Мейірімділік асыл қасиет тәрбие сағаты 8 сынып

Мейірімділік-адамгершілік белгісі

Мақсаты: оқушылардың бойына рухани - адамгершілік қасиеттерді ұялату үшін мейірбан, ақылды, шыншыл, қайырымды, т. б. адамдық асыл қасиеттерді игеру ықпал ету мақсатында өтіледі.Көрнекілік: кемпірқосақ суреттері, нақыл сөздер:Барысы:1. Ұйымдастыру кезеңі . Оқушылар орындарынан тұрып, сәлемдесу

2.ҚР Мемлекеттік Гимнін орындау

Мұғалім сөзі: Құрметті ұстаздар, оқушылар сонымен біздің бүгінгі тәрбие сағатымыздың тақырыбымыз «Мейірімділік-адамгершілік белгісі» деп аталады. Бүгінгі заман адамы сегіз қырлы, бір сырлы болып өсуі керек. Оның ең бастысы - тәрбие, адамгершілік. Ата - ананың тілегі сенің жақсы адам, азамат болуың. Өзінең үлкеннің ақыл кеңесін тыңдап, кішіге мейірімді, досына қайырымды бол. Бойында осындай қасиеттері бар баланы қандай бала дейміз?(Тәртіпті, әдепті, мейірімді дейміз)

I Жұмбақ жасыралады:

Бұл бала қай бала?

Қарашы үстіне, өзіне

Бір кіршік түстіме көзіңе

Тап-таза, мұнтаздай,

«Жарайсың, балақай!»

Дейміз біз мадақтай

Бұл бала қай бала?

(Әдепті)

Бұл бала, қай бала?

Қарашы үстіне, өзіне

Түсті ме көзіңе

Бет, ауыз кір кір, айғыз

Киімі кір, сатпақ

«Ұят-ай, балақай»

Дейміз біз мазақтай

Бұл бала қай бала?

(Әдепсіз)

Әдептілік ар-ұят

Адамдықтың белгісі

Тұрпайы мінез тағы жат,

Надандықтың белгісі дей отырып, оқушыларымыз дайындаған көрініске назар аударайық? Содан не қорытамыз ортаға салайық?!

II Көрініс тамашалап ой қорытайық:

1.Автор: Үш ана басы қосылып, әңгімелесіп тұрды.Бірінші ана: «Менің балам өте ақылды, өнерлі, әнші, математикадан нашар болғанмен болашақта керемет бір танымал кісі болатынына сенемін»,- дейді баласын мақтап.Екінші ана: «Менің балам әдемі, таза киінгенді ұнатады. Ақшаның да есебін жақсы біледі. Шамасы балам болашақта үлкен бизнесмен болады - ау»,- деп мақтанады.

2.Автор:Үшінші ана үндемей тұрып қаладыСол кезде үш ана қарияның жолдан өтуіне көмектесіп, қолтығынан демеп, сөмкесін көтерісіп келе жатқан баланы көреді. Бұл үндемей қалған үшінші ананың баласы еді.

3.Автор:Үш бала аналарына жақындады. Алғашқы екі ананың балалары аналарынан балмұздаққа ақша сұрай келді. Ал, үшінші бала анасына бүгінгі сабақтан «бестік» баға алғанын айта келді.Сұрақ? Қай баладан болашақта не күтуге болады?

Қай баланың әрекеті дұрыс деп ойлайсыңдар?(Оқушыларды сөйлете отырып, сұраққа жауап алу.)

III Ұлы Абайдың«Бес нәрседен қашық бол,Бес нәрсеге асық бол;Адам болам десеңіз», дегендей келесі бөліміміз Кім көп біледі?деп аталады?

Адамгершіліктің негізгі қағидалары қандай?

Мейірімділік- адамгершіліктің бастауы дегенді қалай түсінеміз?

Қандай әдептің түрлерін білесіңдер?

Б.Иманғали:Махаббат,қайырымдылық,адалдық

Қуанышбек:Адамның өзге біреуге жақсылық,ізгі ниеті мен лебізін білдіру көрінісі

Айдана: Біз қайда барсақ та, үнемі адамдар арасында жүреміз. Көшеде, . жасы үлкенге жол беру, орын беру, көмек көрсету кейбір оқушылар тарапынан өте сирек кездеседі. Менің ойымша бұл – әдепсіздік.

Ө. Иманғали: Сәлемдесу әдебі. Дәстүр бойынша жасы кішілер үлкендерге сәлем береді. Үйге кірген адам үлкен болсын, кіші болсын алдымен сәлемдеседі. Сәлемді алмау мәдениетсіздік. Менің ойымша оқушылардың жасы үлкен адаммен сәлемдескенде пысық боп тақылдап кетуі, қол ұсынуы жөнсіз.Тек сұраса ғана жауап беріп әдеп сақтауы керек. Мысалы, кей оқушылар өздеріне сабақ бермейтін мұғалімдермен сәлемдеспейді. Бұл да әдепсіздік, мәдениетсіздік деп ойлаймын.

Ұлжан: Сөйлесу әдебі. Сөйлескен адамға үнемі ілтипат білдіріп, көңіл аударып тұрған жөн. Сөйлескен кезде жан жағына қарау, теңселу, сөзді шала тыңдау ұят болады. Сондай-ақ асығыс, тез сөйлеу, мақтана сөйлеу, қатты сөйлеу, сөзді бұзу, аяғына дейін тыңдамау-әдепсіздіктің белгісі.

Бағдаулет: Әдемі, таза, киіну әдебі. Киіне білу де адамның ішкі мәдениетіне, талғамына байланысты. Жүріс тұрысымыз, сөзіміз, ісіміз, киіміміз, рухани талғамды қажет етеді. Талғамы жоғары адам ғана өз бойына қонымды, жарасымды киімді таңдап,үнемі таза жүре алады.

Пакиза: Ізеттілік – айналасындағыларды құрметтеу, кішілік мінез таныту. Амандасу – бейбіт пейілдің, достық ықыластың белгісі, мінез-құлықтың нормасы. Әділ болу – адамшылықтың асыл белгісі. Әділетті қоғам адамдар имандылық қағидаларын қатаң сақтағанда ғана…