Мектепке дейінгі балаларға арналған дидактикалық ойындар, 16 бет

Дидактикалық ойынның аты: «Сен не ұнатасың?»

II кіші топ

Білім беру саласы: «Қатынас» Тіл дамыту

Мақсаты: заттарды көріп сипаттау арқылы балалардың сезімталдығын дамыту, қоршаған орта жайлы танымдарын кеңейту.

Міндеті: балалардың есте сақтау қабілеттерін жетілдіру.

Қай жасқа арналған: 3-4 жас

Ойыншылар саны: 5-10 бала.

Өткізілетін орны: үстел-үсті немесе алаң.

Қосымша жабдықтар: әр-түрлі жемістер немесе көкеністер суреттері салынған немесе муляждар салынған ыдыстан бір бала осы заттардың бірін алады. Алған затының атын атап, оны жан-жақты сипаттайды.

Болжамды қиындықтар: ойын барысында кейбір қиындықтар туындауы мүмкін.

Ойын түрі: үстел-үсті ойыны.

Ортаңғы топ

Мақсаты: заттарды көріп сипаттау балалардың сезімталдығын дамыту, қоршаған орта жайлы танымдарын кеңейту, сөздік қорларын, тілдерін жаттықтыру және дамыту.

Міндеті: балалардың есте сақтау қабілеттерін жетілдіру.

Қай жасқа арналған: 4-5 жас

Дидактикалық ойынның өтуіне әдістемелік нұсқау: әр түрлі жемістер немесе көкеністер суреттері немесе муляждар салынған ыдыстан бір бала алады. Алған затының атын атап, оны жан-жақты сипаттайды, пайдасы туралы айтады.

Болжамды қиындықтар: ойын барысында кейбір қиындықтар туындауы мүмкін.

Ересектер тобы

Мақсаты: заттарды көріп сипаттау арқылы балалардың сезімталдығын дамыту, қоршаған орта жайлы танымдарын кеңейту, сөздік қорларын молайту, дамыту. Ойын ережесін түсіндіру, тілдерін жаттықтыру. Ұйымшылдыққа, шапшаңдыққа тәрбиелеу.

Міндеті: балалардың есте сақтау қабілеттерін жетілдіру, сөздік қорларын дамыту. Балалардың қызығушылығын арттыру, тілдік қорларын молайту.

Қай жасқа арналған: 5-6 жас

Дидактикалық ойынның өтуіне әдістемелік нұсқау: әр түрлі жемістер немесе көкеністер суреттері немесе муляждар салынған ыдыстан бір бала алады. Алған затының атын атап, оны жан-жақты сипаттайды, пайдасы туралы айтады. Сөйлемдер құрайды, шағын әңгіме құрауына болады.

Болжамды қиындықтар: ойын барысында кейбір қиындықтар туындауы мүмкін.

Ойын түрі: сюжетті-рөлдік ойын.

Дидактикалық ойынның атауы: «Жеке атауын ата»

II кіші топ

Білім беру саласы: «Таным»

Мақсаты: Балаларға көкеністердің атын атауды үйрету.

Міндеті: Балаларды тыныштыққа, тыңдауға және заттың аттарын айтуға үйрету.

Қай жасқа арналған: 3-4 жас

Ойыншылар саны: 5-15 бала.

Өткізілетін орны: алаң немесе кілемше үсті.

Қосымша жабдықтар:Тәрбиешінің көмегімен ойналатын ойын.

Дидактикалық ойынның өтуіне әдістемелік нұсқау: балалар үстел үстінде тұрған себеттегі муляждарды көрсетіп атын ататып қайталатып айту.

Болжамды қиындықтар:Балалар көкеністердің атын атай алмауы.

Ойын түрі: үстел-үсті ойыны.

Ортаңғы топ

Мақсаты: Балалардың сөздік қорын молайту, көкеністердің аттарын айтып, түстерін, пішіндерін айтуғп үйрету.

Міндеті: Балаларды тыныштыққа, тыңдауға және заттың аттарын айтуға үйрету.

Қай жасқа арналған: 4-5 жас

Ойыншылар саны: 5-15 бала.

Өткізілетін орны: алаң немесе кілемше үсті.

