Мектепке дейінгі балаларға патриоттық тәрбие беру мақаласы

Мектепке дейінгі балаларға патриоттық тәрбие беру

«Айгөлек» КМҚК бөбекжай-бақшасының әдіскері

К.Е.Нұржан

Қазақстан Республикасының Президенті Н.Ә. Назарбаевтың Қазақстан халқына «Нұрлы жол - болашаққа бастар жол» Жолдауында: «Өткен тарихымызға тағзым да, бүгінгі бақытымызға мақтаныш та, гүлденген келешекке сенім де «Мәңгілік Ел» деген құдіретті ұғымға сыйып тұр. Отанды сүю - бабалардан мирас болған ұлы мұраны қадірлеу, оны көздің қарашығындай сақтау, өз үлесіңді қосып, дамыту және кейінгі ұрпаққа аманат етіп, табыстау деген сөз. Барша қазақстандықтардың жұмысының түпкі мәні - осы!» деп келешек ұрпақ алдындағы маңызды жауапкершілікті ескертіп, тарих сахнасынан ойып өз орнымызды алуға шақырады.

Жан - жақты дамыған, өз елінің патриоты болатын азаматты қалыптастыру мектепке дейінгі жастан басталады. Осы жаста қалыптасқан еңбексүйгіштік, қайырымдылық, адамгершілік сияқты т.б. сезімдер рухани - патриоттық тәрбиенің негізін қалайды. Баланың жеке тұлға болып дамуына негіз болатын азаматтық патриоттық тәрбие беру – балабақша жұмысының негізгі бағыттарының бірі деп айтуға болады.

Мектеп жасына дейінгі балаға тәрбие беру тек қана туған үйге, отбасына, балабақшаға, туған қаласы мен туған табиғатына деген сүйіспеншілікті тәрбиелеу ғана емес, сонымен қатар өзге ұлт өкілдеріне толерантты қарым - қатынас, оларды құрметтеуді, туған жерге, отан қорғаушыларға, мемлекеттік рәміздерге, мемлекеттік дәстүрлереге және жалпы қоғамдық мерекелерге деген құрмет пен сүйіспеншілікті тәрбиелеу болып табылады.

Қазіргі кезде балалардың өз елі, халқы, туған қаласы, тұрғылықты жері, халқының әдет-ғұрпы, салт-дәстүрлері жайлы білімдері аз. Педагогтер мектеп жасына дейінгі балаларға патриоттық тәрбиені қалыптастырудың түрлі әдіс пен тәсілдерін қолдануы тиіс. Мысалы, ел өмірімен, оның тарихи тұлғаларымен, батырларымен, қоғам қайраткерлерімен және әйгілі адамдарымен таныстырудан бастағаны дұрыс.

Еліне, жеріне, Отанға деген патриоттық сезім кішкентай кезден бастап - ақ адамның бойына сіңіріледі. Патриоттық тәрбие - біздің көп ұлтты мемлекетіміздің өркендеуінің негізі. Мектеп жасына дейінгі балаларға патриоттық тәрбие беру бұл ұзақ және күрделі үрдіс. Жақындарына, отбасына, туған жеріне деген сүйіспеншілік баланың жеке тұлға болып қалыптасуында үлкен роль атқарады. Балаларды батырлық іс-әрекеттер туралы әңгімелер ойландырады, алған әсерлері толғандырады, алайда ол сезім сөніп қалуы да…