Мектепке дейінгі балаларға арналған бастапқы индикатор

Шымкент қаласы № 56 «Тулпар» бөбекжай-балабақша мемлекеттік мекеме ұжымының жалпы жиналысында талқыланды

«...........»........................2015ж

Шымкент қаласы № 56 «Тулпар» бөбекжай-балабақшасының

Ұжымдық шарты

1. Жалпы ережер

1.1. Осы Ұжымдық шарт Жұмыс беруші “ Шымкент қаласы № 56 «Тулпар» бөбекжай-балабақша мемлекеттік мекемесі ” (меңгерушісі С.Жумабекова) мен№ 56 «Тулпар» бөбекжай-балабақша қызметкерлері ұжымы атынан (Кәсіподақ ұймының төрайымы ..........) арасында жасалды.

1.2 Осы Ұжымдық шарттың заңды негізі Қазақстан Республикасының төмендегідей ұжымдық-құқықтық актілері болып табылады: - ҚР Конституциясы; - Қазақстан Республикасының Еңбек кодексі; - Қазақстан Республикасының «Білім туралы» Заңы; - Қазақстан Республикасының «Кәсіптік одақтар туралы» Заңы; - Қазақстан Республикасынығ 19.06.1995 ж. «Мемлекеттік кәсіпорындар туралы» Заңының 42 бабына сәйкес ҚР Үкіметінің Қаулысы. 1.3. Ұжымдық шарттың ережелерін Қазақстан Республикасының заңдарының өзгеруі негізіне сәйкес міндетті түрде өзгеріс пен толықтырулар енгізу қажет. 1.4. Ұжымдық шарттың мазмұны екі жақ комиссияларының келіссөзіне байланысты белгіленді:

2. Ұжымдық шарттың мақсаты мен сипаты

2.1. Осы Ұжымдық шарт еңбек әрекеті барысында Жұмыс беруші мен № 56 «Тулпар» бөбекжай-балабақша Қызметкерлері ұжымы арасындағы әлеуметтік-еңбек қатынастарын реттейтін құқықтық акт болып табылады және екі жақтың орындауы үшін міндетті. 2.2. Ұжымдық шарт ережелері Қызметкерлердің еңбек құқықтарын, еңбек шарттарын шектемейді, Қазақстан Республикасының қазіргі заңдарында белгіленген кепілдіктерді бұзбайды. 2.3. Осы Ұжымдық шарттың сипаты заңнамалармен, еңбек шарттары туралы ережелермен және оның төлемақысымен, мекеме Қызметкерлеріне әлеуметтік қызмет көрсетумен, Жұмыс берушінің кепілдіктері және жеңілдіктерімен салыстырғанда қосымша басымдылық болып табылады.

3. Ұжымдық шарттың мерзімі және іс-әрекет саласы

3.1. Ұжымдық шартты тараптар үш жыл мерзімге жасайды.

3.2. Ұжымдық шарт екі тараптың қол қойған күнінен бастап күшіне енеді және оның орындалуы міндетті. 3.3. Мекеменің құрылымы, әкімшілік органдарының құрамы өзгерген жағдайда Ұжымдық шарт өз күшін сақтайды. 3.4. Ұжымдық шарт мекемені қайта ұйымдастыру (бірігу, қосылу, бөліну, қайта құру) жағдайында өз күшін сақтайды. Іс барысында Ұжымдық шарт кез-келген тараптың бастамасы бойынша қайта қаралуы және екі тараптың өзара келісімі бойынша нақтыланған нұсқасы қабылдануы мүмкін. 3.5. Мекеме басшысы ауысқан жағдайда Ұжымдық шарттың күші 3 айға дейін сақталады. Бұл кезеңде тараптар жаңа Ұжымдық шартты сақтауға, өзгертуге, толықтыруға құқылы. 3.6. Мекеме жойылған немесе банкрот болып жарияланған жағдайда банкрот туралы тиісті шешім қабылданған кезеңнен бастап келісім-шарт күшін жояды. 3.7. Ұжымдық шартқа өзгертулер мен толықтырулар оның мерзімі біткенше белгіленген тәртіпте тек тараптардың өзара келісімі бойынша жүргізіледі.

