Мектеп, ата-ана және оқушы арасындағы байланыс

Жоспары:

Тренинг шаттық шеңбері Кіріспе сөз: Мектеп, ата-ана оқушы арасындағы

байланыс

Жаңа оқу жылының басталуы. Ата-аналар

комитетін сайлау.

Ағымдағы мәселе

Ата –аналармен ойын

Қорытынды

Сәлеметсіздер ме, құрметті ата аналар, қонақтар! Бүгінгі жиналысты ерекше өткізгім келіп тұр. Ата аналар ортаға дөңгеленіп тұрады. Бүгінгі кездесуде сіздер балаларыңызды таңертең қалай және қандай көңіл күйде оятасыз. Соны Бір - бірлеріңізге қарап айтып көрейік. Міне осындай жылы сөздерден баламыздың жүзінен қуаныш көре аламыз.

Тренингімізді бастамас бұрын «Менің қалағаным...» ойынын ойнайық.Ата - аналар мына менің қолымдағы қобдишаның ішінен 3 түсті қағаздың өзіңізге ұнағанын таңдауларыңыз сұралады. Бірдей түсті ата - аналар бірігіп бір топ боласыздар. І. «Менің қалағаным...».

Қызыл түс- энергия түсі,ол адамды іс – әрекетке итермелеп,үнемі жігерлендіріп отырады.Жоғары сенімді, жігерлі, мінез- құлқы батыл тұлға.

Сары түс- көңілді түс, адамдармен тез араласуға көмектеседі. Бұл түсті таңдағандар – іскер, мінез- құлқы мықты тұлғалар.

Жасыл түс- әрқашан өз мақсатына жетеді, шыдамды,байсалды тұлға.

ІІ. «Бойыма біткен қасиет »Алдымен өз есімдеріңіздің алдына адамның бойында бар жақсы қасиеттің біреуін айтып, өзіңіз туралы қысқаша мәлімет беруіңіз керек. Мысалы: Мен нұрлы – Нұргүлмін Мен көрікті - Әсеммін; Мен дарынды – Дидармын.

ІІІ.«Мадақтау мен жазалау» Мақсаты: Ата - ананың балаға деген көңіл бөлуін байқау.

Барысы: Қағазды екіге бөліп, бір жағына баланы мақтау кезінде қолданылатын сөздерді, ал екінші жағына, сөгіс жариялау кезінде қолданылатын сөздерді жазыңыз.

ІV. «Жағдаяттар» Нұсқау: Әр топ ата - аналарына жағдаяттар оқылады. Ата - аналар жағдаятты талдап қаншалықты дұрыс немесе бұрыстығын айтуы тиіс.

1 топ: Баласы «Сізге маңызды бір нәрсе айтқым келеді» десе анасы: « Сенсіз де басым ауырып тұр, мазамды алма» депті.Сіздердің ой-пікірлеріңіз?

2 топ: Сіз балаңызға дүкенге барып келуін өтінесіз ол «ән тыңдап отырмын» деп барудан бас тартты. Не істер едіңіз?

3 топ: Кейбір ата- аналардың баласының әрбір істеген іс – әрекетіне көңілі толмай: «Сен сала алмайсың, сен істей алмайсың»,- деп айтып жататынын байқаймыз. Бала іс- әрекетіне теріс баға беруге қалай қарайсыз?

V. Ойын « Ата- ана мейірімі». Ата- аналар ақ параққа гүлдің суретін салып, гүлдестерге өз балаңыздың қандай болғанын қалайсыз? Қандай қабілеттері болғанын және сіз өзіңізден қандай қасиетті алғанын қалайсыз? балаңызға деген сүйіспеншілігін жазып, өз ой- пікірлерін айтасыздар. Ата - ананың басты қуанышы - бала. Ата - ананың басты - қазығы, алтын тіреу діңгегі - бала. Мына жасампаз ғасырда, жаһандану дәуірінде мектеп партасында отырған баланың жан - жақты білім алуына ең бірінші ықпал ететін - ұстаз болса, оның сүйеніші ата - ана. Сондықтан ата - ана өз баласының білім алуына барынша жағдай жасау тиіс. Бала тәуліктің бір бөлігінде, яғни 6 сағат мектепте болса, 18 сағат өз отбасында тәрбие алады.