Мектепке дейінгі ұйымдардағы инновациялық технологиялар

Мектепке дейінгі ұйымдарда инновациялық технологияларды қолдану.

Әнуарбек Жансая Әнуарбекқызы

Жангелдин ауданы әкімдігі білім бөлімінің

«Балдырған» бөбекжай-балабақшасы МКҚК

Қостанай облысы, Жангелдин ауданы, Торғай селосы

Психолог

Мазмұны

І. Кіріспе бөлім. Мектепке дейінгі білім беру ұйымдарындағы инновациялық технологиялар................................................................3

ІІ. Негізгі бөлім. Мектепке дейінгі білім беру ұйымдарындағы инновациялық технологиялардың түрлері және оларды қолданудың тиімділігі..................................................................................................4

ІІІ. Қорытынды бөлім..............................................................................7

Пайдаланылған әдебиеттер тізімі..........................................................8

Кіріспе

Мектепке дейінгі ұйымдардағы педагогикалық үдерістердің инновациялығы – мектеп жасына дейінгі балалардың тиімді дамуына себін тигізетін жаңа технологияларды мақсатты ендіруінде болып табылады.

Қазіргі таңда мектепке дейінгі орындарда инновациялық технологияны ендіруге көптеп күш жұмсалады. Сол себепті мектепке дейінгі ұйымдарда педагогтардың негізгі міндеті: әдіс тәсілдерді дұрыс таңдау, жаңаша педагогикалық технологияларды дұрыс қолдана білу, жеке тұлғаның дұрыс дамып қалыптасуы үшін ыңғайлы жағдай жасау. Мектепке дейінгі білім беру орындарында, педагогикалық технологиялар мектепке дейінгі білім беру стандартын жүзеге асыруға бағытталған.Педагогикалық технологияда ең маңызды жағы білім беру мен тәрбие жүйесінде ересектер мен балалардың қарым-қатынасы болып табылады.

Қоғам талабы – заман талабы, өйткені «Әр адам - өз заманының баласы», сәбиді есті, саналы, сергек етіп тәрбиелеу отбасы мен қоғамдық тәрбие орындарының бірден бір парызы. Сондықтан қазіргі балабақшадағы оқу-білім беруге арналған инновациялық қызмет - мектепке дейінгі білім беру ұйымдары педагогтарының кәсіби дамуының ең басты факторы болып отыр. Инновациялар бала тұлғасына, оның қабілеттіліктерін дамытуға бағдарланған педагогикалық практикада қолданылатын жаңа әдістерді, нысандарды, құралдарды, технологияларды анықтайды. Қазақстанның заманауи даму сатысында білім беру үдерістерінде өзгерістер орын алуда: мектепке дейінгі білім беру жүйесіндегі педагогтардың назарын балалардың шығармашылық және интеллектуалдық дамуына, эмоционалды-еріктік және қозғалыс аясын түзеуге бұра отырып, білім беру мазмұны күрделене түсуде; дәстүрлі әдістердің орнын баланың танымдық дамуын белсендіруге бағытталған тәрбие мен оқытудың белсенді әдістері басуда. [1]

ІІ. Мектепке дейінгі білім беру ұйымдарындағы инновациялық технологиялардың түрлері және оларды қолданудың тиімділігі.

Қазіргі таңдағы балабақшада қолданылатын инновациялық технологиялардың ең көп қолданылатын түрі мыналар:

Денсаулық сақтау технологиясы.Денсаулық сақтау технологиясы баланың денсаулығын нығайтуға,білім дағдыларын қалыптастыруға бағытталған. Мектепке дейінгі тәрбие мен оқыту ұйымдары, баланың денсаулығы мен оның дене бітімінің қалыптасуына үлкен үлес қосады. Денсаулық сақтау технологиясы мынадай топтарға жіктеледі: әдістемелік-профилактикалық: медициналық құралдарды қолдану және балалардың тамақтануын қадағалау, алдын алу іс-шараларын жүргізу. Сауықтыру-шынықтыру: бұл балалардың денсаулығын нығайтып, шынықтыруға бағыттау.

