«Мектеп парламенті» және өзін-өзі басқару ұйымының жоспары

«Мектеп парламенті» және өзін-өзі басқару ұйымының жоспары

Аға тәлімгері: Жұматай Ф.А

2023-2024 оқу жылы

«Мектеп парламенті» және өзін-өзі басқару ұйымының

ІС-ШАРАЛАР ЖОСПАРЫ

2023-2024 оқу жылы

Парламент мақсаты:

Балалар мен жастардың табысты әлеуметтенуі және өзін-өзі тиімді жүзеге асыруы үшін жағдай жасау, сондай-ақ туындайтын мәселелерді білім алушылардың өз бетінше шешуі үшін мүмкіндіктер жасау.

Парламент міндеттері:

1) білім алушылардың шығармашылық белсенділігін және өз бетінше әрекет етуін іске асыру;

2) білім алушылардың құқықтары мен мүдделерін қорғауға, оның ішінде білім беру, әлеуметтік-тұрмыстық және олардың мүдделерін қозғайтын өзге де мәселелерді шешуге көмек көрсету болып табылады;

3) білім беру ұйымының басшылығына білім беру және ғылыми міндеттерді шешуде, білім алушылардың бос уақыты мен тұрмысын ұйымдастыруда, салауатты өмір салтын насихаттауда көмек көрсету;

4) білім беру ұйымдарына білім беру және тәрбие процесі шеңберінде өткізілетін іс-шараларға көмек көрсету;

5) білім беру ұйымының рухы мен дәстүрлеріне патриоттық қатынас жасауға, білім алушылардың санасын және олардың өз білім деңгейіне талап етуін арттыруға, мүлікке ұқыпты қарауға тәрбиелеуге бағытталған жұмыстар жүргізу;

6) білім алушыларды білім беру ұйымының қызметі туралы хабардар ету;

7) қазақстандық қоғамды дамытудың нақты күші және стратегиялық ресурсы ретінде балалар мен жастар туралы қоғамдық пікір қалыптастыруға қатысу;

8) балалар мен жастардың қоғамдық маңызы бар бастамаларын іске асыруға көмек көрсету болып табылады.

9. Білім беру ұйымдарында Парламент қызметі өңір мен білім беру ұйымының ерекшелігін ескере отырып айқындалатын басқа да міндеттерді шешуге бағытталған.

1.Жалпы ережелері

Оқушылар Парламенті – мектептегі оқу тәрбиелік процестерді басқарудың жалпы жүйесі болып табылады және оқушылардың қоғамдық пікірлерін, олардың қызығушылықтары мен қажеттіліктерін зерттеу негізінде есепке алады.

2. Оқушылар Парламентінің мақсаты:

Мектептегі оқу үдерісін демократияландыру;

Оқушылардың көшбасшылық қабілетін дамыту;

Оқушылар үшін маңызды әлеуметтік жобаларды іске асыру;

Оқушылардың пікірін ескере отыра ортақ мәселелерді шешу.

3. Оқушылар Парламентінің негізгі міндеттері:

Мектептегі оқушылар мен жасөспірімдердің мәселесіне назарын аударту және шешу жолын ұсыну;

Мектеп әкімшілігімен, педагогтармен, оқушылардың ұйымдарымен бірлесе отырып оқушылардың қызығушылын жүзеге асыру;

Оқушылардың қоғамдық-әлеуметтік іс-шараларға қатысуға ынталандыру және қолдау;

Мектеп оқушыларының құқықтары мен қызығушылықтарын қорғау;

Оқушылардың арасында экологиялық, құқықтық сауаттылықты дамыту;

Оқушылардың сабақтан тыс уақын тиімді пайдалануға ат салысу.

4. Жұмыстың түрі мен мазмұны.

мектеп тәрбие жоспарына оқушылардың қызығушылығымен өзгерістер енгізу;

мектепте кездесетін талас тудыратын сауалдарға мектеп әкімшілігімен бірлесе отырып дұрыс шешім қабылдауға атсалысу;

байқаулар, викториналық ойындар, көрмелер, спорттық жарыстар, ұжымдық шығармашыл істер ұйымдастыру.

мектеп басқару ұйымы жұмысына қатысу.

5. Парламент мүшелері.

