Мейірімділік асыл қасиет туралы материал

Нұрбұлақ орта мектебі

Тақырыбы: Мейірімділік – асыл қасиет

Өткізген: психолог Уткелбаева Н.К

Мақсаты:

Өмірдің мәні ертегісін сахналау арқылы дұрыс әрекет құндылығын жарыққа шығару.

Міндеттері:

- Өмірдің мәні туралы көріністің мазмұны арқылы оқушыларды әділдікке баулу; -Оқушыларды рөлді сомдау арқылы сахнада өздерін ұстау дағдыларын дамыту; - Оқушыларды әділдікке, сыйластыққа, шыншылдыққа тәрбиелеу.

Ресурстары:(материалдары, көздері)

Сюжетті суреттер, үнтаспа, ватман, түрлі түсті бояу

Даярлық жоспары

1. Бірінші күні оқушылармен танысып, сахналауға ертегілерді қарастырдық. «Өмірдің мәні» ертегісін оқушылармен таңдап алдық.

2. Екінші күні «Өмірдің мәні» атты ертегі мазмұнындағы кейіпкерлердің рөлін оқушылар өзара таңдап алды. Рөлдері бойынша өз кейіпкерлерін сомдады. Сахнада өздерін ұстау дағдыларын үйреттік. Көрініске қажетті киімдерін қарастырдық. Ертегіге лайық, көңілді ән таңдадық.

3. Үшінші күні соңғы дайындық шараларын жүргіздік.

Талдау

Іс-шараны өткізудің жоспары

1. Көрініске шығатын басты кейіпкерлер сахнаға шығып көріністі бастайды.

2. Берілген рөлдері бойынша өз кейіпкерлерін сомдайды.

1-жүргізушы: Нұрайлым

Сәлемдесіп алайық, жылы жүзбен,

Бізге келсін қуаныш, нұр іздеген.

Мейірім толған жанымыз, жүрегіміз,

Үлгі алсын көрген жан мына бізден.

Осындай мейірімді, ақылды, білімді, қайырымды жандардан көргенімізге өте қуаныштымыз. Ендеше біз бір-бірімізге күлімсіреп, мейірімімізді шаша отырып, «Мейірімділік- асыл қасиет» атты кешімізде бір-бірімізге жақсылық көтеріңкі көңіл күй тілейік.

Досымжан мен Бейбарыстың орындауында «Өмір жолы» әні.

2 –жүргізуші: Серікболсын

Халқымыз ұрпағын мейірімділікке тәрбиелеп, қаталдықтан сақтандырып отырған. Мейірлі болу -өз халқын сүю, бірлікшіл болу екенін айтады.

Күлімдеген күн мейірімді,

Таза мөлдір су мейірімді,

Аяулы ана мейірімді,

Жылы жүзді ұстаздар мейірімді,

Бәрімізді көтеріп тұрған жер мейірімді.

1-жүргізушы: Нұрайлым

Адель, сен білесің бе «Жақсы - сөз жарым ырыс» дейді халқымыз. Жақсы сөз естісек, жанымыз жадырап сала береді. Жақсы сөз көп айтылса, өміріміз мейірім мен қайырымға толы болып, қуанышпен шатыққа кенеледі екенбіз.

2-жүргізушы: Серікболсын

Я, дұрыс айтасың Ислам. Қалай ойлайсың мейірімді, қайырымды адамда қандай жүрек болады?

1-жүргізушы: Нұрайлым Менің ойымша жүрегі жылы, бойында адамгершілік қасиеті бар, жанашыр, мейірімді, жан.

2-жүргізушы: Серікболсын

Олай болса мейірімділікті оқушылардан сұрайық.

1-оқушы:

Мейірімділік –ғажайып өмір есігі,

Мейірімді болсаң, сазды әуенмен тербетілер бесігің.

2-оқушы:

Ашық болсын мұқтаждарға көңілің мен есігің.

Мейірімсіз болсаң, алладан болмас кешірім.

3-оқушы:

Қол ұшын бер жетімдерге жылаған,

Қайтарма қолын ананың көмек сұраған.

4-оқушы:

Оу, адамзат, сіңірген бойға мейірімді,

Өтініп соны, сіздерден әркез сұранам.

5-оқушы:

Мейірімді ізде таза-аңғал жүректен,

Селт өткізіп, сезімді бойда дір еткен.

6-оқушы:

Мейірім ана бойында, сіңірген бойға, мойында,

Өмірге мына жылылықпен гүл еккен.

1-оқушы:

Жақынды, досты аяла,

Қанатың сонда талмайды.

Барыңды жұрттан аяма,

Жақсылық жерде қалмайды.

2-оқушы:

Жайдары жүзбен жарқыра,

Қатігез болсаң – сол қайғы.

Қайырымды бол халқыңа,

Жақсылық жерде қалмайды.

3-оқушы:

Жақсы болу –өзіңнен,

Жаман болу өзіңнен.

Өзіңді өзің ая да,

Өзің үйрен өзіңнен.

4-оқушы:

Жақсылық көрсең біреуден,

Мен қандаймын? - деп ойла,

Өзіңді – өзің қолыңа ал,

Өзіңсің - ақыл айнасы.

Тиеді саған мәні бар,

Өзіңді тану пайдасы.

5-оқушы:

Жақсылыққа, бақытқа,

Талпынған әр уақытта.

Бала біткен – дос бауыр,

Болмасын еш тосқауыл,

6-оқушы:

Ортақ болсын асқар тау,

Жеміске толы бақша-бау,

Болсын жер мен суда ортақ,

Болсын бізге тауда ортақ.

7-оқушы:

Әдеп сақтап әманда,

Әрбір адал адамға.

Жасасаң бір жақсылық,

Қайтарады саған да.

8-оқушы:

Ынтымаққа қосыл да,

Ықылас қой досыңа.

Ар-мақсатың нақ болсын.

Ақылыңнан тосылма.

1-жүргізушы: Ислам «Өмірдің мәні» қойылымына назар аударсақ.

Өмірдің мәні (Ертегі)

Автор-Құдайберген:

Ертеде аты әлемге әйгілі Тархан деген патша қартайып, төсек тартып жатып, қасына барлық уәзірлерін жинайды.

Патша: - Уа, кеңесшілерім, мына жалған өмірде мен тартар тұз-дәм таусылуға жақын сияқты. Ұзамай бұл дүниеден де өтермін... Сондықтан ертең мына елге басшы болатын адамды көзімнің тірісінде таққа отырғызсам деп едім.

Ең бірінші болып бас уәзір сөйлейді.

Бас уәзір: - О-о, аса қадірлі әміршім, бұ қай сөзіңіз, мұныңызды қалай түсінбекпіз?!

Патша: - Түсінгенде сол, әңгіменің тоқ етері-тақтың болашақ иесін өз көзіммен көргім келеді.

Бас уәзір: - Ендеше-е ... дейді бас уәзір қипақтап.

- Тәртіп бойынша, әке орнын бала басады емес пе?! Құдайға шүкір, бір емес үш бірдей мұрагеріңіз бар ғой, қайсысын лайықты деп тапсаңыз...

Патша: -Жә, ол жағы белгілі ғой! ... Бірақ мен «Аузы қисық болса да, байдың баласы сөйлесін» деген қағиданы бұзғым келеді. Елге жұрттың бәрінен ақылы асқан жас басшылық жасауы тиіс. Сондықтан жан-жаққа тегіс хабар жіберіңдер, кім де кім менің сұрағыма дұрыс жауап берсе, сол…