Мектепке дейінгі балаларға арналған интеллектуалдық ойын

«Ер Төстік» бөбекжайы

Интелектуалдық ойын

Тақырыбы: «Бөбекжай көшбасшысы»

Өткізген: А.С. Шынболатова

Сайқын 2018

Тақырыбы: «Бөбекжай көшбасшысы»

Мақсаты : Балалардың әр салада білімдерін кеңейту, білім деңгейін, шығармашылық ізденісін байқау. Ойы жүйрік, танымдық деңгейі жоғары интеллектуалдық балалардың дарынын ашу, белсенділіктерін арттыру, білімдерін көтеру. Жарысуға, жарыста жеңімпаз болуға ұмтылуын дамыту. Көшбасшылық қабілеттерін ояту. Сұрақтарға толық жауап беру дағдысын қалыптастыру. Сөйлеу шеберлігін жетілдіру, белсенділігін арттыру. Қазақ тіліне деген қызығушылығын арттыру.

Көрнекі құралдар: суреттер, сұрақтар, слайдтар, интерактивті тақта, балдық жүйе,шарлар, сыйлықтар, мадақтамалар.

Әдіс-тәсілдер: ойын, сұрақ-жауап, баяндау, ой қозғау, түсіндіру, үйрету, көрсету.

Барысы:

Музыка жетекшісі: Армысыңдар, құрметті қонақтар

Ағайын мен халайық

Көпшіл болған ер дана

Достары көп ер бала

Өнерліден үлгі алып,

Салдырар сәнді мол қамал

Өнерлімен дос болсаң,

Қиялыңды қорғайды - демекші, бүгінгі «Бөбекжай көшбасшысы» атты интелектуалдық ойынын бастаймыз!

Шын жүйрік шабысынан танылады,

Қатты білім, терең- ой саналады.

Баға берер әділқазы ортамызда

Сіздерге құрметпен қол соғылады.

Қазылар орнықтырар әділдікті

Кімдердің жауаптары кәміл шықты,

Білім мен тапқырлардың сайысында,

Жеңіске жетер дейміз нағыз мықты,- деп әділқазылар алқасымен таныс болыңыздар.

Әділқазы төрайымы: Бөбекжайымыздың басшысы Мамаева Ананргүл Тұрғанбекқызы,

Әділқазы мүшесі: Бөбекжайымыздың әдіскері: Зайнуллина Нүргүл Серікқызы,

Әділқазы мүшесі: Бөбекжайымыздың орыс тілі пәні мұғалімі: Гүлзада Мадиқызы.

- Бүгінгі интелектуалдық ойынымыз төрт кезеңнен тұрады. Әр кезеңнен кейін ұпайы аз екі бала шығып отырады.

1 - кезең: «Бәйге»

2 - кезең: «Жеті жұрттың тілін біл»

3 - кезең: «Қызықты тоғыздық»

4 - кезең: «Жорға»

Бәйгеге түсіп жарыспай,

Жүйріктің бағы жанар ма?

Білім мен өнер жарысып,

Тәрбие - тәлім табар мән.

Бұл бәйге ойдың бәйгесі,

Кім жүйрік ойға сол – алда,- дегендей ой мен білім жарысына қатысушы сайыскерлермен таныс болыңыздар!

1 – ойыншы Ерболатов Мансур – өскенде халқына адал қызмет ететін полиция қызметкері болуды армандайды.

2 – ойыншы Мақсотова Ялана — болашақта адам жанының арашашысы дәрігер болғысы келеді.

3 – ойыншы Сертеков Бекбол — әлемге әйгілі ғарышкер болғысы келеді.

4 – ойыншы Тұрарбекқызы Айша — болашақта ұстаз болуды армандайды.

5 – ойыншы Сейту Арафат — заң қызметкері болуды армандайды.

6 – ойыншы Халияр Санжана – болашақта ақ халатты абзал жан дәрігер болғысы келеді.

7 – ойыншы Талғатұлы Аят- өскенде өрт сөндіру қызметкері болуды армандайды.

8 – ойыншы Баяшев Тамерлан - өскенде халқына адал қызмет ететін полиция қызметкері болуды армандайды.

«Мыңнан тұлпар, жүзден жүйрік» демекші барлықтарыңа сәттілік тілей отырып, ойынымызды бастаймыз.

1-кезең: «Бәйге»

Мықты болсаң - алдағыны басып оз,

Мықты болсаң - арттағыны жеткізбе!

Мықты болсаң - тайғанама көк мұзда!

Мықты болсаң - бөгеттерді бұзып өт – деп бәйге кезеңі.

Ойын шарты: Бұл кезеңде сендер берілген сұраққа бірінші жауап беруге тырысасыңдар. Берілген сұрақтарды мұқият тыңдап алып, әр ойыншының қолында нөмірленген карточка болады. Қай ойыншы карточкасын бұрын көтерсе, сол жауап береді. Жауаптарың дұрыс болмаса, келесі бала жауап бере алады. Әр дұрыс жауап 5 ұпаймен бағаланады. Ең төмен ұпай жинаған екі ойыншы ойыннан шығады.

Сұрақтар:

1. Қ. Р. рәміздерін атаңдар? (Ту, елтаңба, әнұран)

2.Мақалды жалғастыр: Оқусыз білім жоқ,....................(Білімсіз күнің жоқ)

3. Сиырдың пірі (Зеңгібаба)

4. Жылдан құр қалған жануар (Түйе)

5. Жер бетінің қағаз бетіне кішірейтіліп түсірілген бейнесі (Карта)

6. ҚР президенті (Н.Ә.Назарбаев)

7.Киіз үйдің төбесі қалай аталады? (шаңырақ)