Дидактикалық ойынның өтуіне әдістемелік нұсқау: балалар үстел үстінде тұрған себеттегі муляждарды көрсетіп атын ататып қайталатып айту. Пішіндерін және түстерін айтады. Ойын осылай жалғаса береді.

Болжамды қиындықтар:Балалар пішіндерден шатасуы мүмкін

Ойын түрі: үстел-үсті ойыны.

Ересектер тобы

Мақсаты: Балалардың сөздік қорын молайту, көкеністер туралы білімдерін толықтыра отырып, әңгіме құрауға үйрету арқылы байқампаздық қабілеттерін жетілдіру арқылы қарым-қатынастарын дамыту.

Міндеті: Балаларды тыныштыққа, тыңдауға және көкеністердің аттарын таба білу, байқампаздық пен қағілездік қасиеттерін дамыту.

Қай жасқа арналған: 5-6 жас

Ойыншылар саны: 5-10 бала.

Дидактикалық ойынның өтуіне әдістемелік нұсқау: Балалар үстел үстіндегі суреттерді қарап аттарын атайды және бұлар неге жататынын айтады. Суреттерді қолдарына ала отырып ұқсас көкеністі табады, пішінін айтады. Дәмімен біл деп көздерін жұмдырып әр түрлі көкеністердің бір бөлігін ауыздарына беріп дәм таттырады. Бір екі түрлі көкеністің дәмін таттырады да сұрайды сұрақ жауабы, толық айттыру.

Болжамды қиындықтар:Балалар шатыстыруы мүмкін

Ойын түрі: үстел-үсті ойыны.

Дидактикалық ойынның атауы: «Түсіне байланысты таңда»

II кіші топ

Мақсаты: Түстерді ажыратып, оларды атай білуге үйрету. Өзіне керекті затты таба білуге дағдыландыру.

Ойыншылар саны: 5-6 бала.

Өткізілетін орны: топта, үстел үсті

Қосымша жабдықтар:Түрлі түсті ленталар, жұлдызшалар.

Дидактикалық ойынның өтуіне әдістемелік нұсқау: Тәрбиеші жұлдызды көрсетеді, балалар дәл сондай түсті ойыншық табулары тиіс.

Ортаңғы топ

Мақсаты: Түстерді ажыратып, оларды атай білуге үйрету. Өзіне керекті затты таба білуге дағдыландыру. Шапшаңдыққа тәрбиелеу.

Ойыншылар саны: 10-15 бала.

Өткізілетін орны: топта, үстел үсті

Қосымша жабдықтар:Түрлі түсті ленталар, жұлдызшалар.

Дидактикалық ойынның өтуіне әдістемелік нұсқау: Балаларға арналған ленталарды көрсетіп олардың түстерін сұрап сол ленталардың түстеріне байланысты жұлдызшаларды таңдау.

Ересектер тобы

Мақсаты: Түстерді ажыратып, оларды атай білуге үйрету. Өзіне керекті затты таба білуге дағдыландыру. Түстер бойынша білімдерін арттыру. Есте сақтау қабілеттерін және логикалық ойлау қабілеттерін дамыту. Ойынға деген қызығушылықтарын арттыру.

Ойыншылар саны: 10-15 бала.

Өткізілетін орны: топта, үстел үсті.

Дидактикалық ойынның өтуіне әдістемелік нұсқаулар: Балаларды екі топқа бөлу. Бірінші топ ойыншықтар тобы болса, екінші топ түрлі-түсті геометриялық пішіндер тобы болады. Ойыншықтар тобы пішіндер тобынан ойыншығының түсін сұрайды, пішіндер тобы түсін атап береді. Ал пішіндер тобы ойыншықтар тобынан өздерінің пішіндерін және түстерін сұрайды.

Дидактикалық ойынның атауы: «Заттарлы сана»

II кіші топ

Білім беру саласы: «Таным»

Мақсаты: балалардың назарын дамыту, байқағыштарын арттыру. Көкеністер санымен сандарды тауып қою. Ойын арқылы көкеністер түрлері туралы білімдерін бекіту.

Міндеті: сандар жайлы түсініктерін бекіту.

Қай жасқа арналған: 3-4 жас

Ойыншылар саны: 8-10 бала.

Өткізілетін орны: үстел үстінде.

Қосымша жабдықтар: көкеністер суреттері және сандар.

