Мектепке дейінгі балаларға арналған ашық сабақ, 2 бет

Тақырыбы: Ертөстік бізде қонақта. (Геометриялық пішіндер, бірден беске дейін тура және кері санау, кеңістікті бағдарлау) Сабақтың мақсаты: балалардың сан және санау, геометриялық пішіндер, кеңістікті бағдарлау бойынша білімдерін бекіту, логикалық ойлау қабілеттерін жетілдіру, ертегі арқылы математика сабағына деген қызығушылықтарын арттыру, шапшаңдыққа, тапқырлыққа үйрету. Білімділік: Сандарды тура және кері атауға дағдыландыру. Пішіндердің көлемін, түсін дұрыс атауға дағдыландыру. Көршісін атауға дағдыландыру. Дамытушылық: Балаларға әртүрлі тапсырмалар бере отырып, зейіндерін, логикалық ойлау, есте сақтау сақтау қабілеттерін дамыту, ұжыммен жұмыс жасау барысында бірлесіп шешім қабылдауды жетілдіру. Тәрбиелік: Балалардың бойында мейірімділік, достық сезімдерін тәрбиелеу. Сабақтың әдіс - тәсілдері: сұрақ - жауап, түсіндіру, әңгімелеу, Дьенеш блоктары, Синквейн әдісі. Сабақтың көрнекілігі: сандар, әр түрлі фигуралар, мультимедиялық тақта, суреттер. Қостілділік сыңары: Бір-один-one, екі-два-two, үш-три-tree,төрт- четыре-four, бес-пять-five.

Шаттық шеңбер:

Дөңгелене тұрайық Достық үйін құрайық Математикамен дос болып Біз көңілді болайық

Музыка әуенімен Ертөстік шауып кіреді: « Сәлеметсіздерме ,балалар! Мен сендерден көмек сұрағалы келдім, менің ағаларымды Тасбол сиқыршы сиқырлап қойыпты, енді не істерімді білмей тұрмын, маған көмектесіңдерші? Маған тапсырмалар берді». Тәрбиеші: Балалар енді не істедік, Ертөстіктің ағаларын Тасболдың сиқырынан құтқаруымыз керек? Ендеше балалар Тасбол Ертөстікке қандай тапсырма бергенін мұқият тыңдап, дұрыс орындауға тырысайық! (тапсырмаларды алып оқиды) Балаларды 2 топқа бөледі: Қызыл тақия тобы, жасыл тақия тобы. Ертөстік сенде балалармен бірге жүріп, тапсырмаларды орында. Қызыл тақиялар тобына қосыл.