4. Қызметкерлердің құқықтары мен міндеттері 4.1. Қызметкерлердің: - Қолданыстағы заңдарда белгіленген тәртіпте Жұмыс берушімен еңбек шартын жасауға, өзгертуге және бұзуға; - ешқандай құқықты шектеусіз тең дәрежеде еңбек етіп, еңбекақы алуға; - қауіпсіздік және тазалық талаптарына сәйкес еңбек шарттарына; - қызметтік міндеттерін орындауға байланысты денсаулығына немесе мүлікке тигізген зиянының орнын толықтыруға; - кепілдіктер мен өтемақылар алуға; - ұзақтығы төрт айдан аспайтын, бес жылда кем дегенде бір рет біліктілігін арттыруға; - санатын арттыру мақсатында мерзімінен бұрын аттестатталуға; - еңбек қауіпсіздігіне және еңбекті қорғауға; - тараптардың келісімі немесе сот жүзінде еңбек таластарын шешуге; - ұжымдық келісім-шартты әзірлеуге қатысуға және келісім-шартпен, жұмыс берушінің актілермен танысуға; - кәсіби біліктілігін арттыруға құқығы бар. 4.2. Қызметкер: - Жұмыс берушінің ұжымдық, жеке еңбек келісім-шарттармен және актілермен белгіленген еңбек міндеттерін жауапкершілікпен орындауға; - еңбек тәртібін сақтауға; - өзінің кәсіптік шеберлігін, зияткерлік, шығармашылық және жалпы ғылыми деңгейін ұдайы жетілдіріп отыруға; - бес жылда кемінде бір рет аттестаттаудан өтуге; - педаго

- тәрбиеленушілердің және олардың ата-аналарының абыройы мен қадір- қасиетін құрметтеуге; - жұмыс барысында Жұмыс берушіге мүліктік зиян тигізбеуге; - еңбекті қорғауға, өрт қауіпсіздігі және өндірістік тазалық ережелері талаптарын орындауға; - жеке еңбек шартына сәйкес сеніп тапсырылған қызметтік, коммерциялық және бөгде құпияларды сақтауға;

- адамдардың өмірі мен денсаулығына, Жұмыс беруші мен Қызметкер мүліктерінің сақталуына қауіп төнген жағдай туралы мәлімдеуге міндетті.

5. Жұмыс берушінің құқықтары мен міндеттері 5.1. Жұмыс берушінің: - Қазақстан Республикасы Еңбек кодексінде белгіленген тәртіпте Қызметкерлермен жеке еңбек және ұжымдық келісім-шарттарын жасауға, өзгертуге және бұзуға; - Жұмысқа қабылдау кезінде белгілі еңбек әрекетімен және (немесе) белгілі лауазыммен айналысу мүмкіндігін дәлелдейтін зағһідармен қарастырылған құжаттарды қызметкерден талап етуге; - Өз өкілеттілігі негізінде Жұмыс берушінің актілерін шығаруға; - Қазақстан Республикасы Еңбек кодексінде және нормативтік құқықтық актілермен белгіленген тәртіпте Қызметкерлерді көтермелеуге, тәртіптік және заттай жауапкершілікке тартуға; - Қызметкерлердің келтірген зиянының орнын толтыруға; - Өз құқықтары мен мүдделерін ұсыну және қорғау мақсатында Жұмыс берушілердің бірлестіктерін құрып, оған кіруге құқығы бар. 5.2. Жұмыс беруші міндетті: - Еңбек туралы заңдарға, жеке еңбек, ұжымдық келісім-шарттарға сәйкес Қызметкерлерге еңбек ету жағдайларын қамтамасыз етуге; - мекемені тұрақты қаржыландыруға қол жеткізуге; - қызметкерлерді жұмыстан жіберуге, жұмыс мерзімін, демалысын белгілеуге және әлеуметтік қорғауға қатысты басқа мәселелер бойынша кәсіподақ комитетінің пікірін ескеруге, - еңбек за