Дидактикалық ойынның өтуіне әдістемелік нұсқау: Тәрбиеші балаларға көкеністердің суреттерін таратып береді. Бір суретте бірнеше көкеністер түрлері болуға тиіс. Балаларға қойылатын талап көкеністер санын анықтау.

Болжамды қиындықтар: шатасулары мүмкін

Ортаңғы топ

Мақсаты: Балалардың санау және есептеу дағдыларын қалыптастыру. Жәндіктер туралы түсініктерін жаңарту. Ойын элементтерін пайдалана отырып математикаға қызығушылықтарын арттыру.

Міндеті: кеңістік жайлы түсніктерін қалыптастыру.

Қай жасқа арналған: 4-5 жас

Ойыншылар саны: 8-10 бала.

Өткізілетін орны: үстел үстінде.

Қосымша жабдықтар: ойыншық жәндіктер

Дидактикалық ойынның өтуіне әдістемелік нұсқау: Тәрбиеші балаларға бірнеше суреттер береді. Бұл суреттерде әртүрлі жәндіктер суреттеледі. Баллаардың міндеті осы суреттегі жәндіктердің қанша аяғы бар екенін анықтау. Ол үшін суреттердегі жәндіктердің аяқтарын санап сол суреттің аясына кеспе цифрлар арқылы белгілеп отырады да соңында ең аяғы көп жәндіктің суретін салу ұсынылады.

Ересектер тобы

Мақсаты: сандарды тани білуге, аталған сан араындағы санды атай білуге үйрету.

Міндеті: ойлау қабілетін дамыту.

Ойыншылар саны: 8-10 бала

Өткізілетін орны: үстел үстінде

Қосымша жабдықтар:таратпа материалдардағы сандар.

Дидактикалық ойынның өтуіне әдістемелік нұсқау: Тәрбиеші екі санды атайды. Мысалы 3-5 десе, балалар сол санды алып, ортасындағы санды қою керек.

Болжамды қиындықтар: шатасулары мүмкін.

Дидактикалық ойынның атауы: «Қапшықтан ал».

II кіші топ

Білім беру саласы: «Таным»

Мақсаты: Балаларға бір, біраз, көп нәрсені қолмен анықтап ала білуді үйрету.

Міндеті: сипап-сезу қабілеттерңн арттыру.

Қай жасқа арналған: 3-4 жас

Ойыншылар саны: 8-10 бала.

Өткізілетін орны: үстел-үстінде.

Қосымша жабдықтар:ішіне жаңғақ, түйме немесе басқа ұсақ нәрселер салынған қапшық.

Дидактикалық ойынның өтуіне әдістемелік нұсқау: тәрбиеші балаларға қапшықтың ішіне үңілместен, одан айталық, көп жаңғақ алуды ұсынады. Балалар қолмен сипалау арқылы көп жаңғақ алады да, оларды алақанына салып көрсетеді. Жаңғақ қайтадын қапшықа салынады. Одан соң мынадай тапсырма беріледі. «Бір жаңғақ, бірнеше түйме, көп бұршақ, біраз басқа нәрсе ал!» т.с.с жаттығу 5-8 минутқа созылады.

Болжамды қиындықтар: шатасуылар мүмкін.

Ортаңғы топ

Мақсаты: көп және біреу қатынастарын білуге үйрету; заттардың тең, тең емес топтарын салыстыру.

Міндеті: кеңістік жайлы түсінік қалыптастыру.

Қай жасқа арналған: 4-5 жас

Қосымша жабдықтар: көп және бір зат бейнеленген суреттер.

Дидактикалық ойынның өтуіне әдістемелік нұсқау: Тәрбиеші балаларға бірнеше суреттер береді. Көп зат және зат бейнеленген суреттерді бөліп, ек жаққа қояды.

Ересектер тобы

Мақсаты: аз және көп заттарды және оң, солды ажыратуға, салыстыруға жаттықтыру, ойлау қабілеттерін дамыту.

Міндеті: ойлау қабілеттерін дамыту.

Қай жасқа арналған: 5-6 жас

Қосымша жабдықтар:ұсақ әртүрлі заттар6 моншақтар, түймелер

Дидактикалық ойынның өтуіне әдістемелік нұсқау: Тәрбиеші ортаға бір баланы шақырып, оң сол қолына көп және аз заттарды ұсынады. Бала алдымен көз мөлшермен қай қолда зат көп, қай қолында зат аз бар екенін анықтайды. Одан кейін заттарды қатармен қойып, қай қатарда аз зат тұрғанын салытырады.

