Мектепке дейінгі балаларға арналған ашық оқу қызметі

«Айгөлек» бөбекжай-балабақшасы

Ұйымдастырылған ашық оқу қызметі

Тақырыбы: «Аюдың туған күні!»

(кіріктірілген оқу қызметі)

Тәрбиеші:Бактыгреева Венера Куралбаевна

Бадамша ауылы

Тақырыбы.Аюдың туған күні!

Мақсаты: Балаларға жаңбыр туралы түсінік беру.Тәжірибе жасау арқылы балаларға жаңбырдың қалай жауатынын көрсету,түсіндіру. Қойылған сұраққа нақты жауап беруге дағдыландыру.

Есте сақтау, көру, ойлау қабілеттерін жетілдіру, сөздік қорларын байыту. Саусақтарының маторикасын дамыту.Түрлі-түсті құммен балықтың қабыршақтарын жасау.

Амандасу.

Біз әдепті баламыз,

Айтқан тілді аламыз.

Қонақтарды көргенде

Амандасып аламыз.

Саламатсыздар ма!

Тосын сәт. Қыздың жылаған дауысы.

Балаларға сұрақ қою.

-Ой,балалар бұл кім?

-Сәлеметсің бе, Маша!

-Балалар, қараңдаршы Маша көңілсіз,үсті басы беті лас,не болды екен?Машадан сұрап көрейік.

-Маша саған не болды?

-Балалар, Машаның досы кім еді?Дұрыс аю.Маша досы аюдың туған күніне бара жатып құлап қалған.Сендерден көмек сұрап жатыр.Көмектесесіңдер ме?Ол үшін не істейміз?

-Маша қайда құлап қалған?

-Балшыққа

-Балалар, балшық қалай пайда болады?

-Жаңбыр, қалай пайда болады?

Балалардың жауаптары.

-Қазір, Машаға жаңбырдың қалай пайда болатынын көрсетейік.

– Өзен,көл, мұхиттың сулары буға айналып,аспанға көтеріліп жаңбыр болып жауады.Тәжірибе:

-Ал,енді Машаның беті қолын жуайық

-Балалар,беті қолын жуу үшін не істейміз?

Мнемотехника.

Тәжірибе жасау:-Балалар мында,екі ыдыста су бар.Ұстап көріңдер су қандай?Машаның қолын қай сумен жуамыз?

-Неге салқын сумен жумаймыз?

Балалардың жауабы:

Су туралы тақпағымызды айтайық

Сылдырлайды мөлдір суМөлдір суға қолың жу.Жуынсаң сен әрдайымӘппақ бетің маңдайыңСу – дегенің осы.

-Міне,Машаның беті қолын жудық.

-Балалар,Маша аюдың туған күніне сыйлайтын сыйлығы балшыққа түсіп лас болып қалыпты.Сендерден тағыда аюға сыйлық жасап беруіңізді сұрайды.Сыйлық жасаймыз ба?Аюдың туған күнніне не сыйласақ болады?Аю нені жақсы көреді?

Балалардың жауабы:

-Балалар, аю балық жақсы көреді екен.Сыйлыққа балық апарайық.

-Балалар, балықтар қайда тіршілік етеді?- Суда.- Дұрыс айтасыңдар. Балықтар сусыз тіршілік ете алмайды.

Слайд. Балық

-Балалар кім балықтың дене бөліктерін кім айтады?

-Балалар, бүгін біз балықтың денесіндегі қабыршықтарды дәстүрден тыс түрлі түсті құмды пайдалана отырып денесіндегі қабыршығын жасаймыз.

Балықтың қабыршығын жасудың әдіс тәсілін көрсету,түсіндіру.

Саусақ жаттығуы