Ізденіс-шығармашылық технологиясы.Ізденіс шығармашылық технологиясының мақсаты - балалардың ізденіс құзіреттілігін дамыту,экспериментті-ізденіс әдіс-тәсілдерін ұйымдастыру.Ақпараттық – қатынастық технологиясы.Ата аналарының өскен ортасынан заманауи бала түбегейлі бөлініп тұрады.(қазіргі кездегі компьютерлерді қолдану технологиясы)Қоғамдық ақпарат педагогтар мен балалар алдында мынандай міндеттер қояды:- жаңа заманға қадам басу; - жаңа технология әлеміне балаға жолсерік болу;- компьютерлік бағдарламаға тәлімгерді таңдау;- ақпараттық мәдениетті жеке тұлға ұалыптастыру; - педагогтардың профессионалдық деңгейін және ата-аналардың құзіреттілігін көтеру.

ТРИЗ – өнертапқыштық тапсырмаларды шешу теориясы. Негізін салушы - Генрих Альтшуллер. Қазіргі таңда Г.С.Альтшуллердің ТРИЗ технологиясы мектеп жасына дейінгі балалардың сөйлеуін, тапқырлығын, шығармашылық елестетуін, диалектикалық ойлауын дамыту үшін бала бақшаларда табысты қолданылады. Триз технологиясының мақсаты: баланың тілін дамыту, шығармашылық қиялын дамыту болып табылады. Мектеп жасына дейінгі балалардың тілін дамытуда 3 негізгі мақсат қарастырылған. 1. Ауызша сөйлеуге үйрету, сөздік қорын дамыту. Айналадағы дүниені табиғатты бақылау, таныту арқылы сөз қорын жаңа сөздермен байыту, баланың ауызша сөйлеген сөздерін тыңдап, өзіне қойылған сұраққа жауап беруге үйрету: Заттың атын (ойыншық, гүл, жапырақ т.б) заттың сынын, сапасын, түр түсін , пішінін білдіретін сөздерді меңгерту. Заттың іс -әрекетін білдіретін (жүрді,жүгірді,келді,келеді,епті т.б) сөздерді әрі қарай меңгерту. Үстеу сөздерді (қасында, үстінде, осында, жоғарыда, төменде) қосып айтуға үйрету.

2. Сөз дыбыстарын дұрыс айту. Сөйлеуде ауыз қуысы арқылы дұрыс дем шығара білуге үйрете отырып, дауыссыз қатаң, ұяң дыбыстарды естілуіне қарай дұрыс, анық айтуға үйрету, 3- 4 сөзден тұратын сөйлем құрату.

3. Байланыстырып сөйлеуін дамыту. Күнделікті сабақта естіген, білгенін, ойын, серуен кезінде көрген түйгенін, сурет және оқылған ертегілер мазмұнын ұнатқан ойыншықтары жайында ауызша сұрақ қоя отырып, әңгімелей отырып, қысқа ертегілердің кейіптендіре білуге үйрету. Мысалы: «Түлкі мен ешкі» ертегісінде: Түлкінің терісі қандай?(үлпілдек). Тағы нелер үлпілдек болады? (қар, шапан, тымақ, мысықтың жүні,кілемнің беті). Ешкінің түсі сұр болған, тағы нелер сұр түске жатады? (сұр бұлт, сұр бас киім, сұр ішік, сұр қоян) - Құдықтың суы қандай болады? –Мұздай. Тағы нелер мұздай болады? (мұздай су, мұз, суық жел, қар, су, мұз жатады) [2]

Дамыта оқыту технологиясы – күрделі құрылымды, біртұтас педагогикалық жүйе. Оның нәтижесінде әр баланың өзін өзі өзгертуші субьект дәрежесіне көтерілуі көзделіп,…