Болжамды қиындықтар: шаталасулары мүмкін.

Дидактикалық ойынның атауы: «Бес саусағым өнерлі»

II кіші топ

Білім беру саласы: «Таным»

Бөлімі: ҚМҰҚ

Мақсаты: Суреттерді дұрыс тауып, құрастыру. Ойлау қабілеттерін дамыту. Щапшаңдыққа тәрбиелеу.

Көрнекіліктер: қиылған суреттер.

Ойыншылар саны: 5-6 бала.

Өткізілетін орны: топта, үстел үсті

Ойынның барысы: Балалар қиылған суреттердің екінші бөлігін тауып, құрайды.

Ортаңғы топ

Қатысушылар саны: 8-10 бала

Мақсаты: суреттерді дұрыс тауып, құрастыру. Ойлау қабілеттерін дамыту. Шапшаңдыққа тәрбиелеу. Зейіндерін, есте сақтау қабілеттерін дамыту.

Ойынның барысы: балалар қиылған суреттердің екінші бөлігін тауып, құрайды. Құралған сурет ненің суреті екенін сұрау.

Ересек топ

Қатысушылар саны: 10-15 бала

Мақсаты: суреттерді дұрыс тауып, құрастыру. Ойлау қабілеттерін дамыту. Шапшаңдыққа тәрбиелеу.

Ойынның барысы: балаларды екі топқа бөлу. Бірінші топқа геометриялық пішіндерді пайдалана отырып үй, машина, терезе, есік құрастыруды тапсыру. Екінші топ балаларына қиылған аңдардың суреттерін құрауды тапсыру. Құралған аң суреттерін қай аңның суреті екенін сұрау.

Дидактикалық ойынның атауы: «Гүл шоғырын құра»

Білім беру саласы: «Таным»

Бөлімі: жаратылыстану

Мақсаты: балаладың сөздік қорын молайту, түстерді ажырата білуге үйрету.

Міндеті: түстерді ажырата және айта білуге үйрету.

Қай жасқа арналған: 3-4 жас

Ойыншылар саны:10-15 бала.

Өткізілетін орны: топта

Қосымша жабдықтар: түрлі түсті гүл шоғы

Дидактикалық ойының өтуіне әдістемелік нұсқау: балаларға суреттер арқылы гүлдердің түстерін ататып айтқызу.

Болжамды қиындықтар: балалар түстерді ажырата алмауы

Ойын түрі: үстел-үсті ойыны.

Ортаңғы топ

Мақсаты: балалардың сөздік қорын молайту, түстерді ажырата білуге үйрету, алғашқы шығатын. Бәйшешек, бақ-бақ, түймедақ, қызғалдақ гүлдерінің аттарын білуге және есте сақтау қабілетін жетілдіру.

Міндеті: гүлдердің аттарын отырып не үшін керектігін білу арқылы тілдік қатынасқа түсу.

Қай жасқа арналған: 4-5 жас

Ойыншылар саны:10-15 бала.

Дидактикалық ойының өтуіне әдістемелік нұсқау: балаларға гүлдердің суреттер арқылы олардың аттарын атап айтқызу, гүлдердің ерекшеліктеріне тоқталу арқылы түстерін аттарын атату.

Болжамды қиындықтар: Гүлдердің атын алмауы мүмкін

Ойын түрі: үстел-үсті ойыны.

Ересек топ

Мақсаты: балалардың сөздік қорын молайту, түстерді ажырата білуге үйрету, алғашқы шығатын. Бәйшешек, бақ-бақ, түймедақ, қызғалдақ тағы басқа өз өлкемізде өсетін гүлдерінің аттарын білуге және олардың суретін сала білуге үйрету, құрастыра білуге үйрету; есте сақтау қабілетін жетілдіру. Қандай емдік қасиеті бар айту.

Міндеті: гүлдердің аттарын отырып не үшін керектігін білу арқылы тілдік қатынасқа түсу және құрастырып өз еркімен сала білуі.

Қай жасқа арналған: 5-6 жас

Ойыншылар саны:10-15 бала.