байлаулылықтың жоқтығынан азады.

Балалар бүгін бізде қонақта ата – аналарымыз бен әжелеріміз және мұғалімдеріміз қатысып отыр.

Әжелерімізді таныстырып өтейін

1. Жаңылхан әже

2.Сырғагүл әже

3.Боранкүл әже

Осы әжелерімізден мейірімділік жайында, бала тәрбиесінің қыр –сыры, қиыншылықтары жайында түйген өз ойларын білсек.

Әжелерше сөз беру