Парламентке 9-11 сынып арасындағы белсенділер мүше бола алады. Сонымен қатар сынып ұжымы ұсынған беделді оқушы жіне өз еркімен парламент жұмысына қызығушлық танытқан оқушы Парлмент жиналысында қабылданады. Парламент мүшелері ұжымдық түрде жұмыс атқарады. Ұжымдық топ парламенттің шығармашылық тобы деп аталады. Олар парламентте ұжымдық шығармашылық істерді жүргізеді.

Парламентте жұмыс жүргізіп мектеп бітіріп кеткен мүшелері құрметті мүше деп аталады. Оларға мектеп парламентінің жұмысына қосқан үлестері мен даумына атсалысқандары үшін оларға ерекше құрметпен қарайды.

6. Мектеп парламентінің құрылуы мен ұйымдастыруы.

Мектеп парламентінің жоғары ұйымы болып ұйым мүшелерінің жалпы жиналысы болып табылады. Жалпы жиналыс жылына екі рет қыркүйек жіне мамыр айында өткізіледі. Қыркүйек айының екінші жартысында Парламент Кеңесін, Парламент Президентін басқарып жүргізеді. Президент болмаған жағдайда бұл жұмысты Спикер басқарады. Ол Парламент Кеңесінің ұжымдық интелектуалдық және шығармашылық істерін ұйымдастырады.

Мектеп парламенті негізгі сегіз Парламент Фракциясынан тұрады.

1.Өзін-өзі тану және бақыт фракциясы

Мектеп оқушылар арасында болған, талас тудыратын сауалдарға және кеңес мүшелері арасындағы дауды шешуге көмектеседі.

Парламенттегі талас тудыратын сауалдарға нақты дәл шешім табады.

2.Құқық және тәртіп фракциясы

Мектепте сабақ үлгерімі төмен оқушыларды басшылыққа алып оларға кеңестер беріп, үлгерімі жақсы, алғыр оқушылардың оларға қосымша сабақ беруін қадағалайды.

Мектептегі тоқсандық қортынды шығаратын жиындарға қатысады;

Оқушылардың тәртібі мен мектептегі жүрісін қадағалайды;

Мектеп оқушыларының үлгерімі жөніндегі әкішіліктің жиындарына қатыса отырып, өз пікірін білдіруге құқылы;

Оқушылар арасында әлеуметтік мәселелерді қолдауға атсалысады.

3. Ақпарат фракциясы

Мектептегі анықтама қызметінің жұмысын және мектептің оперативті ақпарын даярлайды;

Мектеп парламентінің Интернетте сайтын құруға, қалалық «Радио баршаға» хабарына шығуға, ұйым шығармашылығы жұмыстарын бұқаралық ақпарат құралдары беттеріне жарық көрсетуіне;

«Мектеп жаңалықтары» мектеп газетіне ұйым жаңалықтарын, қызметтін, іс-шарасын насихаттайды

4. Мәдениет және өнер фракциясы

Мектепішілік іс- шараларды ұйымдастыруға;

Концерттік бағдарламалар, байқаулар ұйымдастыруға;

Интеллектуалды ойындар, жарыстар өткізуге көмек көрсетеді.

5. Қамқорлық фракциясы

Еріктілер жұмысын белсендіруге;

Оқушылардың арасында бір-бірін сыйлау құрметі, сондай-ақ үлкенге құрмет, кішіге ізет қағидасын қалыптастырады;

Мектеп оқушыларын қайырымдылық, шыншылдық, адалдық, әділдік, іскерлік, қажырлық сияқты жоғары адамгершілік қасиеттерді өз бойларына сіңіріп аянбай еңбек етуге баулиды.

6. Экология және еңбек фракциясы

Табиғатты қорғау, экологиялық тәрбие негіздерін қалыптастыруға;

Қоршаған ортаның сапаы және ластануы туралы, сыртқы ортаның барлық факторларының бір-біріне байланыстылығы, оның ішінде біз және табиғат байланыстылығын білуге үйрету және еңбек адамгершілік құндылығы туралы түсініктерін кеңейтуге, еңбектің адам өміріндегі мәні туралы түсінік беруге;

Еңбек етуге қызығушылықтарын дамытуға және еңбексүйгіштікке баулиды.