Мектепке дейінгі балалардың логикалық ойлауын жетілдіру

Шығыс Қазақстан Облысы білім басқармасы Өскемен қаласы бойынша білім бөлімінің «№100 балабақша-бөбекжайы» КМҚК

№3 пед кеңес

«Мектеп жасына дейінгі балалардың логикалық ойлауын дамыту»

(жұмыс тәжірибесінен)

Тәрбиеші:А.К.Бекжанова

Ақпан, 2022 оқу жылы.

Кіріспе

Бүгінгі күннің басты талабы-баланың ақыл-ойын дамыту, ойлу қабілетін жетілдіру, өзіндік іскерлік қабілеттерін қалыптастыру, заман талабына сай ойын жүйрік етіп тәрбиелеу. Сондықтан, үздіксіз білім берудің алғашқы сатысы-мектепке дейінгі мекемелерде осы мәселелерге бүгінгі таңда жан-жақты көңіл бөлінуде. Өйткені, білімділік пен тәрбиеліктің нәрі балабақшадан басталатындықтан, балаларға сапалы білім берудің тиімді жолдарын іздестіру-өзекті мәселелердің бірі.

Ал, мектеп жасына дейінгі балалардың бойындағы осы қабілеттерді қалыптастыру үшін, әр білім мекемесі оқу-тәрбие үдерісін ұйымдастырудағы мақсат-міндеттерді, жүргізілетін жұмыс формаларын, қолданылатын әдіс-тәсілдерді нақты айқындап алудың маңызы зор. Осы бағыттағы жұмыстарды ұтымды ұйымдастыру бойынша көптеген психологтардың, педагогтардың зерттеулеріне, іс-тәжірибелеріне сүйенсек, мектеп жасына дейінгі балалардың бойында жоғарыда аталған қабілеттерді дамыту барысында, ең бірінші баланың логикалық ойлау қабілеттерін дамытуға баса назар аудару жоғары жетістіктерге жеткізеді деген қорытынды жасауға септігін тигізеді.

Мақсаты:Мектеп жасына дейінгі балалардың логикалық ойлау қабілетін дамытуды педагогикалық тұрғыдан негіздеу және педагогикалық ойлауды дамытудың дидактикалық ерекшеліктерін айқындап ,оқу үдірісінде кешенді пайдаланудың әдістемесін ұсыну.

Міндеттері: Оқу–тәрбие үдерісінде мектеп жасына дейінгі балалардың логикалық ойлау қабілетін дамытудың дидактикалық ерекшелігін анықтау;

Мектеп жасына дейінгі балалардың логикалық ойлау қабілетін дамытуды педагогикалық тұрғыдан негіздеу;

Мектеп жасына дейінгі балалардың логикалық ойлауын дамытудың моделін құру;

Оқыту мен тәрбиелеу жұмысын балалардың жас ерекшелігі мен өзіндік ерекшеліктерін ескере отырып, мектепке дейінгі оқыту мен тәрбиелеудің бағдарламасы мен Қазақстан Республикасының мемлекеттік стандарты талаптары негізінде ұйымдастыру;

Оқу-тәрбие үдерісінде балалардың логикалық ойлау қабілеттерін дамыту үшін жанға жайлы ахуал орнатып, түрлі әдіс-тәсілдерді жүйелі қолдану;

Мектепке дейінгі балалардың ойлау қабілеті және логикалық ойлау ерекшеліктері: Мектеп жасына дейінгі баланың дамуын зерттеу күрделі процесс, оның өзіндік ерекшеліктері бар.

Ойын – мектепке дейінгі жастағы балалардың негізгі іс - әрекетінің бір түрі. Ойын барысында баланың жеке басының қасиеттері қалыптасады. Ойын барысында балалар дүниені тани бастайды, өзінің күш-жігерін жұмсап, сезініп білдіруге мүмкіндік алады, адамдармен араласуға үйренеді. Бүгінгі күн талабы – баланың ақыл - ойын парасаттылығын дамыту, ойлау қабілетін жетілдіру, өзіндік іскерлік қасиеттерін қалыптастыру, заман талабына сай ойы жүйрік етіп тәрбиелеу. Сондықтан да баланың танымын алғашқы күннен бастап дамытудың, бойында оқыту мен тәрбиелеудің негізін қалыптастырудың құралы – ойын әрекеті, немесе ойын – баланың жетекші әрекеті. Бірақ, ойын тек қана балаларды қызықтырып, уақыт өткізудің құралы болмай, балаға берілетін білім мен тәрбиенің құнды негізі болуы керек. Демек, оқыту-тәрбиелеу жұмысын бағдарлама талаптарына сәйкес ойын түрінде ұйымдастыра отырып, баланың логикалық ойлау қабілетін арттыруға жағдай жасау - мектепке дейінгі мекеме педагогтарының негізгі міндеті.

Тәрбиешінің алдында түрлі ойындарды қолдану, шығармашылықты, дербестікті, ерік сапаларын дамыту міндеттері тұр Сол себепті мектепке дейінгі білім беру мекемесінде ұйымдастырылған оқу – тәрбие үрдісінде зейін, есте сақтау, ойлау қабілетті, елестету, сөздік қорын дамытатын және жаттықтыратын жұмыстарға көп көңіл бөлінеді. Дидактикалық ойындар арқылы балалардың ойлау қабілеттері дамиды, оқу іс-әрекетіне деген қызығушылықтары артады. Ойын барысында балалар педагогпен бірлесіп…