Мейірімділік асыл қасиет 4 сынып тәрбие сағаты

Тексерді:

Тақырыбы: Мейірімділік – асыл қасиет

Мақсаты:Балалардың «мейірімділік», «қайырымдылық» құндылықтары туралы түсініктерін кеңейту. Адамның бойындағы –ұнамды ұнамсыз қасиеттерді айта отырып оқушыларды әдептілік, мейірімділік сияқты адам бойындағы асыл қасиеттерді бағалай білуге тәрбиелеу.

Барысы: Ұйымдастыру кезеңі

Мұғалім: -Саламатсыздар ма құрметті оқушылар!Бүгінгі біздің «Мейірімділік-асыл қасиет» тақырыбындағы тәрбие сағатымызды өткізгелі отырмыз. .

«Болады-болмайды»

(Оқушылар орындарынан тұрады, мұғалім болатын нәрселерді айтқанда оқушылар қолдарын 2 рет шапалақтайды, ал болмайтын нәрселерді айтқанда аяқтарымен тарсылдатады)

-Мейірімді болуға …. (болады), Кешірімді болуға (болады),

Қатыгез болуға …. (болмайды), Тәртіпті болуға …. (болады),

Әдепті болуға …. (болады), Ұрысқақ болуға…. (болмайды),

Сыпайы болуға …. (болады), Қайырымды болуға …. (болады),

Бұзық болуға …. (болмайды), Бауырмал болуға …. (болады),

Ақылды болуға ….. (болады), Мақтаншақ болуға …. (болмайды),

Шыншыл болуға …. (болады), Арам болуға …. (болмайды),

Маман болуға …. (болады), Жаман болуға …. (болмайды),

Айтпақшы, Жаман болуға ….! (болмайды).

Пойыздың дауысы

Құрметті жолаушылар, Астана уақыты сағат 08.15 – те бастауыш мектебінен «Мейірімділік» бекетіне пойыз жүргелі тұр. Жолаушыларды өз орындарына жайғасуын сұраймыз!

Оқушылар орындарына отырады.

Дайынсыңдар ма? Жолда бізді ерекше аялдамалар күтіп. Олай болса кеттік!

Пойыздың дауысы

Пойыз «Сыпайылық» бекетіне келіп жетті.

Қалай ойлайсыңдар, балалар бұл бекеттің ерекшелігі неде?

Тұрғындары қандай деп ойлайсыңдар?

Сыпайылық деген сөзді қалай түсінесіңдер?

Сыпайы адам не істеп жүреді?

-Осы бекеттің тұрғындарымен амандасайық.

«Амандасу» ойыны.

1- вагонның балалары: «Сәлем» - деп, бір қолын бұлғайды.

2- вагондағылар: «Сәлем»- деп, екі қолын жоғары көтеріп амандасады.

Дайындалып алайық. Алдымен1- вагондағылар, сосын 2- вагондағылар. Сосын бірге.

Сонымен ұқтыңдар ма мейірімділікке жетелейтін ең бірінші - ол сыпайы сөздер, бір ғана сөзбен ренжіп тұрған адамды жұбатуға, жылап тұрған адамды жымитуға болады екен.

Тағы қандай сыпайы сөздер білесіңдер?

Жақсы «Сыпайылық» бекетінің тұрғындарына сау болыңдар- деп, ары қарай жол жүрейік.

Пойыздың дауысы

«Даналық, ақылдылық бекеті» - де келіп жеттік.

Балалар, бұл бекеттің тұрғындары қандай деп ойлайсыңдар? Олар бізге мейірімділік туралы мәтін дайындап қойыпты.

«Мейірімді бала»

Қытай жерінде біреудің затын ұрлаған кісінің қолын кесетін ескі заң бар екен.Бірде бір төре ұрлық жасап, кінәлі болады. Патша әлгі төренің қолын кесу туралы бұйрық береді. Сонда патшаға төренің жас қызы әкесі үшін жауап бермекші, - деген хабар келеді. Қызды патшаға алып келеді.

Тақсыр, патшам, - дейді қыз. .......... (Мәтінді аяқтау тапсырылады)

(Өзінің қолын көрсетіп: - Бұл да - менің жазықты болған әкемнің қолы.Бірақ бұл қолмен бала-шағасын асырауға шамасы келмейді. Тақсыр, осы нашар қолды ксіп, жұмысқа жарамды, бала-шағасын асырайтын қолын әкеме қалдыруға бұйрық беріңіз.

Патша қыздың әкесіне деген мейірімділігіне рақымы келіп, төренің күнәсін кешіпті.)