Мектепке дейінгі балаларға арналған дидактикалық ойындар

Дидактикалық ойындар

«Паровоз»

Әр балаға плато, конструктор элементтері мен топтастыруға арналған суреттер жинақтары таратылады (мысалы, үй жануралары мен жабайы аңдар). Сабақтың бірінші бөлімінде мұғалім балаларды конструктор элементтерін пайдалана отырып өз платоларына «вагондарды» ретімен құруларын сұрайды:

- біздің суреттеріміз пойызбен саяхатқа аттануда. Оларды әдейі топтастырып, вагондарға рет ретімен орналастыру керек – сол жақтағы вагонда үй жануарлары, ал оң жақтағы вагонда жабайы аңдар отырады.

Балалардың міндеттері – суреттерді берілген тапсырма бойынша орналастыру.

«Біреу - көп»

Әр балаға плато, конструктор элементтері және әр түрлі заттар бейнеленген суреттер таратылады.

Мұғалім көрсеткен үгі бойынша балалар өз платоларында конструктор элементтерін жалғанған қосымшалары бар қатармен қояды. Бір элемент бір санды, ал жалғамалараы бар конструктор көп санды білдіреді. Мұғалім балаларға кез келген суретті алып бір элементтен құралған конструктордың жанына қойып, суреттегі бейнені атауларын сұрайды. Содан соң алынған суретті көп элементтер жалғанған жерге қойып, бейнені көптік жалғаумен атауын сұрайды.

«Үлкен, орташа, кішкентай»

Әр балаға плато, конструктор элементтері және әр түрлі заттар бейнеленген суреттер таратылады.

Мұғалім көрсеткен үлгі бойынша балалар өз платоларына конструктор элементтерін келесі қатармен қояды: 1 деталь-үлкен, 2 деталь- орташа, 3 деталь – кішкентай.

ЛЕГО-конструкторлардың көмегімен балалардың бойында коммуникативтік әдеттерді жетілдіру

Әрбір ұстаз баланың білім алуға деген құштарлығы мен қызығушылығын оятудың қаншалықты қиын екенін жақсы біледі. Сіздерге балалардың бойында коммуникативтік әдеттерді жетілдіру үшін арнайы лего-технологияны пайдалануды ұсынамын. Дидактикалық ойындарды зерттеп, оларды лего-технологияның көмегімен жаңартуға тырыстым.

Қозғалыс жұмыстары:

«Кім жылдам»

Материал: 4 қорап, әр ойыншыға 2-ден ЛЕГО 2х2, 2х4 конструктор бөлшектері.

Ережесі: ойыншылар екі топқа бөлінеді, әр топта ЛЕГО бөліктерінің өз түсі болады. Мысалы, 2х2 қызыл түсті, 2х4 көк түсті.

Ойын барысы: ойыншылар кезекпен кірпіштерді бір үстелден екінші үстелге тасиды. Кім жылдам аяқтаса, сол топ жеңімпаз атанады.

«ЛЕГО баста».

Материал: ЛЕГО кірпіштері.

Мақсаты: қозғалыс шапшаңдығын жетілдіру.

Ережесі: бала басына ЛЕГО кірпішін қояды. Қалғандары оған тапсырма береді. Мысалы, екі қадам жасау, отыру, бір аяқты көтеру, айналу. Егер бала кірпішті түсіріп алмай, үшеуін орындаса жеңімпаз атанады және сыйлық алады.

«Бір, екі, үш – ойыншыққа жетіп ал».

Материал: алдын ала жасалған ойыншықтар (жануарлар, техника, басқа да ойыншық түрлері).

Мақсаты: балалардың жылдамдығын, байқампаздығын, қимыл қозғалыстарын жетілдіру.

Құрастыру жұмыстары:

«Кімде биік (ұзын, үлкен)?»

Материал: ЛЕГО құрастыру бөлшектері.

Мақсаты: ұсақ материалдармен жұмыс жасауды үйрету, топпен жұмыс жасау, биігірек, ұзынырақ, үлкенірек түсініктерімен таныстыру, салыстыруды үйрету.

Ойын барысы: балалардың алдына конструктор бөлшектері қойылады. Балалар топқа бөлінеді. Жүргізушінің белгісі бойынша биік ғимарат (жол, көпір) салуды бастайды. Уақыт аяқталған соң жұмыстарын салыстырады. Кімнің құрылысы биік, ұзын не үлкен болса, сол топ жеңімпаз атанады.

«Көзіңді ашпай құрастырып көр».

Материал: құрастыру бөлшектері.

Мақсаты:баланың көзін жапқан күйінде құрастыру жұмыстарын жүргізуге үйрету, ұсақ материалдармен жұмыс жасауды және шыдамдылыққа үйрету.

Ойын барысы: балалардың алдына конструктор бөлшектері қойылады. Балалар көздерін жауып, берілген материалдардан ойыншық құрастыруға тырысады. Кімнің құрастырған заты қызықты болса, сол балаға фишка беріледі. Ең көп фишка жинаған бала жеңімпаз атанады.

«Карточкада көрсетілген суретке ұқсайтын ойыншықты тап».

Материал: жеңіл құрылған материалдардың бейнелері салынған карточкалар, соған сай ЛЕГО конструкторлары.