Мектепке дейінгі балаларға тәуелсіздік тәрбие сағаты

Бекітемін

«Атамұра»

балабақшасының директоры

_______________Дербисалиева Ж. Н.

2018 жылғы «______»_____________

Тақырыбы: « Елімнің еркіндігі – Тәуелсіздік »

«Зерек бала» ересектер тобы

Өткізген: Әбдіреева Г.Е.

Астана 2018ж

Тәрбие сағат тақырыбы: « Елімнің еркіндігі – Тәуелсіздік » Тәрбие сағат мақсаты: Желтоқсан көтерілісінің сипатын насихаттай отырып, желтоқсан құрбандарын мәңгі есте сақтау: жас ұрпақ бойына еліне, жеріне, ұлтына деген патриоттық сезімін қалыптастыру.

Балалар безендірілген залға кіреді.

Жүргізуші: Құрметті ұстаздар, кішкентай бүлдіршіндер, бүгін біз дүниені дүр сілкіндірген, тәуелсіздік туын алғаш көтерген әйгілі 1986 жылдың желтоқсанына арналған « Елімнің еркіндігі – тәуелсіздік » атты тәрбие сағатымызды өткізбекпіз.

Мұз жастанып азаматтық жолында,

Тәуелсіздік туы тұрды қолында.

Жеңіп шықты, бас имеді, қасарып

Сойыл таяқ ойнаса да жолында

Желтоқсан - ау, ұмтылмайсың жүректе

Ұрпақ өсер айналатын тірекке

Егемендік тиді міне еншіме

Желтоқсаным, жеткіздің ақ тілекке.

Тәуелсіздігіміз баянды болсын дей отырып, бүгінгі ертеңгілімізді бастаймыз Әнұран.

Балалар мұндағы суретте желтоқсан құрбандары. Осы аға, апаларымыздың арқасында егемен ел болып, көк туымыздың байрағы желбіреді. Ләззат, Ербол, Қайрат, Ербол апа – ағаларымызға 1 – минуттық үнсіздік жариялайық.

Тақпақтар.

1. Кусайнова Амина.

Тәуелсіздік мәңгілік сақталсын, Алдымызда барлық үміт ақталсын Тату – тәтті бірлік болып қашанда Бейбіт өмір бар халықпен жақталсын. 2.Аралбек Айзере.

Желтоқсанның ызғары – ай,

Кірпікке қатқан мұздар – ай

«Елім – ай » деп егілген,

Қаһарман ұлдар, қыздар – ай.

3.Сериков Жангир.

Мереке бүгін ұлы күн.

Бабалар рухы көксеген.

Азатты елдің ұлымын.

Теңескен төбем көкпенен.

4. Акитов Амирхан.

Сарыарқаның даласында,

Күн шуағын төккен күн.

Елім менің, жерім менің,

Баққа қолы жеткен күн.

5. Кумайхан Адия.

Қыста келген бақыт бұл,

Қыспай берген жақұт нұр.

Аппақ қардай пейілін.

Әлемге елім шашып тұр.

Ән: 16 желтоқсан

Тақпақтар

1.Ахмедьяр Али.

Әр қазақтың есінде сақталады Желтоқсандық өрендер ақталады Ел намысын қорғаған сарбаздарым Ерліктерін мәңгілік сақталады.

2.Сығай Аруна.

Тәуелсіздік таңын сүйем,

Таңмен бірге келді ме өлең

Көк туына басымды ием,

Көгімізде желбіреген.

3.Сұрапберген Жангир.

Көк аспанда тулардың Желбіреген күні - бұл, Елім деген ұлдардың Елжіреген күні - бұл.

4.Жумашова Зере.

Дүбірлетсін өңірді Дүбірлесін дүлділі. Қазақ деген елімнің Құтты болсын бұл - күні!

5. Мақсат Олжас.

Әділеттің ұраны, Ақиқаттың шырағы. Тыныштықтың туы боп, Зор салтанат құрады. Көрініс: ( Темір тордың ішінде ҚАЙРАТ өлең жазып отыр.)

Қаймана қазақ қамы үшін,

Қарусыз шықтық алаңға.

Алыстан әскер алдырып,

Қырып салды-ау табанда

Сөйлесем дауысым жетпейтік,

Кез болдық мынау заманға

Шовинизм еді ғой,

Басты себеп жанжалға.

Осы кезде камераға кезекші келеді.

Кезекші: Заключенный Рыскулбекова на допрос! (Қайратты алдына салып, тергеу бөлмесіне әкеледі).

Тергеуші: Айыпты Рысқұлбеков. Халық жасақшысы СОВИЦКИЙді өлтірген сен бе?

Қайрат Рысқұлбеков: Жоқ, мен емес.

Тергеуші: Сен өлтіргенсің. Мойныңа ал.

Қайрат Рысқұлбеков: Мен өлтірген жоқпын. Өтірік жала жаппаңдар!

Тергеуші: Алып кетіңдер. Бәрібір құтылмайсың, декабрист несчастный!

Бұзақы.

Сот залы.

Прокурор: - Орындарыңыздан тұрыңыздар! Сот келе жатыр.