6. Еңбек шарты

6.1. Еңбек шарты Қазақстан Республикасы Еңбек кодексінің талаптарына сәйкес Жұмыс беруші мен жұмысқа қабылданған Қызметкер арасында жасалады. 6.2. Еңбек шартының құрылымы, мазмұны, мерзімі мен іс-әрекет жүйесі, оны жасау тәртібі, өзгерістер мен оны бұзу Қазақстан Республикасының қолданыстағы заңдарымен белгіленеді.

7. Жұмыс уақыты, еңбек тәртібі

7.1. екі демалыс күні (сенбі, жексенбі) бар 5 күндік жұмыс апталығы белгіленеді. Жұмыс күні сағат 9.00-ден басталып 18.00-де аяқталады. 7.2. Күзетшілерден басқа барлық Қызметкер үшін жұмыс уақытының ұзақтығы аптасына 40 сағат (5 жұмыс күнінде 8 сағаттан) 7.3. Күзетшілер үшін 40 сағаттың жұмыс апталығына сәйкес жұмыс уақытының нормасы сақталатындай кезеңдік жұмыс және уақытының бір жылдағы (ай, тоқсан) қорытынды есебі ендіріледі. 7.4. Педагогикалық қызметкерлер үшін жұмыс уақытының ұзақтығы олардың жыл сайынғы тарифіне сәйкес белгіленеді және белгіленген нормадан төмен болмауы керек. 7.5. Қызметкерлердің келісімі бойынша толық емес жұмыс уақыты белгіленуі мүмкін. 7.6. ҚР Еңбек кодексінің 40-1,131 баптарына және қолданыстағы заңнамаларға сәйкес еңбек аймағының кеңеюіне және жұмыста уақытша болмаған қызметкерлерді ауыстыруына байланысты қызметкерлерге 0,25/0,5 қосымша жүктеме беріледі, немесе қосымша ақы төленеді. 7.7. Жұмыс беруші жұмыс уақытының есебін қызметкерлердің нақты жұмысын өтеген мерзімімен (жұмысқа келу, жұмыстан кету) іске асырылады. 7.8. Мекеменің еңбек тәртібін күшейтуде, қызмет ету нәтижелілігін арттыруда балабақша меңгерушісі мен Қызметкерлер ұжымы бірлесіп, кеңесе от

8. Демалыс уақыты

8.1. Күнделікті жұмыс барысында қызметкерлерге түскі үзіліс беріледі. (13.00-днн 14.00-ге дейін). 8.2. Қызметкерлеріне аптасына екі демалыс – сенбі және жексенбі күні беріледі. 8.3. Қызметкер өтінішінің негізінде қолданыстағы заңнамаға сәйкес оған жалақысы сақталмайтын демалыс берілуі мүмкін. Жалақы сақталмайтын демалыстың узақтығы қызметкер мен Жұмыс берушінің арасындағы келісім бойынша айқындалады. 8.4. Қызметкерлерді демалыс күндері жұмысқа тарту тек қызметкердің жазбаша келісімімен ғана жүргізіледі (төтенше, апатты, бақытсыз т.с.с. басқа жағдайларда). 8.5. Мереке күнінің қарсаңында жұмыс уақытының ұзақтығы жалақы сақтала отырып қысқартылуы мүмкін. 8.6. Еңбек шарты бойынша жұмыс істейтін Қызметкерлер үшін күнтізбелік жылда бір рет ҚР Еңбек кодексінің 239 б., «Білім туралы» Заңының 53 бабы 3т.1тармақшасына сәйкес сауықтыруға арналған жәрдемақы төленеді. Еңбек демалысының кестесін кәсіподақ комитетінің келісімі бойынша балабақша әкімшілігі бекітеді.